Մեծ Բրիտանիայից մի կին պատմել է, թե ինչպես է իրեն հաջողվել 5 ամսում նիհարել 19 կիլոգրամով՝ շնորհիվ 80:20 կանոնի, հաղորդում է 7News-ը:
2020 թվականի փետրվարին 25-ամյա Ստեֆանի Նետոյի հայրը մահացել է։
Դրանից հետո նա դադարել է հետեւել իրեն եւ ավելի ու ավելի է սկսել ուտում սթրեսից։
Անհաջող հարաբերությունները միայն վատթարացրել են նրա վիճակը։
Չափից շատ ուտելուն ավելացել է ալկոհոլի չարաշահումը։ Շուտով նա գիրացել է մինչեւ 79 կիլոգրամ։
Նրան սկսել է տանջել շնչահեղձությունը, իսկ ավելորդ քաշը խանգարել է համապատասխան հագուստ ընտրել։
«Հիշում եմ, թե ինչպես էի ռեստորանում նստած մորս ու նախկին սիրեցյալի հետ, եւ որոշ աղջիկներ շշնջում էին, թե որքան գեր եմ ես»,-հիշում է նա։
Գիտակցելով խնդիրը՝ Նետոն որոշել է փոխել ապրելակերպը։ Նա սկսել է մարզվել եւ փորձել նիհարելու տարբեր մեթոդներ։ Սկզբում կինը փորձել է սննդակարգից բացառել ածխաջրերն ու արագ սնունդը եւ մարզումներ է արել, սակայն՝ ապարդյուն։
Նա արդյունքի է հասել, երբ սկսել է հետեւել 80:20 կանոնին: Ըստ նրա՝ դիետայի 80 տոկոսը պետք է լինի տնական սննդարար սնունդ, իսկ 20 տոկոսը՝ պատրաստի սնունդ։
Այժմ Նետոն նախաճաշին ուտում է մրգերով շիլա, լանչին՝ ձվածեղով բլիթներ, ընթրիքին՝ սաղմոն բրնձով եւ բանջարեղենով: Որպես խորտիկ՝ նա իրեն թույլ է տալիս ցածր կալորիականությամբ պաղպաղակ, գրանոլա, սպիտակուցային յոգուրտներ եւ այլ ցածր կալորիականությամբ սնունդ: Կինը օրական 10 հազար քայլ է կատարում, ամեն օր սպորտով է զբաղվում եւ շաբաթական չորս անգամ ուժային մարզումներ է կազմակերպում։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
