Սննդի ցեցը շատ վնասակար միջատ է, որը կարող է առաջանալ նույնսիկ ամենամաքուր խոհանոցում և զգալի վնաս հասցնել մթերքներին:
zNews-ը ներկայացնում է՝ ինչպես ընդմիշտ ազատվել այդ միջատից:
Եթե միջատներ հայտնաբերվել են, թրթուռներ էլ կլինեն, մնում է միայն դրանք գտնել:
Մանրամասնորեն նայիր շիլաների բոլոր փաթեթներն ու տարաները, դարակների ներսի ակյունները:
Ցեցը սիրում է նաև հաստատվել չրերի, կենդանիների չոր սննդի, ընկույզի, ալյուրի, համեմունքների, բլիթների և կոնֆետների մեջ:
Փնտրիր բոժոժներ և սարդոստայն, որը հյուսել ցեցը սիրում է տարաների կափարիչների և մթերքների փաթեթների կարերի վրա:
«Վարակի օջախները» հայտնաբերելով՝ անմիջապես դեն նետիր:
Պահարանները մանրամասնորեն լվա քացախով, բորաթթվով, կիտրոնի հյութով կամ պարզապես օճառի լուծույթով: Անցքերը մշակիր քացախի մեջ թաթախված խոզանակով:
30 րոպե անց ամեն ինչ լվա սովորական ջրով և չորացրու սրբիչով:
Որպես վախեցնող միջոց դարակների վրա սխտորի կտորներ կամ դարչինի ձողիկներ դիր:
Վնասատուներին վախեցնել կօգնեն նաև անանուխով, լավանդայով, օշինդրով, դափնու տերևով պարկիկները:
Այնուամենայնիվ, խնդիրը վերացնելու լավագույն տարբերակը կանխարգելումն է, ահա մի քանի խորհուրդ:
Ալյուրը, սպիտակաձավարը և այլ փոշենման մթերքները ավելի լավ է՝ շատ չգնել:
Հաշվարկիր դրանք 3-4 շաբաթում ուտելու համար, հետո նորը գնիր:
Գնված բոլոր մթերքները պահիր ապակյա, ամուր փակվող տարաների մեջ:
Ցեցը չի դիմանում բարձր ջերմաստիճանին, ուստի եթե անհրաժեշտ է եղել մեծ քանակությամբ սպիտակաձավար գնել, այն լավ տաքացրու ջեռոցում:
Ցեցը վախենում է նաև ցածր ջերմաստիճանից. ալյուրի փաթեթը մի գիշեր թող սառցարանում:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ