Ըստ Mayo Clinic-ի՝ շագանակագեղձի քաղցկեղն ազդել է շատ մարդկանց կյանքի վրա, քանի որ այն քաղցկեղի ամենատարածված տեսակներից մեկն է: Տարիքը, ռասան, գիրությունը եւ ընտանեկան պատմությունը գործոններ են, որոնք որոշում են հիվանդության զարգացման ռիսկը:

Նոր հետազոտության համաձայն՝ անառողջ սնունդը, որում ներառված է վերամշակված սննդամթերքը, կարող է մեծացնել շագանակագեղձի քաղցկեղի առաջացման վտանգը:

Վերջերս հրապարակված ուսումնասիրությունը ցույց է տվել, որ այն տղամարդկանց մոտ, որոնք գենետիկորեն շագանակագեղձի քաղցկեղով հիվանդանալու հավանականություն ունեն, 45 տոկոսով ավելի ցածր է շագանակագեղձի քաղցկեղից մահանալու ռիսկը՝ առողջ սննդակարգի շնորհիվ:

Ինչ վերաբերում է հետազոտության արդյունքներում նշված հստակ մթերքներին, որոնք կարող են նվազեցնել շագանակագեղձի քաղցկեղի առաջացման վտանգը, գիտնականները նշում են, որ լոլիկն իր բարձր լիկոպինի պարունակությամբ նվազեցնում է շագանակագեղձի քաղցկեղի առաջացման վտանգը: Այն նվազեցնում է նաեւ ձուկը՝ իր օգտակար ճարպերի շնորհիվ:

Մյուս կողմից, վերամշակված միսը հայտնի բորբոքային մթերք է, որը մեծացնում է ինսուլինանման աճի գործոնը, ինչը կարող է ազդել նաեւ մարմնի այլ հորմոնների վրա, քանի որ ամեն ինչ փոխկապակցված է:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին