Հանրահայտ ռուս բժիշկ ու հաղորդավար Ալեքսանդր Մյասնիկովն անդրադարձել է բրոնխաբորբի բուժման հիմնական մեթոդներին՝ ներկայացնելով բժիշկների հիմնական սխալներն ու կոչ անելով իր գործընկերներին ավելի ուշադիր լինել ախտորոշումների ժամանակ, գրում է actualnews.org կայքը։
Բժշկի խոսքով՝ հաճախ պոլիկլինիկաներ դիմած մարդկանց մոտ բրոնխիտ ախտորոշելու դեպքում մասնագետները հակաբիոտիկների ներարկումներ են նշանակում, մինչդեռ ինքը չի խրախուսում բուժման նման մեթոդները։
Ինչպես բացատրում է բժիշկը, բրոնխաբորբը սովորաբար զարգանում է որպես վիրուսային սուր վարակիչ հիվանդությունների բարդություն, ուստի վիրուսային բնույթ է կրում, այլ ոչ թե բակտերիալ։
Սա նշանակում է, որ հակաբիոտիկների նշանակումն անհիմն է ու անարդյունավետ։
Հիվանդության այս տեսակի դեպքում նման դեղամիջոցները ոչ միայն անարդյունավետ են, այլև կարող են կործանարար ազդեցություն ունենալ մարդու առողջության վրա։
Ինչպես ընդգծում է Մյասնիկովը, հակաբիոտիկներն անհրաժեշտ են միայն այն դեպքում, երբ հիվանդի մոտ թոքաբորբ է կասկածվում, սակայն անգամ այս դեպքում նշանակվում են այլ խմբի դեղամիջոցներ, ուստի մասնագետը կոչ է անում խուսափել նման սխալ բուժումներից, ինչպես նաև միջմկանային ներարկումներից։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ