Լոնդոնի Քինգս քոլեջի գիտնականները պարզել են, որ հապալաս ուտելը դրական է ազդում տարեց մարդկանց ուղեղի և արյան անոթների վրա:
Արդյունքները հրապարակվել են The American Journal of Clinical Nutrition ամսագրում:
Տարիքի հետ մարդիկ ավելի շատ են ենթարկվում սրտանոթային և նեյրոդեգեներատիվ հիվանդությունների:
Ճանաչողական ֆունկցիան նույնպես ավելի արագ է նվազում 60 տարեկանից բարձր մարդկանց մոտ։
Հեղինակները փորձել են ուղիներ գտնել՝ դանդաղեցնելու կամ կանխելու տարիքային այս փոփոխությունները:
Հետազոտությանը մասնակցել է 65-ից 80 տարեկան 61 մարդ: Նրանց բաժանել են երկու խմբի՝ մի խումբը պլացեբո է ընդունել, իսկ երկրորդը՝ 26 գրամ հապալասի փոշի։
Հեղինակները պարզել են, որ տարեցները, ովքեր 12 շաբաթվա ընթացքում ամեն օր օգտագործում էին հապալասի փոշի, ավելի առողջ արյան անոթներ ունեին և ավելի լավ էին կատարում ճանաչողական առաջադրանքները՝ համեմատած պլացեբոյի խմբի հետ:
Նյութերի խումբը, որը կարող է կանխել այս առողջական խնդիրները, պոլիֆենոլներն են:
Անտոցիանինները պոլիֆենոլի մի տեսակ են, որ հանդիպում են հապալասում:
Դրանց շնորհիվ է, որ հատապտուղը կապույտ գույն ունի։
Անտոցիանինները ուժեղ հակաօքսիդանտներ են, չեզոքացնում են ազատ ռադիկալների ազդեցությունը, արգելակում են ուռուցքների աճը և բարենպաստ ազդեցություն ունեն մարդու օրգանիզմի վրա։
Ուստի վառ գույների բանջարեղենն ու մրգերը համարվում են օգտակար օրգանիզմի համար։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ