Երիկամային հիվանդությունների 5 ախտանշան, որոնք մարդիկ հաճախ անտեսում են

Երիկամների հիվանդություններն այսօր շատ տարածված են և կարող են լուրջ հետևանքներ առաջացնել:

Med2.ru կայքը զրուցել է նեֆրոլոգ Անտոնինա Գրիդասովայի հետ և պարզել՝ որոնք են երիկամների խնդիրներից անտեղյակների համար ամենատարօրինակ ախտանշանները, որոնք հաճախ մարդիկ ընդունում են որպես առողջական այլ խնդիր:

1. Արյան ճնշման տատանումներ

Երիկամներն ու մակերիկանմները ռենին և ալդոստերոն հորմոնների միջոցով «կառավարում» են զարկերակային ճնշումը, ուստի դրանց աշխատանքի խափանման դեպքում կարող է առաջանալ արյան գերճնշում: Ճնշումը չափելիս ցածր սանդղակը հենց այդպես էլ անվանվում է՝ երիկամային, այդ իսկ պատճառով, եթե այն 90-ից բարձր է, անհրաժեշտ է անհապաղ ստուգել արտաթորության համակարգը (ստուգել մեզի մեջ սպիտակուցների քանակը, երիկամային հորմոնները, հանձնել արյան կենսաքիմիական անալիզ, անել ուլտրաձայնայի հետազոտություն կամ համակարգչային տոմոգրաֆիա): Հաճախ ճնշման տատանումները կարգավորելու համար անհրաժեշտ է պարզապես հրաժարվել աղից, բավական հեղուկ խմել (օրվա ընթացքում 1,5 լիտր) և կարգավորել քունը:

2. Ցավ աճուկների հատվածում

Քրոնիկ պիելոնեֆրիտի դեպքում հաճախ ախտանշանները դժվար է լինում հայտնաբերել: Այն կարող է աննկատ լինել մի քանի տարի, այնուհետև հանկարծակի դրսևորվել տարօրինակ ախտանշաններով (օրինակ՝ աճուկների կամ կողոսկրերի հատվածում ցավերով, սրտխառնոցով, հոդացավերով): Մի քանի օրից կնկատվեն նաև երիկամային ցավեր: Ի դեպ՝ տարածվածությամբ պիելոնեֆրիտը զիջում է միայն սուր շնչառական վիրուսային վարակին (ОРВИ): Դրա այդքան տարածված լինելու պատճառն այն է, որ մարդիկ սովորություն ունեն մրսելու և իրենց առողջությանը չհետևելու: Պիելոնեֆրիտի հայտնաբերման դեպքում առաջին տարին անհրաժեշտ է յուրաքանչյուր 3 ամիսը մեկ անգամ հանձնել համապատասխան անալիզներ՝ հիվանդությունը վերահսկելու համար:

3. Կեղծ կաթնասնկախտ

Սեռական օրգանների հատվածում քորը, լորձաթաղանթի թույլ բորբոքումները և միզելիս ցավերը աղերի սովորականից շատ արտազատման՝ այսպես կոչված աղային դիաթեզի ախտանշաններն են: Դրա պատճառ կարող է հանդիսանալ սննդակարգում շատ աղի և մորմազգիների (լոլիկ, սմբուկ և այլն) գործածությունը: Միզաքարային հիվանդություններից խուսափելու համար անհրաժեշտ է ժամանակավորապես սննդակարգից բացառել կալցիումով հարուստ սնունդը, չնայած՝ կանայք սովորաբար աշխատում են հնարավորինս շատ օգտագործել նման սնունդ՝ ամուր ոսկորներ ունենալու համար:

4. Սննդի մեջ նախասիրությունների փոփոխություններ

Հանկարծակի բուսակեր դառնալու ցանկությունը կամ պարզապես մսեղենից հրաժարվելը նույնպես կարող է լինել երիկամների հիվանդության արդյունք: Սպիտակուցների յուրացումից հետո օրգանիզմում մեծ քանակությամբ «աղբ»՝ ազոտային նյութեր են հավաքվում: Օրգանիզմն այդ կուտակումներից ազատելու անհրաժեշտությունը թույլ չի տալիս նոր սպիտակուցներ ընդունել: Սակայն պետք է հիշել, որ օրգանիզմի սովորական վիճակում սնունդը պետք է բազմազան լինի՝ մսեղեն, ձկնեղեն, բանջարեղեն և միրգ: Սննդային ծայրահեղությունները, հատկապես ջրի պակասի դեպքում, կարող են հանգեցնել քարերի կուտակման: Մսակերների մոտ կարող են առաջանալ ուրատային քարեր, բուսակերների մոտ՝ օկսալատային, իսկ կաթնամթերքի սիրահարների մոտ՝ ֆոսֆատային:

5. Քրոնիկ հոգնածության զգացում

Այս ախտանշանը կարող է լինել ոչ միայն տարատեսակ բորբոքումների, այլև նեֆրոպտոզի (երիկամների իջեցում) դեպքում: Վերջինը պարզապես անատոմիական հատկություն չէ, քանի որ հանգեցնում է թուլության և ցավոտ զգացողությունների: Այն կարող է առաջանալ ծանր ֆիզիկական աշխատանքի, ծննդաբերության, ծանրություն բարձրացնելու կամ կտրուկ քաշի կորստի դեպքում: Թվում է, թե փրկությունը հանգստի մեջ է, սակայն իրականում անհրաժեշտ է նման խնդրի բուժման համար հատուկ մշակված ֆիզիկական վարժություններ կատարել: Բացի այդ կարելի է նաև զբաղվել լողով, կամ մարզել որովայնի մկանները:

Երիկամների հիվանդությունների ամենատարածված ախտանշաններն են.

· գոտկատեղի և երիկամների հատվածի ցավերը,

· միզելու հետ կապված խնդիրները,

· մեզի գույնի փոփոխությունը:

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

Հետաքրքիր պատմություն Ֆրունզիկ Մկրտչյանի մասին, որը քչերը գիտեն
Որ տարիքից են երեխաները սկսում երազներ տեսնել
Ինչպես ազատվել մենակությունից․․․
Ինչո՞ւ է ցավում որովայնը սեռական հարաբերությունից հետո և ինչ անել դրա դեմ
Ինչո՞ւ Ստալինը ստիպեց Խրուշչովին մտնել բիլիարդի սեղանի տակ և ժամերով դուրս չգալ. պատմություն, որ քչերը գիտեն
Մանգոյի բուժիչ հատկությունները, որոնց մասին քչերը գիտեն

ԱՄԵՆԱԸՆԹԵՐՑՎԱԾ

Դաստիարակության 10 ոսկե կանոններ՝ հոգեբան Յուլյա Հիպպենռեյթերից
Ինչու՞ են կանայք դավաճանում
Ինչի՞ հետ է կապված մշտապես սեքսով զբաղվելու անհագ ցանկություն ունենալը
Հայտնի են կնոջ ամենասեքսուալ հասակը և քաշը
8 նշան, որ մատնում են կանաց, ովքեր վաղուց սեռական հարաբերություն չեն ունեցել
«Մահանալը՝ ոչինչ, սարսափելին չապրելն է». Վիկտոր Հյուգոյի լավագույն 25 մտքերը
«Երբ դուք բաց եք թողնում, դեպի ձեզ է վերադառնում լավագույնը». Շրի Ռավի Շանկարի 7 անգին խորհուրդները
6 բան, որ չի կարելի անել սեռական հարաբերությունից առաջ
Արտահայտություններ, որ տղամարդիկ պաշտում են լսել

ԲԱՑ ՄԻ ԹՈՂԵՔ

Եթե քո տղամարդը պատճառում է այս 6 հիասթափությունները, ուրեմն սխալվել եք ընտրության հարցում
Թեստ. Բարի՞ մարդ եք, թե՞ չար
Հետաքրքիր պատմություն Ֆրունզիկ Մկրտչյանի մասին, որը քչերը գիտեն
Որ տարիքից են երեխաները սկսում երազներ տեսնել
Ինչպես ազատվել մենակությունից․․․
Իմաստուն առակ․ «Ավելին, քան փողը»
Բազմագիտակության թեստ․ Փորձեք ճիշտ պատասխանել բոլոր հարցերին
Ինչո՞ւ է ցավում որովայնը սեռական հարաբերությունից հետո և ինչ անել դրա դեմ
Ինչո՞ւ Ստալինը ստիպեց Խրուշչովին մտնել բիլիարդի սեղանի տակ և ժամերով դուրս չգալ. պատմություն, որ քչերը գիտեն