Մի շարք անսովոր ախտանիշներ կարող են վկայել օրգանիզմում վիտամին D-ի պակասի մասին:

Այս մասին իր կայքում հայտնում է դեղագործ Սյուզի Քոենը (ԱՄՆ):

Ըստ նրա` այս վիտամինի դեֆիցիտի հետեւանքով ակնե, սրտային առիթմիա, արյան բարձր ճնշում, արցունքոտություն, հոգնածություն, աղիքային խնդիրներ, փքվածություն, չոր կերատոկոնյոնկտիվիտ, մարմնի ցավեր, մկանների թուլություն, ճանաչողական գործառույթների նվազում, նյարդաբանական խանգարումներ, մակուլոդիստրոֆիա, աուտոիմուն հիվանդությունների սրացում, ալերգիա, կարմիր տափակ քարաքոս են հայտնվում:

Բժշկին դիմելիս հիվանդներին խորհուրդ է տրվում հնարավորինս մանրամասն պատմել իրենց ախտանիշների մասին. մասնագետների համար կարեւոր է իմանալ բոլոր ախտանիշները` հասկանալու համար` արդյոք դրանք կապված են միմյանց հետ, թե ոչ:

D վիտամինի դեֆիցիտի այլ նշանների շարքում մասնագետը նշել է գլյուկոզի բարձր մակարդակը արյան մեջ, հաճախակի ցանը մաշկի վրա, էրեկցիայի դիսֆունկցիան, միզուղիների հետ կապված խնդիրները, թեփը եւ տխրության նոպաները:

Վիտամին D-ի մակարդակի նորմալացման համար մասնագետը խորհուրդ է տալիս ավելի շատ ուտել այս վիտամինով հարուստ սնունդ, ինչպես նաեւ վիտամինային կոմպլեկսներ ընդունել` բժշկի հետ խորհրդակցելուց հետո:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ