Վիճակագրական տվյալների համաձայն՝ աշխարհում ամեն տարի ախտորոշվում է կոլոռեկտալ քաղցկեղի մոտ 1,4 միլիոն նոր դեպք։ Սա քաղցկեղի ամենավտանգավոր ու տարածված տեսակներից մեկն է, սակայն ուռուցքաբան և պրոկտոլոգ Ելենա Սմիրնովան իր թելեգրամյան ալիքում նշել է այն հիվանդության հիմնական ախտանշանները, որոնք թույլ կտան ժամանակին ախտորոշել այն։
Առաջին հերթին, մասնագետը խորհուրդ է տալիս ուշադիր լինել ու չանտեսել աղիների բնականոն աշխատանքի ցանկացած փոփոխություն: Այսպիսով, եթե մարդու մոտ նկատվում է ախտանշան, որը կապված է, օրինակ, կղանքի ձևի փոփոխության, փորափքանքի կամ «անհասկանալի ցավերի» առաջացման հետ, և պահպանվում է ավելի քան չորս շաբաթ, ապա հարկավոր է անհապաղ դիմել բժշկի։
Բացի այդ, կան նաև քաղցկեղի մի շարք ընդհանուր ախտանշաններ, որոնք բնորոշ են նաև աղիների քաղցկեղին։ Դրանց շարքին են դասվում թուլությունը, հոգնածությունը, սակավարյունությունն ու քաշի կորուստն առանց որևէ պատճառի։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
