Կրծքավանդակի ցավը սովորաբար մտազուգորդվում է սրտանոթային համակարգի հետ կապված վտանգավոր հիվանդությունների հետ, ուստի նման խնդիրը սովորաբար տագնապ ու անհանգստություն է առաջացնում, սակայն սրտաբան Մաքսիմ Պոսպելովի խոսքով՝ առավել հաճախ կրծքավանդակի ասպասելի ցավը կապված է լինում նևրալգիայի կամ աղեստամոքսային տրակտի որոշ հիվանդությունների հետ, և, հետևաբար, նման սուր ցավի դեպքում հարկավոր է հանգստանալ և հետևել զգացողություններին։
Ինչպես նշել է մասնագետը «Подмосковье сегодня»-ի հետ զրույցում, առաջին հերթին հարկավոր է նստած կամ կիսանստած դիրք ընդունել։ Եթե հագուստի օձիքը կամ գոտին ճնշում են գործադրում պարանոցի կամ գոտկատեղի հատվածում, ապա դրանք հարկավոր է թուլացնել, որպեսզի շնչառությանը ոչինչ չխանգարի։
Հնարավորության դեպքում անհրաժեշտ է չափել զարկերակային ճնշումը: Եթե կրծքավանդակի ցավը չի մեղմվում և ուղեկցվում է արյան ցածր կամ բարձր ճնշմամբ, ապա մասնագետը խորհուրդ է տվել շտապօգնություն կանչել։
Միևնույն ժամանակ Պոսպելովը շեշտել է, որ շատ կարևոր է նաև ցավի բնույթին ուշադրություն դարձնելը։ Եթե այն սուր է և ուղեկցվում է կրծքավանդակի սեղմվածության ու ճնշման զգացողությամբ, ապա խնդիրը պայմանավորված է սրտամկանի ինֆարկտով։ Նման դեպքերում հիվանդին անհապաղ օգնություն է պետք, ուստի հարկավոր է առանց վարանելու շտապօգնություն կանչել։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
