Ըստ աստղաբանների՝ կենդանակերպի որ նշաններն են ամենաամուր զույգերը կազմում։

1. Խոյ (21.03-19.04) և Կշեռք (23.09-22.10)

Խոյերն ի ծնե առաջնորդներ են։ Նրանք բավական ագրեսիվ են։ Կշեռքները, ընդհակառակը, ավելի նուրբ և հաճելի մարդիկ են, որոնք միշտ փորձում են շրջապատում բոլորին գոհացնել։ Նման զույգի սերը բավական դինամիկ բնույթ է կրում։ Կշեռքը ցանկացած պահի պատրաստ է ենթարկվել Խոյին։ Նրանք հրաշալի կերպով լրացնում են միմյանց, ինչը խոսում է նրանց համատեղելիության մասին։

2. Ցուլ (20.04-21.05) և Կույս (23.08-22.09)

Ասում են, որ հակապատկերները ձգում են միմյանց, սակայն դա միշտ չէ, որ կարելի է հաջող հարաբերությունների կատարյալ բանաձև անվանել։ Օրինակ՝ Ցուլն ու Կույսն իրոք լավ զույգ են կազմում, չնայած որ բնավորություններով նման են իրար։ Նրանք ագրեսիվ և կրքոտ են ամեն ինչում, ինչ վերաբերում է նրանց համոզմունքներին։ Նրանք կարող են շատ վիճել իրար հետ, բայց դա նորմալ է։ Նրանք երկուսն էլ անկանխատեսելի չեն, և դա էլ պատճառներից մեկն է, որ այդքան համապատասխան են միմյանց։

3. Երկվորյակներ (22.05-21.06) և Աղեղնավոր (23.11-21.12)

Եվս մի զույգ, որոնք, բնավորությամբ իրար նման լինելով, կարողանում են ընդհանուր լեզու գտնել։ Նրանք սիրում են բազմազանություն և տանել չեն կարողանում կանխատեսելիությունը։ Այս երկու նշանների միությունը հետաքրքիր և հրապուրիչ սիրո պատմություն է իրենից ներկայացնում։

4. Խեցգետին (22.06-22.07) և Ցուլ (20.04-21.05)

Իրենց բնույթով Խեցգետինները շատ հոգատար են։ Նրանք զգայուն հոգի ունեն, իսկ նրանց սիրտը լի է սիրով։ Նրանք միշտ պատրաստ են օգնել մտերիմներին, բաց են իրենց զգացմունքներում և իրենց կողքին ուժեղ անհատականություն են ուզում տեսնել, իսկ Ցուլը հենց այդպիսին է։ Բոլոր Ցուլերը շատ ուժեղ են։ Նրանք կարողանում են բավարարել Խեցգետնի զգայական պահանջներն ու ակնկալիքները։ Բացի այդ՝ նրանք հավատարիմ և հուսալի են, այդ պատճառով էլ համապատասխանում են փխրուն և զգացմունքային Խեցգետնին։

5. Առյուծ (23.07-22.08) և Խոյ (21.03-19.04)

Առյուծներն ինքնավստահ անհատներ են, որոնց կողքին շատերն են ցանկանում լինել, սակայն մեծամիտ և իրենց վրա կենտրոնացած Առյուծների հետ դժվար է լինում երկար հարաբերություններ պահպանելը։ Եվ այդ ժամանակ հայտնվում է Խոյը։ Սա կենդանակերպի շատ կրքոտ նշաններից է, այդ պատճառով էլ հրաշալի կերպով համապատասխանում է Առյուծին։ Խոյը հաճույքով ի ցույց է դնում իր զգացմունքները, իսկ Առյուծին դա դուր է գալիս։

6. Կույս (23.08-22.09) և Կարիճ (23.10-22.11)

Կույսը պերֆեկցիոնիստների նշանն է։ Նրանք սիրում են ճշգրտություն և կազմակերպվածություն։ Կույսի կազմակերպվածությունը հրաշալի գործիք է Կարիճի անկանխատեսելիությունը զսպելու համար։ Սա իդեալական օրինակ է, երբ հակապատկերներն իրոք իրար ձգում են։

7. Այծեղջյուր (22.12-20.01) և Կույս (23.08-22.09)

Այծեղջյուրներն ամենակազմակերպված և աշխատասեր մարդկանցից են։ Հենց Այծեղջյուրի հուսալիությունն է նրան կատարյալ զուգընկեր դարձնում Կույսի համար։ Այս երկու համաստեղությունները միանման լրջորեն են վերաբերվում ռոմանտիկ հարաբերություններին և կյանքին ընդհանրապես։ Նրանց հավասարակշռվածության շնորհիվ նրանք միասին կարողանում են ամեն բանի հասնել։ Այծեղջյուրն ու Կույսը հրաշալի են լուծում իրենց խնդիրները և հազվադեպ են բաժանվում իրարից։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ