Ներզատաբան Եկատերինա Յանգը Gazeta.ru-ի հետ զրույցում նշել է՝ առավոտյան անմիջապես արթնանալուց հետո ի հայտ եկող որ ախտանշանների դեպքում է հարկավոր անհապաղ բուժզննում անցնել։

Ինչպես նշել է մասնագետը, առավոտյան հարկավոր է առաջին հերթին ուշադրություն դարձնել բերանի խոռոչի հոտին։

Առողջ մարդու շնչառությունն առավոտյան հարաբերականորեն թարմ է լինում, իսկ լեզուն չի ունենում փառ, մինչդեռ հակառակ դեպքում հարկավոր է անպայման դիմել բժշկին։

Շատ ուշադիր է պետք լինել նաև աչքերի տակ առաջացած այտուցների դեպքում։ Եթե երեկոյան մարդը չի կերել աղի մթերք և չի խմել մեծ քանակությամբ հեղուկ, ապա այտուցները կարող են պայմանավորված լինել որոշակի հիվանդություններով։

Ինչպես ընդգծել է մասնագետը, առավոտյան ախորժակի բացակայությունը ևս կարող է հուշել որոշակի խանգարումների մասին։

Բացի այդ, մասնագետը խորհուրդ է տվել ուշադրություն դարձնել ինքնազգացողությանը սուրճ խմելուց հետո կամ այդ ըմպելիքի բացակայության դեպքում։

Եթե միայն սուրճից հետո է հնարավոր լինում առույգանալ, ապա օրգանիզմը չի կարողանում քնի ընթացքում ինչպես հարկն է վերականգնվել։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ