Եթե ձեր նպատակն է շփոթեցնել ձեր զուգընկերոջը, զարմացնել նրան և ստիպել ընտրել իր խոսքերը, հանգիստ կարող եք տալ ստորեև բերված յոթ հարցերը:

Հակառակ դեպքում, ավելի լավ է դրանք չուղղեք ձեր սիրելիին։

Դու սիրո՞ւմ ես ինձ

Նախ՝ եզակի տղամարդիկ են կարողանում բացահայտ խոսել զգացմունքների մասին, և երկրորդ՝ կանայք այս հարցը տալիս են ոչ թե պատասխանի, այլ ընտրյալին սիրո հերթական հայտարարությանը դրդելու համար։ Եթե ականջներով եք սիրում և հաճելի արտահայտությունների կարիք ունեք, ավելի լավ է ասեք. «Ինձ շատ է դուր գալիս, երբ խոսում ես սիրո մասին»: Ճակատին ուղղակի հնչեցրած հարցն ազդանշան է ուղարկում տղամարդուն, որ դուք կասկածում եք նրան, ինչը չի նպաստում հարաբերությունների ամրապնդմանը:

Ընկերները քեզ համար ավելի՞ կարևոր են

Ռոմանտիկ հարաբերություններն ու ընկերությունը հաղորդակցության սկզբունքորեն տարբեր տեսակներ են: Բազմակողմանի անհատականության համար և՛ ընտանիքը, և՛ ընկերները կարևոր են, բայց տարբեր հարթություններում: Մի կողմից ընտանիքն ամենամոտ մարդիկ են։ Մյուս կողմից, զուգընկերները փոխվում են, իսկ ընկերները կարող են նրան ճանաչել մանկուց:

Դուք կարևոր եք, անկասկած: Քանի դեռ չեք ստիպել տղամարդուն ընտրել։ Խնդիրն այն չէ, որ ընկերներն, այնուամենայնիվ, ավելի կարևոր են, այլ նրա ազատ կամքի նկատմամբ ոտնձգության և անհարգալից վերաբերմունքի դրսևորումը։ Դա կարող է միայն վատթարացնել՝ ստիպելով նրան ընտրել իր ընկերների, ծնողների և ձեր միջև…

Ի՞նչ զգեստ հագնել

Դուք շատ հաջողակ եք, եթե ձեր ընտրյալը ոճային հարցերում գիտակ է։ Բայց տղամարդկանց մեծամասնության համար հեշտ չէ դասավորել իրենց իսկ զգեստապահարանը, և «սաղմոնի» և «ֆուչիայի» միջև ընտրությունը հիմարություն կթվա. ինչո՞ւ եք խնդրում ընտրություն կատարել նույն գույների միջև: Եթե անիրատեսական է որոշել առանց խորհուրդների, ձեր սիրելիից ճշտեք միջոցառման ձևաչափը կամ այն, թե ինչ է նա պատրաստվում հագնել՝ դա ավելի հեշտ կլինի:

Դու քեզ համարու՞մ ես ամենախելացին

Նույնիսկ եթե ձեր տղամարդը չի փայլում իր խելքով, նա հիանալի հասկանում է, որ հարցը հռետորական է և  նախատեսված է միայն իրեն նվաստացնելու համար: Դուք, հավանաբար, գոհ եք ձեր զուգընկերոջ մտավոր տվյալներից, քանի որ դեռ միասին եք։ Խնդի՞ր կա։ Հարցրեք ուղիղ, առանց ակնարկների և «կծելու»:

Ի՞նչ ես զգում սեքսի ժամանակ

Եթե կինը կարող է իր զգացողությունները նկարագրել որովայնում թռչող թիթեռների տարածված պատկերով, ապա փոփ մշակույթը տղամարդու համար նման բաներ չի հորինել: Եթե ձեր ընտրյալը բանաստեղծ է, գուցե մի երկու գեղեցիկ փոխաբերություններ հորինի։ Տղամարդկանց մնացած մասի համար չափազանց դժվար կլինի նկարագրել իրենց զգացողությունները, որպեսզի անհեթեթ չհնչի։ Անգամ անատոմիական տարբերությունների պատճառով ձեզ դժվար կլինի այդ ամենը պատկերացնել։

Ի՞նչ ես մտածում

Նման հարցերը սովորաբար առաջանում են դադարը լրացնելու համար և կարող են անվնաս լինել, բայց տղամարդը դրանք կհասկանա որպես իր մտքերի մեջ մտնելու և իրեն բռնացնելու փորձ: Անկեղծ լինենք, եթե անգամ սիրուհու մասին երազեր, ճշմարտությունը չէր ասի։ Փորձեք սկսել զրույցն ավելի էկոլոգիապես մաքուր ձևով և երբեք մի օգտագործեք այս հարցը առանց պատճառի:

Դու ինձ այլևս չե՞ս սիրում

Հարց-պահանջը ենթադրում է արդարացում, և, եթե զուգընկերը դրա տրամադրությունն ունի, դուք հեշտությամբ կարող եք վստահություն ստանալ ձեր գրավչության մասին: Իսկ եթե տրամադրություն չկա՝ մեծ է կոնֆլիկտի մեջ մտնելու վտանգը։ Ինքն իրեն հարգող տղամարդը հարաբերություններ չի կառուցի մի կնոջ հետ, ում չի սիրում։ Իսկ այն, որ նա չի կարողացել նկատել նոր ոճը, կապ չունի համակրանքի աստիճանի հետ։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ