Փորձենք հասկանալ, թե ինչ է նշանակում «նիմֆոմանիա» բառը: Այն հունական է, որն առասպելաբանական ծագում ունի:
Բայց երբ գործ ունենք իրականության հետ, ռոմանտիկայի մասին խոսք անգամ լինել չի կարող:
Նիմֆոմանիան կամ հեշտամոլությունը սեռական բավարարվածություն ստանալու մշտական ցանկությունն է:
Եվ կարեւոր չէ, զուգընկերը նույնը կլինի, թե՝ ոչ: Նիմֆոմանիան երկու ճանապարհով է արտահայտվում. կա՛մ կինը ցանկանում է հնարավորինս հաճախ օրգազմ ապրել, կա՛մ հնարավորինս շատ զուգընկերներ ունենալ:
Այդ պատճառով, այդ հիվանդությամբ տառապող կնոջը (իսկ նիմֆոմանիան իսկական հիվանդություն է) մասամբ անառակ են համարում:
Ժողովրդի մեջ նրանց հետ առանձնապես հաշվի չեն նստում եւ արագորեն պիտակում են «ման եկող»:
Ցավոք, շատ հաճախ այդպիսի կանայք իրենք էլ չեն գիտակցում, որ նման հիվանդությամբ են տառապում:
Արդյունքում, ընտանիքը քայքայվում է, հեղինակությունը՝ հողին հավասարվում…
Բայց հեշտամոլությունը բուժվում է: Փորձառու մասնագետը բոլոր հնարավորություններն ունի կնոջը կայունություն եւ ինքնահարգանք վերադարձնելու համար:
Իհարկե, պետք է բուժման կուրս անցնել՝ դեղամիջոցներ ընդունելով եւ հոգեբանի մոտ հաճախելով, բայց երբ խնդիրն ամբողջ կյանքի մեջ է, պետք է փորձել:
Ի դեպ, եթե կարծում եք, որ նիմֆոմանիայով կամ հեշտամոլությամբ տառապում են միայն կանայք, ապա դուք, մեղմ ասած, մոլորության մեջ եք: Նիմֆոմանիայի տղամարդկանց տարբերակը կոչվում է «սատիրիազիս»:
Դժվար չէ գուշակել, որ այս հիվանդության անվանումը ծագել է «սատիր» բառից: Հունական առասպելաբանության մեջ սատիր էին կոչում կոտոշավոր այծոտն սատանաներին, որոնք հայտնի էին անառակությամբ:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
