Ջրծաղկով վարակվելու հավանականությունը պահպանվում է անգամ նախկինում հիվանդացածների մոտ, եթե նրանց իմունային համակարգը թուլացած է, գրում է URA.Ru-ն՝ վկայակոչելով նյարդաբան Եկատերինա Դեմյանովսկայային։
Մասնագետի խոսքով՝ ջրծաղկով կարելի է վարակվել իմունիտետի կտրուկ անկման և օրգանիզմի պաշտպանունակությունը թուլացնող լուրջ իմունամոդուլացնող դեղերի ընդունման դեպքում։
Ռիսկային խմբում են ՄԻԱՎ վարակակիրներն ու օնկոլոգիական հիվանդություններ ունեցողները։
Ընդ որում՝ մեծահասակների մոտ ջրծաղիկն ավելի ծանր ու երկարատև ընթացք է ունենում, քան երեխաների մոտ։
«Ավելի հաճախ է հանդիպում ծանր ընթացքը՝ գլխուղեղի թաղանթի բորբոքումով ու այտուցներով ուղեկցվող ջրծաղկային մենինգոէնցեֆալիտի, ջրծաղկային թոքաբորբի և սրտամկանի ախտահարման զարգացումով համակցված», – նախազգուշացրել է մասնագետը։
Ջրծաղիկը խիստ վտանգավոր կարող է լինել հղիների համար՝ հատկապես հղիության առաջին ու երկրորդ եռամսյակում, քանի որ պտղի մոտ կարող են ծանր ախտաբանություններ զարգանալ։ Եթե մարդը չգիտի՝ հիվանդացել է արդյոք մանուկ հասակում ջրծաղկով, ապա պետք է արյան հետազոտություն անցնի հակամարմինների առկայությունն ստուգելու համար և պատվաստվի՝ հնարավոր խնդիրների զարգացումից խուսափելու համար։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ