Բացի արտաքին գրավչությունից, յուրաքանչյուր կնոջ զինանոցում պետք է լինեն կախարդական հնարքներ, որոնցից նույնիսկ ամենահամառ տղամարդը կկորցնի գլուխը։

Անդրադառնանք դրանցից մի քանիսին։

Եթե կանայք սիրում են ականջներով, ապա տղամարդիկ սիրում են իրենց աչքերով։ Իհարկե, վստահ ենք, որ դուք միշտ բարձունքում եք և պատրաստ եք մեկ հայացքով սիրահարեցնել ում ցանկանաք։ Բայց դուք գիտեի՞ք, որ որոշ աննկատ թվացող ժեստեր լի են գրավչության կախարդական ուժով:

Հավանաբար, ձեզնից շատերը կհիշեն Անաստասիա Սթիլի և Քրիստիան Գրեյի պատմությունը։ Ո՞վ կմտածեր, որ տատիկի հանդերձանքով բոլորովին անհրապույր ուսանողը կարող է առեղծվածային և առասպելական հարուստ գործարարի ուշադրությունը գրավել: Պարզվում է՝ ամբողջ խնդիրն այն է, որ աղջիկն ինքը, չնկատելով դա, կծոտել ու լիզել է իր շուրթերը։

Ձեր զուգընկերոջ հետ զրույցի ընթացքում (նույնիսկ «պոտենցիալ») արեք այս հնարքը և կնկատեք, թե ինչպես է կրակը վառվում նրա աչքերում, իսկ պարկեշտ մտքերը հետին պլան են մղվում: Հավատացեք, նրա համար չափազանց դժվար կլինի դիմադրել ձեզ համբուրելու գայթակղությանը։

Մեկ այլ հնարք, որը հայտնի է եղել անհիշելի ժամանակներից, դա մազերի հետ կոկետ խաղն է։ Ձեր մատի շուրջը պտտեք գանգուրը կամ ժամանակ առ ժամանակ թափահարեք մազերը, և նույնիսկ չեք էլ նկատի, թե ինչպես եք հիպնոսացնում տղամարդուն: Հիմնական բանը, որ հարկ է հիշել, այն է, որ ձեր մազերը միշտ պետք է լինեն մաքուր և բուրավետ, հակառակ դեպքում ամեն ինչ կխամրի:

Յուրաքանչյուր կնոջ ամենասեքսուալ և ամենախոցելի հատվածներից մեկը նրա պարանոցն է։ Հավատացեք, որ վերջինիս ուրվագիծը ոչ պակաս ազդեցություն ունի տղամարդկանց վրա, քան խորը դեկոլտեն ու փարթամ վարսերը։ Փորձեք մերկացնել պարանոցը՝ ընտրելով այնպիսի հանդերձանք, որը հրամցնում է հիանալի տեսարան:

Մի մոռացեք ամրացնել մազերը, որպեսզի ոչինչ չխանգարի հիանալ ձեր թավշյա մաշկով: Ի դեպ, ինչպես մերկ պարանոցը, այնպես էլ ուսերն օգնում են ստեղծել վստահության և խոցելիության ազդեցություն, որն անհավատալիորեն հուզում է տղամարդկանց։

Ուղիղ կեցվածքը ձեր կատարյալ արտաքինի գրավականն է: Եվ եթե դուք անգամ թուլացած դիրքից անկաշկանդ ձգվեք՝ ձեր կուրծքն առաջ տալով, ապա վստահ եղեք, որ ձեր արքայազնի հիացմունքն ապահովված կլինի։

Նրա գլխում «կայծ, փոթորիկ և խելագարություն» առաջացնելու համար պատահաբար դիպչեք նրան: Մատուցեք բաժակը՝ դիպչելով նրա մատներին կամ նրա ուսից անկաշկանդ մաքրեք փոշու երևակայական հատիկը: Ինչպիսի՞ն կլինի արձագանքը. չեք կարող կռահել (նա զարմացած կսառչի կամ կսարսափի հաճելի անակնկալից), բայց հաստատ իմացեք, որ նա ձերն է:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ