Երբ հարաբերություններ են սկսվում, թվում է, թե ամեն ինչ հիանալի է ստացվում: Բայց ինչ-որ պահի տղամարդը, ում հետ կինը երեխաներ է մեծացրել, ապրել հարմարավետ տանը, պարզապես անհետանում է՝ ոչինչ չբացատրելով։ Ինչո՞ւ։ Այս հարցին պատասխանել է հարաբերությունների փորձագետ և մարզիչ Լուկաս Մաքքորդը:

Տղամարդիկ սովորաբար գիտեն, թե ինչ են սիրում, ինչը՝ ոչ։ Առաջին բանը, որ նրանք նկատում են կնոջ մոտ, նրա արտաքինն է։ Եթե դուք դուր եք եկել տղամարդուն, նա ձեզ ժամադրության կհրավիրի։ Եվ որոշ ժամանակ արտաքին գրավչությունը կբավարարի։ Բայց քանի որ տղամարդը հստակ գիտի, թե ինչն իրեն դուր չի գալիս, նա արագ կսկսի ուշադրություն դարձնել ձեր ներքին բովանդակությանը։ Հոգի, բնավորություն, սովորություններ՝ այս ամենը որոշիչ նշանակություն ունի։ Եվ դա ավելի կարևոր է, քան արտաքինը:

Մարզիչ Լուկաս Մաքքորդը շատ ընկերուհիներ ունի, ովքեր կիսվում են իրենց հարաբերությունների և ժամադրությունների մասին: Այս րապարակումը կոչված չէ արդարացնելու տղամարդկանց, ովքեր անհետանում են առանց բացատրության, այլ նպատակ ունի բացահայտել, թե ինչու են նրանք այդպես վարվում:

Հարաբերությունների հենց սկզբում և նույնիսկ առաջին ժամադրության ժամանակ կան մի քանի կարևոր նրբերանգներ, որոնց կինը պետք է ուշադրություն դարձնի։ Որովհետև դրանցից ոմանք տղամարդիկ ընկալում են որպես նախազգուշացում. «Փախիր նրանից և արագ»: Սա չի փոխվի, եթե նա քեզ ավելի լավ ճանաչի․ եթե տղամարդը նման «ազդանշաններ» ստանա, ոչինչ չի ցանկանա իմանալ։

1. Դուք սիրո և հարաբերությունների մեծ կարիք ունեք

Տղամարդիկ չեն սիրում էմոցիոնալ պատասխանատվություն ստանձնել, քանի դեռ նրանց մոտ կապվածություն չի առաջացել: Եթե նա զգում է, որ դուք նրա կարիքն ունեք, այլ ոչ թե պարզապես «ուզում եք», նրա գլխում ահազանգ է հնչում։ Էմոցիոնալ առողջ տղամարդը չի ցանկանա լինել ձեր դատարկությունը կամ կյանքը լցնողը:

Հնարավոր է, որ դուք բազմիցս լսել եք հակառակը, բայց նրանք չեն երազում կանանց փրկել թշվառ կյանքից։ Նրանք ցանկանում են լինել մի կնոջ հետ, ով կարող է երջանիկ և լիարժեք կյանք վարել առանց իրենց: Սա ինֆանտիլիզմ ու տհասունություն չէ։ Մեկ բան է կամավոր օգնել մեկին, ում հետ արդեն հարաբերությունների մեջ ես, կապված ես, սիրում ես: Եվ մեկ այլ բան, երբ դա սպասվում է քեզնից կամ նույնիսկ պահանջվում է հենց սկզբից: Դա վախեցնող է:

2. Դուք ցանկանում եք մոռանալ նախկինին

Ոչ մի տղամարդ չի ցանկանում փոխարինել մեկ ուրիշին: Եթե դուք ամուսնալուծվել եք կամ դադարեցրել եք երկարատև հարաբերությունները, մի սպասեք, որ ինչ-որ խեղճ տղա կստանձնի մխիթարողի դերը: Տղամարդկանց գրավում են նրանք, ովքեր իրենց կյանքում լիակատար կարգ ու կանոն ունեն։ Իսկ եթե ոչ ամբողջական է, ապա նրանք ուրախությամբ ու խանդավառությամբ ինքնուրույն կարգի են բերում բաց թողածը։ Նրանց համար հետաքրքիր են կանայք, ովքեր գիտեն, թե ինչ են ուզում կյանքից, վստահ են իրենց վրա և չեն վախենում մենակ մնալուց։ Եթե տղամարդ եք փնտրում, քանի որ մենակությունը ձեզ վախեցնում է, պոտենցիալ հայցորդները կվերանան ձեր կյանքից հենց որ հայտնվեն հորիզոնում։

3. Դուք դրամայի թագուհի եք

Տղամարդիկ ավելի դժվար են կառավարում իրենց զգացմունքները: Հոգեբանության պրոֆեսոր Էնն Կրինգի ուսումնասիրությունը ցույց է տվել, որ կանայք շատ ավելի ուժեղ են արտահայտում զգացմունքները: Տղամարդիկ ատում են սիրո բարդ դրսևորումները, քանի որ չգիտեն, թե ինչ անել դրա հետ: Երբ կինը հարցնում է. «Դե, ո՞ւր են գնում մեր հարաբերությունները», տղամարդուն միաժամանակ պատում են մի քանի բացասական հույզեր, որոնց նա չի կարողանում հաղթահարել: Երբ նա խանդի տեսարան է սարքում կամ ասում է նման մի բան. «Կարծում եմ, որ դու ինձ ավելի շատ ես դուր գալիս, քան ես՝ քեզ», նա պարզապես չգիտի, թե ինչպես արձագանքել: Եվ տղամարդու համար ավելի հեշտ է փախչել, քան ապրել այդ դրաման:

Հարաբերությունների սկիզբը ներառում է միմյանց ճանաչելը, զվարճանալը, զգացմունքային կապի և մտերմության ստեղծումը: Բայց եթե առաջին իսկ օրերից (շաբաթներից, ամիսներից) սկսեք կշռել նրա ներդրումը հարաբերություններում, ակնկալեք ավելին, քան նա կարող է առաջարկել, ամենայն հավանականությամբ, տղամարդը չի մնա ձեր կողքին՝ պարզելու համար՝ արժանի՞ եք արդյոք դուք այդ ամենին, այլ կհեռանաք:

4. Դուք անվստահ եք

Մի ուսուցիչ մի անգամ ասել է. «Եթե դու չես հավատում ինքդ քեզ, ինչո՞ւ ուրիշը քեզ պետք է հավատա»: Եթե վստահ չեք ձեր և ձեր արարքների վրա, տղամարդը չի փոխհատուցի այդ պակասը։ Եթե դուք մշտական խրախուսող խոսքերի կարիք ունեք, որ հիանալի տեսք ունեք, լավ եք աշխատում, առաջադեմ դաստիարակություն եք տալիս երեխաներին և աստվածային կերակուր պատրաստում, ապա նա կհոգնի ձեզ ամեն օր ուրախացնելուց:

Ոչինչ այնքան չի գրավում, որքան ինքնավստահությունն ու սեփական արժանապատվության գիտակցումը: Մենք չենք կարող որևէ բան առաջարկել պոտենցիալ զուգընկերոջը, եթե չենք հավատում ինքներս մեզ և չենք հարգում մեզ որպես մարդ:

Կանայք գեղեցիկ են, և առանց նրանց հանրությունը պարզապես կորած կլիներ։ Կանանց համար կարևոր է հասկանալ, որ տղամարդիկ իրենց պետք չեն։ Իրենք կարող են ինքնուրույն ամեն ինչ լավ անել: Միայն այն, որ դուք չունեք զուգընկեր այս պահին, չի նշանակում, որ պետք է անմիջապես գտնեք և այդ որոնումը դարձնեք ձեր կյանքի գլխավոր նպատակը: Հարաբերություններն աներևակայելիորեն ավելի գեղեցիկ են դառնում, եթե դրանք չեն մթագնավում այն մանկական մրցավազքով, որը հնչում է այսպես․ «Ինձ տղամարդ է պետք»: Դուք նրա կարիքը չունեք: Դուք կին եք և գեղեցիկ, եզրափակում է Լուկաս Մաքքորդը։

Վայելի՛ր քեզ, կյանքը, և այդ ժամանակ բոլոր տղամարդիկ կլինեն քո ոտքերի տակ:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ