Դեմենցիան կամ թուլամտությունը ծանր նեյրոդեգեներատիվ հիվանդություն է, որի զարգացմանը նպաստող գործոններից մեկը կարող է լինել գազավորված քաղցր ըմպելիքների գործածությունը։ Այս մասին գրում է «Մոսկվա 24»-ը՝ վկայակոչելով սննդաբան Ելենա Սոլոմատինային։
Մասնագետի խոսքով՝ շաքարի գործածությունը վնասում է անոթներն ու հանգեցնում աթերոսկլերոտիկ վահանիկների առաջացման, ինչն էլ դառնում է գլխուղեղում թթվածնի պակասի պատճառ ու հանգեցնում խանգարումների։
Ըստ Սոլոմատինայի՝ ամենավտանգավոր մթերքն այս դեպքում գազավորված քաղցր ըմպելիքներն են, քանի որ դրանցում շաքարի պարունակությունը չափազանց բարձր է, մինչդեռ մարդիկ օրվա ընթացքում կարող են մինչև մեկ շիշ նման ըմպելիք օգտագործել։
«Մի բաժակ գազավորված ըմպելիքի մեջ մոտ հինգ կտոր շաքար է պարունակվում», – նախազգուշացրել է մասնագետը։
Նման վտանգավոր խնդրի և մի շարք այլ խանգարումների զարգացումից խուսափելու համար սննդաբանը խորհուրդ է տվել գազավորված քաղցր ըմպելիքների փոխարեն խմել թեյ ու սուրճ, քանի որ այս ըմպելիքները հարուստ են օգտակար հակաօքսիդանտներով։ Բացի այդ, գազավորված ըմպելիքներին փոխարինող հիանալի տարբերակ կարող են լինել քաղցր սմուզիները։ Ընդ որում՝ Սոլոմատինան խորհուրդ է տալիս այդ ըմպելիքներին հապալաս ու կապույտ հապալաս ավելացնել, քանի որ այդ հատապտուղներն օգնում են կանխարգելել դեմենցիայի զարգացումը։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ