zNews-ը ներկայացնում է աշխարհի ամենահայտնի 10 գինիները և խաղողի տեսակները։

1. Կաբրինե Սավինյոն

Ֆրանսիական ծագում ունեցող այս կարմիր խաղողն առաջին անգամ հայտնի է դարձել Բորդո գինիների շնորհիվ: Այսօր Կաբրինե Սավինյոնը աճում է ամբողջ աշխարհում, ներառյալ՝ այնպիսի անսպասելի վայրերում, ինչպիսին են Լիբանանը և Չինաստանը:

2. Մերլո

Բորդոյի մյուս տեսակն արտադրում է բացառիկ գինիներ, նույնիսկ, եթե դրան հաճախ ստվերում է Կաբրինե Սավինյոնը: Մերլոն հայտնի է բալի վառ արտահայտված բույրով և տանինի նրբագեղ տեքստուրայով:

3. Աիրեն

Սպիտակ խաղող: Աշխարհի պակաս հայտնի խաղողի այգիներից մեկը: Աիրենը հիմնականում աճում է Իսպանիայի Կաստիլիա-Լա-Մանչա շրջանում, որտեղ խաղողի որդատունկերն իրարից շատ հեռու-հեռու են տնկած, որպեսզի կարողանան դիմանալ այդ չոր պայմաններին:

4. Տեմպրանիլիո

Կարմիր խաղող: Սա Իսպանիայի ամենահայտնի և արժեքավոր տեսակն է: Սրանից պատրաստված գինիները լինում են վարդագույնից մինչև կարմիր, բայց Տեմպրանիլիոն, թերևս, առավել հայտնի է երկու չեմպիոնական շրջաններով՝ Ռիոխայով և Ռիբեր-դել-Դուերոյով:

5. Շարդոնե

Սպիտակ խաղող: Ամենասիրված սպիտակ գինին ի հայտ է եկել Բուրգունդիայում, որտեղ գինիներն ավանդաբար պահվում են կաղնե տակառներում: Տակառում հասունանալը Շարդոնեին դարձնում է սպիտակ գինու ամենախիզախ տեսակներից մեկն աշխարհում:

6. Սիրա

Կարմիր խաղող: Սիրան առաջացել է Ֆրանսիայում՝ Հյուսիսային Ռոնայում, և դարձել է ամենահայտնի գինին Ավստրալիայում, որտեղ այն կոչվում է Շիրազ:

7. Գանրախա

Կարմիր խաղող: Կարմիր և սև հատապտուղների բույրերով: Ունի ալկոհոլի բարձր պարունակություն: Այս տեսակը լավ համադրվում է Սիրայի և Մոնաստրելայի հետ:

8. Սավինյոն Բլան

Սպիտակ խաղող: Սավինյոն նշանակում է՝ «վայրի», որը նկարագրում է վայրի սպիտակ խաղողի որդատունկերի վիճակը՝ գտնվող Բորդոյի մերձակայքում: Սավինյոն Բլանը վերջերս ճանաչվել է Կաբրինե Սավինյոնի ծնողական խաղող:

9. Տրեբիանո Տոսկանո

Սպիտակ խաղող: Այս խաղողը գտնվում է իտալական ծագման գինիների ցուցակի ամենաբարձր հորիզոնականում, որն օգտագործվում է նաև բալզամիկ քացախի և ֆրանսիական կոնյակի արտադրության մեջ:

10. Պինո Նուար

Կարմիր խաղող: Կարմիր գինի, որը շատ արագ ճանաչում է նվաճում ամբողջ աշխարհում: Պինո Նուարը սիրում են իր փայլուն մրգային բույրերի և ծաղկային նոտաների համար:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ