Վիտամին E-ն մարդու սննդակարգի անբաժանելի մասն է կազմում:

Այն գործում է որպես հակաօքսիդանտ և հաճախ օգնում է պահպանել լիպիդների աշխատունակությունը: Այս օգտակար վիտամինը նաև օժտված է հակատարիքային ազդեցությամբ, ինչպես նաև օգնում է ամրապնդել իմունային համակարգը:

Այնուամենայնիվ՝ ներկայում ԳՄՕ-ով հարուստ ու քիմիկատներով մշակված մթերքից շատ դժվար է բավարար քնակությամբ վիտամին E ստանալ:

Սակայն գոյությունն ունեն ախտանշաններ, որոնք վկայում են օրգանիզմում այս վիտամինի դեֆիցիտի մասին:

Օրգանիզմում վիտամին E-ի դեֆիցիտի ախտանշանները.

1.      Երեխաների մոտ վիտամին E-ի դեֆիցիտի նախանշաններից մեկը մկանային թուլությունն է, որը տարիքի հետ վերածվում է մկանների, լյարդի, ոսկրածուծի և գլխուղեղի անոմալիայի: Սակայն սա կարող է լինել նաև մի շարք այլ հիվանդությունների ախտանշան, ուստի հարկավոր է շատ ուշադիր լինել:

2.      Եվս մի ախտանշան է մազերի չորությունն ու մազաթափությունը: Վիտամին E-ն շատ կարևոր տարր է վարսերի համար, որն ապահովում է դրանց ամրությունը:

3.      Սեռական ցանկության թուլացումը նույնպես կարող է պայմանավորված լինել վիտամին E-ի պակասով: Այս դեպքում, սակայն, միայն մարդը կարող է գլխի ընկնել խնդիրների առկայության մասին:

4.      Կատարակտը՝ ոսպնյակի ամբողջական կամ մասնակի պղտորումը, նույնպես կարող է լինել վիտամին E-ի դեֆիցիտի նշան: Հիվանդությունն ախտահարում է երկու աչքը, սակայն որոշ դեպքերում մի աչքը կարող է ավելի շատ վնասվել: Գոյություն ունի կատարակտի երեք տեսակ, իսկ վիտամին E-ն ապահովում է բնական պաշտպանություն այդ բոլոր տեսակներից:

5.      Վիտամին E-ի դեֆիցիտի մյուս ախտանշանը ոտքերի ձղաձգումներն են, որոնք առաջանում են ֆիզիկական վարժությունների ժամանակ ձգվածության ու ծանրաբեռնվածության հետևանքով: Հանկարծակի երկարատև ցավոտ ջղաձգումները կարող են լինել վիտամին E-ի դեֆիցիցտի նշան կամ պայմանավորված լինել այս վիտամինի դեֆիցիտի հետ կապված որևէ հիվանդությամբ:

6.      Այս վիտամինի պակասը կարող է հանգեցնել նաև էրիթրոցիտների փխրունության: Արյան կարմիր գնդիկներն անչափ կարևոր են և օգնում են սնուցել օրգանիզը թթվածնով, իսկ փխրունության հետևանքով դրանք կարող են պայթել և առաջացնել լուրջ բարդություններ:

7.      Վիտամին E-ի դեֆիցիտի մասին կարող է վկայել նաև հյուսվածքների դանդաղ ապաքինումը, ինչի հետևանքով էլ կարող են առաջանալ այլ խնդիրներ:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ