Չինական մեծ պատն աշխարհի հրաշալիքներից մեկն է։
Այն մարդու կողմից կառուցված ամենահզոր շինություններից մեկն է։
Այս հրաշքի չափսերի մոտ խավարում է անգամ բոլորին հայտնի եգիպտական բուրգերի փառքը։
Այս հրաշքը տեսնել, անկասկած, արժե, թեկուզ և կյանքի մեջ մեկ անգամ։
zNews-ը Ձեզ է ներկայացնում հայտնի և անհայտ փաստեր Չինական մեծ պատի մասին։
Այն ամբողջովին չի կատարել իր ֆունկցիաները
Չինական մեծ պատը կառուցել էին, որպեսզի պաշտպանվեն քոչվոր ցեղերի հարձակումներից։ Սակայն շինությունը միայն կիսով չափ էր օգնում, քանի որ շատ զինվորներ անցնում էին պատը թշնամուն ջարդելու համար։
Այն աշխարհի ամենամեծ գերեզմանոցն է
Հայտնի է, որ պատերը կառուցելու ժամանակ 400 հազարից մինչև 1 միլիոն մարդ է զոհվել։ Մահացածներին թողնում էին պատի մեջ և շարունակում շինարարությունը։
Չինական մեծ պատը տիեզերքից չի երևում
Շինությունն իրոք շատ մեծ է։ Նրա երկարությունը հասնում է 21 հազար կմ-ի, իսկ բարձրությունը՝ 6-7 մետրի, բայց այն տիեզերքից չի երևում, իսկ այն տիեզերագնացները, ովքեր ասում էին, որ տեսել են պատը, իրականում գետեր են տեսել։
Հիմա կարելի է տեսնել պատի մի մասը միայն
70-ական թվականներին, երբ Չինաստանում իշխանափոխություն եղավ, պատը դեսպոտիզմի խորհրդանիշ հայտարարվեց, և որոշ բնակիչներ պատից մի հատված՝ մոտ 3 կմ, քանդեցին՝ իրենց համար բնակարաններ կառուցելու համար։ Սակայն շուտով իշխանությունները նորից փոխվեցին, և պատը որոշեցին թողնել որպես ճարտարապետական հուշարձան։
Այլ անվանում
Նրա անվանումը մի քանի անգամ փոփոխվել է։ Սկզբում այն անվանվում էր «Պատնեշ», «Մանուշակագույն սահման», «Ամրոց» և «Վիշապի հող»։ Միայն 19-րդ դարում շինությունը սկսեցին անվանել Չինական մեծ պատ։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
