Ավելորդ քաշը և նիհարելու անհաջող փորձերը խոսում են նյութափոխանակության խանգարման և դանդաղ նյութափոխանակության մասին։ Սա նշանակում է, որ օրգանիզմն անարդյունավետ է կառավարում սննդից ստացված կալորիաները և այն էներգիայի արտադրության վրա ծախսելու ու իմունային համակարգի ամրապնդմանը, հյուսվածքների վերականգնման գործընթացներին և կոգնիտիվ գործառույթների խթանմանը նպաստելու փոխարեն նախընտրում է դրանք կուտակել ճարպի տեսքով: Սա է պատճառը, որ նյութափոխանակության դանդաղումը սովորաբար ուղեկցվում է նաև ավելորդ քաշով։

Սակայն ավելորդ քաշն այս խնդրի միակ ախտանշանը չէ։ Ինչպես գրում է Fit for Fun ամսագիրը՝ դանդաղ նյութափոխանակության մասին կարող են վկայել նաև այլ ախտանշաններ, որոնք ներկայացնում ենք ստորև։

Անդադար ցրտի զգացում

Մշտապես սառը վերջույթները անգամ նորմալ ջերմաստիճանի պայմաններում այս խնդրի մասին նախազգուշացնող նշաններից են։ Դանդաղ նյութափոխանակության դեպքում արյան շրջանառությունը ևս դանդաղումը է, հատկապես՝ մարմնի ծայրամասային հատվածներում։

Մաշկի չորություն

Մաշկի չորությունը, կոշտացումն ու թեփոտվածությունն նույնիսկ պատշաճ խնամքի դեպքում ևս կարող է կապված լինել նյութափոխանակության հետ։

Մազաթափություն

Արյան շրջանառության հետևանքով գլխամաշկն ու մազերը չեն ստանում բավարար քանակությամբ սննդարար նյութեր, ինչի հետևանքով էլ մազերը դառնում են փխրուն ու սկսում են թափվել։

Գերհոգնածություն

Դնադաղ նյութափոխանակության դեպքում հոգնածության ու հյուծվածության զգացում կարող է ի հայտ գալ անգամ առավոտյան արթնանալուց անմիջապես հետո։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ