Ժամանակակից աշխարհում յուրաքանչյուր կին կարող է պլանավորել իր հղիությունը և ունենալ առողջ նորածին։
Երբեմն պլանավորման շրջանում կանայք գինեկոլոգիական բաժանմունքում անցնում են մասնագիտացված հետազոտութուն գենետիկի մոտ, և այդ գնահատականը թույլ է տալիս պտղի մոտ նվազագույնի հասցնել գենետիկ շեղումների ռիսկը։
Ո՞ր դեպքերում հարկ կլինի գիտակ գենետիկի օգնության կարիքը։ Վերջինիս հարկ է դիմեն նրանք, ովքեր գտնվում են անչափահաս տարիքում, ինչպես նաև 35-ն անց կանանք․ այս տարիքային խմբերում երեխաները խոցելի են քրոմոսոմների անհրաժեշտ հավաքածուի փոփոխմանը։ Լինում են դեպքեր, որ դիմում են նաև այն սիրահարված զույգերը, ովքեր միմյանց կապված են ոչ միայն ամուսնական թելերով, այլև բարեկամական․ այս համադրությունը անպայմանորեն ենթադրում է այց գենետիկին։
Ընտանիքը, ով բախվել է վիժման կամ մահացած ծնունդի, անպայման պետք է անցնի հետազոտություն՝ պարզելու համար գենետիկ շեղումները․ դրանց պատճառ կարող են լինել ոչ միայն մոր գենետիկան, այլ նաև հոր քրոմոսոմի վիճակը։
Գենետիկ ստուգում անց է կացվում նաև հղիության շրջանում․ այն հատկապես արդիական է զարգացման առաջին և երկրորդ եռամսյակերում։
Ռիսկային խմբում են նաև այն ծնողները, որոնց տոհմածառում կան կենտրոնական նյարդային, հենաշարժական համակարգերի, այլ ի ծնե առկա խանգարումներ ունեցող բարեկամներ։
Գենետիկ ուսումնասիրություն անցնում են նաև այն զույգերը, ովքեր առողջ են՝ որպեսզի հղիության ժամանակ բացառեն բոլոր չնախատեսված հանգամանքները։
Գենետիկ-բժշկի մոտ խոհրդատվությունն անցնում է մի քանի փուլով․առաջին այցի ժամանակ բժիշկը տեղեկատվություն է հավաքում ձեր ազգակցական կապերի մասին․այցելուները պետք է հնարավորինս մանրամասն ներկայացնեն տոհմածառում առկա բոլոր առողջական շեղումները։ Այնուհետև գալիս է անալիզների հանձնման հերթը, որոնց միջոցով պարզում են գենետիկ համատեղելիությունը, օրգանիզմի մոլեկուլյար-կենսաբանական գործընթացները։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
