Մարամարաշենի գերեզմանատանը հողին են հանձնել մյուրիշենցի ամուսիններին՝ 51-ամյա Սաշիկին ու կնոջը՝ 45-ամյա Լիանային:
Նրանք Ստեփանակերտ-Ասկերան ավտոճանապարհի բենզինի պահեստի պայթյունի զոհերն են:
4-րդ կարգի այրվածքներով պայքարել են կյանքի համար, բայց հետո հանձնվել են ու որբ թողել 5 երեխաներին:
87 -ամյա տատի խնամքին են հիմա երեխաները, ամենամեծը 21-ամյա Սվետան է, ամենափոքրը՝ 11-ամյա Նարեն, բոլորն էլ ամենադաժան աղետները տեսած մեծ մարդու հայացքով՝ կորցրած տունը, հայրենիքը, ծնողներին:
