Իրեն տարօրինակ չի պահում հեռախոսի պատճառով:
Եթե ձեզ խնդրում է նայել, թե ով է իրեն գրել կամ զանգահարել, եւ դուք գիտեք նրա սմարթֆոնի կոդը, ուրեմն նա ձեզանից թաքցնելու բան չունի:
Նա հարգում է ձեզ: Վիճաբանության ժամանակ երբեք չի վիրավորում, ձեզ հետ չի խոսում՝ ինչպես երեխայի հետ:
Անկախ այն հանգամանքից, լավ տրամադրություն ունի, թե՞ վատ, ձեզ հետ հավասարի պես է վարվում:
Նա երբեք չի անցնում սահմանագիծը: Չի սիրահետում մատուցողուհուն, երբ միասին ընթրում եք ռեստորանում: Չի մեկնաբանում, թե որքան լավն է ձեր ընկերուհին: Նրա ամբողջ ուշադրությունը ձեզ է ուղղված:
Նա կառավարում է իրեն: Երբ զայրացած է կամ միայնակ, իմպուլսիվ արարքներ չի գործում, որոնց մասին հետո ափսոսում է: Նա գործելուց առաջ մտածում է:
Նա ձեզ ասում է՝ որտեղ է եւ ինչ է անում: Նա երբեք չի անհետանում՝ չտեղեկացնելով, թե ում հետ ուր է գնում: Նա առանց որեւէ բացատրության գիշերվա կեսին չի հայտնվում ձեր տանը:
Նա խուսափում է տհաճ իրավիճակներից: Երբ նրա նախկինը սկսել է հուսահատորեն անհանգստացնել նրան, նա հեռախոսից ջնջել է բոլոր կոնտակտները: Երբ նրա ընկերները սթրիփ ակումբ են գնում, նա ասում է, որ տուն պետք է վերադառնա: Նա նման իրավիճակներում չի հայտնվում ձեր հանդեպ հարգանքից ելնելով:
Նա ամեն ինչ պատմում է ձեզ: Դուք մանրամասն գիտեք նրա բոլոր ընկերների ու գործընկերների մասին: Այդ պատճառով ոչ մի տարօրինակ բան չեք տեսնում՝ նրա հեռախոսում կնոջ նոր անուն տեսնելով:
Նա կատարում է իր բոլոր խոստումները: Եթե ասում է, որ ամռանը ճամփորդության կմեկնեք, ուրեմն անպայման արձակուրդը միասին կանցկացնեք: Եթե ասում է, որ ժամը 8-ին տուն կգա, ուրեմն ժամանակին կլինի: Նա հուսալի է:
Նա ամուր ընկերու թյուն ունի: Մարդիկ, որոնց հետ նա մտերիմ է, կմեռնեն հանուն նրա: Նա ընկերներին բարությամբ եւ հարգանքով է վերաբերվում, դա նշանակում է, որ այդպես կվերաբերվի նաեւ ձեզ:
Նա երբեք չի ստում ձեզ, նույնիսկ երբ նրա համար դժվար է ինչ-որ բան ասել, նա փորձում է դա անել: Նա չի լռում եւ ձեզանից ոչինչ չի թաքցնում:
Ոչ մի արտասովոր բան տեղի չի ունենում: Դուք երբեք ուրիշի շրթներկը չեք գտնում նրա մեքենայում կամ ծանոթությունների հավելված՝ նրա հեռախոսում: Երբեք ընկերներից նրա մասին բամբասանք կամ նախազգուշացում չեք լսել: Անհանգստանալու ոչ մի առիթ չունեք:
Դուք պարզապես զգում եք, որ ամեն ինչ կարգին է: Գիտեք, որ նա պատվարժան տղամարդ է եւ ձեզ ցավ չի պատճառի: Դուք ամբողջ սրտով վստահում եք նրան:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
