Հաղորդավար Վրույր Թադևոսյանը իր ֆեյսբուքյան էջում գրառում է կատարել․
«Արմինե Ճաղարյանի հետ բեմ ենք կիսել, հազար ու մի առավոտներ ենք լուսացրել «Բարև Երկիր» ամենաջերմ մաղթանքով… ընկերացել, աշխատել, ստեղծել… անարդար բան կա աշխարհում….
Անժամանակ… մեր տարիների արխիվն եմ թերթում, ու չգիտեմ որը պատմեմ, որը հիշեմ… մեր ընկերոջը կորցրինք… մեզ նման մեկին, ով ստեղծելու ու ստեղծագործելու շատ ժամանակ պիտի ունենար… Բա ընտանիքը…
Արմինեն նկարահանման ամենաթեժ պահին անգամ երբեք մամայի զանգն անպատասխան չէր թողնում, ու ախպոր՝ Արմենի ուսը պինդ պահելով էր ապրում… Մեծ արժեհամակարգի ընկեր էր, մարդ էր: Դեռ էնքան բան կար պլանավորած, որ պիտի միասին անեինք….
Մի մեծ աշխատանքային ճանապարհ անցանք ու երբեք մահից չէր խոսում, ամբողջ զրույցների շարքը միայն կյանքից էր, երազանքներից…
Միշտ մի գիրք կար ձեռքին, վայրկյանի տակ նույնիսկ ամենաակտիվ զրույցների ժամանակ մեկ էլ հանկարծ Արմինեն անցնում էր ընթերցանության… սեփական գիրքդ կիսատ մնաց…»։