Կենդանակերպի այս նշանի ներկայացուցիչները հուսալի են, քանի որ նրանց կարելի է վստահել ցանկացած գաղտնիք, այդ թվում սեփական կյանքը։
Նրանց կարող եք պատմել ցանկացած բան՝ վստահ լինելով, որ այդ մասին որևէ այլ մեկը չի իմանա։
Ցուլ
Մարդկանց վստահելուց առաջ Ցուլերը երկար ժամանակ ուշադրությամբ հետևում են նրանց։ Եթե խոսելու ցանկություն ունեք, Ցուլը լավագույն տարբերակն է։ Նա պատրաստ է համբերությամբ լսել, օգնություն առաջարկել, և, եթե խնդրեք լռել այդ հարցի մասին, Ցուլը հենց այդպես էլ կվարվի։ Նույնիսկ ճնշման ներքո Ցուլը որևէ ավելորդ բան չի ասի։ Կենդանակերպի այս նշանի ներկայացուցիչները կարող են գաղտնի գործակալներ դառնալ, ումից հնարավոր չէ որևէ տեսակի տեղեկատվություն ստանալ։ Այս իմաստով Ցուլերի կամակորությունն օգտակար է։
Առյուծ
Կենդանակերպի այս նշանի ներկայացուցիչները հասկանում են՝ որքան բացասական երևույթներ են խոսակցություններն ու բամբասանքը, այդ պատճառով էլ երբեք չեն ցածրանա այնքան, որ պատմեն ուրիշների գաղտնիքները։Նրանք հավատարիմ են, բարի, ձգտում են լինել ընկեր, ում մարդիկ կարող են վստահել։ Նրանք ավելի շուտ կպատմեն իրենց գաղտնիքները, քան կխոսեն մյուսների գաղտնիքների մասին։ Առյուծները վստահ են, որ մարդու վստահությունը կորցնելը սոսկալի երևույթ է և չեն ցանկանում անվստահելի մարդու համբավ ձեռք բերել։
Կույս
Կույսերը պատրաստ են ոչ միայն պահել գաղտնիքները, այլև օգնել մարդկանց։ Եթե դիմացինն իրեն վատ է զգում, կենդանակերպի այս նշանի ներկայացուցիչները նրան սթափեցնելու համար ճիշտ բառեր կընտրեն, իսկ խնդիրների առկայության դեպքում ամեն կերպ կաջակցեն ու դրանց լուծման ճիշտ տարբերակներ կորոնեն։ Կենդանակերպի այս նշանի նեկայացուցիչները ոչ միայն խելացի են, այլև վստահելի ու պատասխանատու։ Նրանք հասկանում են՝ կան բաներ, որոնց մասին հարկավոր է լռել։
Կարիճ
Եթե վստահեք Կարիճին և խնդրեք լռել, նա ձեզ հուսախաբ չի անի և լռություն կպահպանի, նույնիսկ տանջանքների ենթարկվելու դեպքում։ Կենդանակերպի այս նշանի բոլոր ներկայացուցիչները գաղտնիքները պահելու պարտավորություն են զգում։ Նրանք բավական փակ, հանելուկային են, այդ պատճառով էլ կարող եք վստահ լինել, որ ձեր գաղտնիքները պահվում են չհրկիզվող պահարանում։
Այծեղջյուր
Այծեղջյուրները ոչ միայն չեն բացահայտի մյուսների գաղտնիքները, այլև այդ տեղեկատվությունը չեն օգտագործի սեփական նպատակներով։ Կենդանակերպի այս նշանի ներկայացուցիչները սիրում են խաղալ կանոններին համաձայն և ամբողջությամբ թափանցիկ լինել սեփական գործողություններում։ Նրանք իմաստուն են, գիտեն, որ մարդու վստահությունը չարաշահելը ոչ մի լավ բանի չի հանգեցնի։ Այծեղջյուրներին կարելի է համեմատել բժշկի կամ փաստաբանի հետ, ով պարտավոր է չբացահայտել հաճախորդի գաղտնիքները։
Ձկներ
Ձկներն ազնիվ են, անկաշառ, կարող եք վստահել նրանց։ Նրանք ձեզ չեն դավաճանի, հուսախաբ չեն անի՝ օգտագործելով ձեր մասին գաղտնի տեղեկատվության տիրապետելու հանգամանքը։ Քանի որ Ձկները չափազանց ինտուիտիվ են, մի զարմացեք, եթե նրանք ձեր պատմելուց առաջ իմանան ձեր գաղտնիքները։ Բայց կարող եք վստահ լինել, որ ձեր բոլոր գաղտնիքները հուսալի փակի տակ են։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
