ԱՄՆ-ի հոգեբանների ասոցիացիայի կողմից կազմակերպված հարցումների արդյունքում պարզվել է, որ աշխատամոլ տղամարդիկ ամենալավ սիրեկաններն են:

Նրանք, ինչպես աշխատանքում, այնպես էլ անձնական կյանքում հասնում են մեծ հաջողությունների:

Այս ուսումնասիրությունների արդյունքները, փաստորեն, կասկածի տակ դրեցին ավելի վաղ կայացված այն եզրակացությունը, թե կանայք գիտակցաբար ամուսնանում են հարուստ ու հաջողակ տղամարդկանց հետ զուտ բարեկեցության համար’ անտեսելով զգացմունքային և ֆիզիկական հաճույքները:

Հետազոտություների ընթացքում հայտնաբերվել է, որ պակաս զբաղվածությամբ տղամարդիկ ունեն ցածր մակարդակի սեքսուալ բավարարվածություն, ինչպես նաև’ նրանց կանայք: Իսկ զբաղված տղամարդկանց կանայք լիովին գոհ են եղել իրենց սեռական կյանքից:

«Մենք բոլորս էլ շատ ենք աշխատում, բայց շատ աշխատամոլներ փորձում են տուն վերադառնալիս լրացնել (սեռական առումով) բաց թողնված ժամանակը»,- նշել է հարցումն անցկացրած պրոֆեսոր Ջոնաթան Շվարցի թիմի անդամ հոգեբան Իմելդա Բուշը:-Սեռական կյանքում այսպիսի ակտիվությունը շատ մեծ դեր է խաղում աշխատամոլների ընտանեկան կյանքում, որովհետև նրանք, ովքեր չեն բավարարում իրենց կանանց, հայտնվում են ամուսնալուծությունների վիճակագրության մեջ»:

Կարելի է ենթադրել, որ այն տղամարդիկ, որոնք լիովին տրվում են աշխատանքին, նույն վարքն են դրսևորում նաև անկողնում:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ