Յոդի դեֆիցիտի հետևանքով կարող են նկատվել վահանագեղձի կառուցվածքային փոփոխություններ և օրգանի գործառույթների խանգարումներ, ինչն էլ կդրսևորվի որոշակի ախտանշաններով։ Այս մասին Gazeta.Ru-ի հետ զրույցում ասել է ներզատաբան Կամիլյա Տաբեևան։
Մասնագետի խոսքով՝ յոդի դեֆիցիտը կարող է նպաստել վահանագեղձի մեծացմանն (այսպես կոչված՝ դիֆուզ խպիպ) ու այս օրգանի գործառույթների թուլացմանը (հիպոթիրեոզ):
«Առավել հաճախ վահանագեղձի մեծացումը զարգանում է առանց որևէ ախտանշանի և պատահաբար է բացահայտվում հետազոտության ընթացքում (ուլտրաձայնային): Սակայն այն կարող է դևսևորվել անգամ արտաքին փոփոխությամբ, ինչպես նաև պարանոցի հատվածի տհաճ զգացողություններով», – նշել է մասնագետը՝ մանրամասնելով, որ վահանագեղձի մեծացումը հատկապես նկատելի է նիհար կանանց դեպքում։
Բացի այդ, յոդի պակասը կարող է նպաստել նաև օրգանի թերֆունկցիայի՝ հիպոթիրեոզի, ինչն էլ իր հերթին կդրսևորվի մի շարք ախտանշաննեով։ Ինչպես նշել է մասնագետը, այս դեպքում կարող են նկատվել մազաթափություն, եղունգների փխրունություն, մաշկի չորություն ու թեփոտվածություն, հոգնածություն, քնի տևողության ավելացում ու դյուրագրգիռություն։ Բուժման բացակայության դեպքում այս ամենը կարող է հանգեցնել դեպրեսիայի զարգացման։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
