Ամերիկացի սեքսիոլոգները հետազոտություն են անցկացրել, որում 209 ուսանողուհի լրացրել է «սեռական առողջության մասին», ինչպես նաև հատուկ հարցաթերթիկներ:

Վերջիներում աղջիկները պետք է գնահատեին, թե որքանով են իրենք գոհ իրենց մարմինից և նկարագրեին իրենց ակնկալիքները սեռական հարաբերությունից:

Ստացված տվյալները օգնել են ուսումնասիրել այն գործոնները, որոնք անմիջականորեն ազդում են կանանց օրգազմի վրա: Արդյունքները հրապարակել է PsyPost հրատարակությունը:

Ինչպես պարզվել է, հաճույքի գագաթնակետին հասնելուն կանանց առաջին հերթին օգնում է վստահությունը՝ հաճույք ստանալու յուրաքանչյուրի իրավունքի՝ ինչպես սեռական հարաբերության, այնպես էլ ինքնաբավարարման ընթացքում, նաև՝ սեփական սեքսուալության նկատմամբ:

Կանայք, ովքեր մյուսներից ավելի հաճախ են օրգազմ ունենում, համաձայն են եղել հարցաթերթիկի վրա նշված հետևյալ պնդումների հետ. «Համոզված եմ, որ ուրիշներն ինձ ընկալում են սեքսուալ առումով գրավիչ», «Ինձ համար կարևոր է, որ իմ զուգընկերը հոգ տանի իմ հաճույքի մասին», «Ես կարող եմ խնդրել իմ զուգընկերոջը սեռական հարաբերության ժամանակ անել ինչ-որ բան, ինչ ես եմ ցանկանում» և «Ինձ համար ընդունելի է, որ սեփական կարիքները կարելի է բավարարել ձեռնաշարժության միջոցով»:

Գիտնականները նշել են, որ այն կանայք, ովքեր վստահ չեն եղել իրենք իրենց հաճույք պատճառելու ունակության մեջ՝ ապավինելով միայն զուգընկերոջը, ավելի քիչ են օրգազմ ունենում, քան մյուսները:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ