Ասում են, թե տարիքը ոչ այլ ինչ է, քան պարզապես թիվ, որը ոչ մի նշանակություն չունի, եթե դուք իրոք սիրում եք միմյանց։ Իսկ միգուցե դա այնքան էլ այդպես չէ և իրականում, տարիքային տարբերությամբ, կարելի է նախօրոք կանխատեսումներ անել, թե որքան ամուր կլինեն կամ չեն լինի ձեր հարաբերությունները։

Դեռևս ոչ ոք հաստատ չի կարող ասել, թե ինչպես են կառուցվում ամուր հարաբերությունները, սակայն գիտությունը վճռորոշ գործոն է հայտնաբերել. ամերիկացի գիտնականների իրականացրած հետազոտությունների համաձայն՝ գոյություն ունի մաթեմատիկորեն հաշվարկված տարիքային կատարյա տարբերություն, որը կարող է բարձրացնել ձեր երկարատև միասին լինելու հավանականությունը։

zNews-ը որոշել է ավելի մանրամասն ուսումնասիրել այս ամենը։

Հետազոտությանը 3000 մարդ է մասնակցել, որոնցից յուրաքանչյուրը ամուսնացած է եղել առնվազն մեկ անգամ։ Հետաքրքիր կապ է հայտնաբերվել. որքան մեծ է տարիքային տարբերությունը, այնքան ավելի մեծ է բաժանվելու հավանականությունը։ Իհարկե, բացառություններ միշտ էլ լինում են։

Գիտնականներն ավելի մանրամասն վիճակագրություն են ներկայացրել. տարիքային հինգ տարվա տարբերությամբ զույգերի դեպքում բաժանման հավանականությունը 18% է կազմում։ 10 տարվա դեպքում այդ թիվը 39% –ի է հասնում։ 20 և ավելի տարբերության դեպքում զույգերի բաժանման հավանականությունը 95%–ի է հասնում։

Գիտնականներն ուսումնասիրել են ոչ միայն տարիքային պարամետրերը, այլև նախամուսնական կամ ընդհանուր երեխայի առկայությունը, ծաղկա–կոնֆետային փուլի տևողությունը, հարսանիքի ծախսերը, կրթությունը և այլն։

Սակայն խոսենք նաև հետազոտության ուրախ կողմի մասին. գիտնականները պարզել են նաև զույգերի միջև կատարյալ տարբերությունը, որը 0–3 տարի է կազմում, այս դեպքում բաժանման հավանականությունը 3% է կազմում։

Ամփոփելով այս ամենը սակայն պետք է նշել, որ չի կարելի ժխտել բացառությունների գոյությունը։ Այնպես որ, մի հուսահատվեք, եթե ձեր և ձեր սիրելիի տարիքային տարբերությունը այնքան էլ փոքր չէ։

Չէ որ կարևորը զգացմունքներն են, փոխադարձ հարգանքն ու հանգստությունը, և եթե ձեր հարաբերությունները համապատասխանում են այս չափանիշներին, ապա պահպանեք դրանք։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին