Հայ Ամերիկյան Առողջության Կենտրոնի սեքսապաթոլոգ, դոցենտ Սևադա Հակոբյանը ներկայացրել է սննդամթերքի այն տեսակները, որոնցից խորհուրդ է տրվում խուսափել սեռական ակտից առաջ.
«Հոթ-դոգ
Հոթ-դոգերը վնասակար են ոչ միայն մարմնի կառուցվածքի և առողջության համար: Դրանք նվազեցնում են սեռական ցանկությունը, ուստի լավագույնն այն կլինի, որ հրաժարվեք դրանից եթե ուզում եք, որ սեքսը հաճելի լինի:
Անանուխ
Ոչ թարմ հոտը իհարկե չի նպաստում սեքսին, բայց պետք չէ այն խեղդել անանուխով: Այն իջեցնում է տեստոստերոնի քանակը, ինչը կարող է հանգեցնել լիբիդոյի նվազմանը:
Կարտոֆիլ ֆրի
Խրթխրթան կարտոֆիլի սիրահարների համար նշենք, որ ուտեստը տղամարդու սեռական գրավչության թշնամին է: Այն խաթարում է արյան շրջանառությունը և նվազեցնում տեստոստերոնի մակարդակը: Բացի այդ, աղը, որն ընդունում եք կարտոֆիլի հետ, օգուտ չի տալիս: Այն հատկապես վնասակար է բարձր ճնշման հակված տղամարդկանց համար:
Պահածոներ
Սեքսից առաջ պահածոներ ուտելը սիրո գիշերը կործանելու վստահելի միջոց է: Այն ոչ միայն օգտակար չի ձեր առողջությանը, այլև կարող է փքվածություն առաջացնել: Բացի այդ, պահածոներում շատ են կոնսերվանտները, որոնք վնասում են սեռական համակարգը:
Սպիրտային խմիչքներ
Գինին և այլ խմիչքները սեքսից առաջ ոչ պիտանիների ցուցակում են: Իհարկե, մտերմությունից առաջ մի բաժակ գինի կօգնի ձեզ հանգստանալ և գտնել ճիշտ տրամադրություն, բայց դա բաժակն է, ոչ թե ամբողջ շիշը: Ալկոհոլը նվազեցնում է զգայունությունը և թուլացնում օրգազմը: Հետազոտությունները ցույց են տվել, որ սթափ տղամարդիկ ավելի շատ են վայելում սեքսը:
Մրգեր հիմնական կերակուրից հետո
Մրգերը հաճախ դառնում են ռոմանտիկ ընթրիքի մի մաս: Բայց սա սխալ է: Նման սնունդն արագորեն մարսվում է, ինչը կարող է սեքսի ընթացքում վերածվել տհաճության և նույնիսկ որովայնային կծկումների:
Էներգետիկ ընպելիքներ
Շատերը գտնում են, որ էներգետիկ ըմպելիքները էներգիան ակտիվացնում են սեքսի ընթացքում և դրանից հետո: Այնուամենայնիվ դրանք վնասակար են առողջությանը ՝ շաքարի և կոֆեինի պատճառով: Նշված բաղադրիչները ուժեղացնում են լիբիդոն, սակայն կարճաժամկետ:
Էներգետիկ ըմպելիքների փոխարեն ավելի լավ է խմել սեւ հաղարջի հյութ, որը կխթանի և կբարձրացնի սեռական ցանկությունը»:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
