Շիրակի մարզի Ախուրյան համայնքում երեկ լույս աշխարհ է եկել Ավետը: Նրա անունը պետք է Վաչե լիներ, բայց ծնողներն այնպիսի մղձավանջ հաղթահարեցին մինչեւ նրա լույս աշխարհ գալը, որ որոշեցին տղային անվանակոչել Ավետ:

Ավետի հայրը զինվորական է, երկար տարիներ ծառայել է Արցախում: Պատերազմի օրերին զենքը ձեռքին կանգնած էր ապաստարանի առաջ, որտեղ բազմաթիվ մարդիկ էին պատսպարվել:

Դեպի Հայաստան տանող ճանապարհը ծանր էր, 3 օրում կարողացան հաղթահարել: Լուսինեն պատմում է՝ անցակետում ծանր էր վիճակն արդեն, սարսափում էր այն մտքից, որ ադրբեջանցիները կարող էին ստիպել ու իրեն տեղափոխել Բաքու՝ այնտեղ ծննդաբերելու:

Հիմա որոշել են ապրել Գյումրիում: Դեռ չգիտեն՝ որտեղ: Նրանց երրորդ զավակն է իրենց ընտանիքին բարի լուր բերած Ավետը:

GalaTV