Ի՞նչ եք հագնում սովորաբար, երբ պառկում եք քնելու գիշերը։ Լրիվ ճմրթված մարզաշապիկ քոլեջի՞ց։ Մետաքսե քնքուշ պիժամա՞։ Թե՞ քնում եք լրիվ մերկ, ինչպես մտածել է բնությունը։
TikTok-ում մերկ քնելու թեման բավականաչափ վեճեր է առաջացրել. ոչ ոք չի կարողանում ընդհանուր հայտարարի գալ, թե որ տարբերակն է ավելի լավ։
«Մերկ քնի» սիրահարները կարծում են, որ դա լավագույն եւ միակ միջոցն է, մինչդեռ պիժամաների կողմնակիցները զբաղված են բամբակի, ատլասի եւ ֆլանելի գովքով, ինչպես նաեւ նրանով, թե որքան տաք ու հարմար կարող է լինել պիժաման։
Մերկ քնելու առավելությունները
Sleepopolis-ում քնի առողջության հարցերի գծով տնօրեն, դոկտոր Շելբի Հարիսի խոսքով՝ կան մերկ քնելու մի քանի առավելություններ։ «Պիժամայից հրաժարվելը իրականում կարող է օգնել ձեզ սառչել, ինչը լավ է քնելու համար, որովհետեւ մարմնի ավելի ցածր ջերմաստիճանը օգնում է ավելի արագ քնել եւ երկար քնել»,- ասել է նա Bustle-ին։ Դա հատկապես ակտուալ է ամռանը։
Եվս մեկ առավելությունն այն է, որ մաշկը կարող է շնչել։ «Առանց պիժամայի քունը կարող է նվազեցնել մաշկի գրգռվելու կամ պզուկների առաջացման հավանականությունը»,- ասում է Հարիսը՝ նշելով, որ կիպ պիժամաները ճարպը ձեր մարմնի վրա պահելու հատկություն ունեն։
Ճիշտ նույն կերպ էլ օգտակար է օդափոխել նաեւ մարմնի ստորին հատվածը։ Շատ փորձագետներ նախազգուշացնում են ներքնազգեստով քնելու հարցում, քանի որ ճարպը եւ խոնավությունը կարող են հանգեցնել հեշտոցի առողջական խնդիրների, ներառյալ բակտերիալ վագինոզի եւ վարակների բարձր վտանգի։
Մերկ քնելը նաեւ մեզ թույլ է տալիս շրջվել ծածկոցի տակ՝ չխճճվելով երկար գիշերանոցում կամ զայրացած արթնանալով պիժամայի պատճառով։ Կա նաեւ սեքսուալ գործոնը։ Շատերը հավաստիացնում են, որ մերկ քնելը թույլ է տալիս իրենց ավելի կաշկանդված զգալ իրենց մարմնի հետ, իսկ դա, իր հերթին, բարձրացնում է նրանց վստահությունը ցերեկը։ «Ոմանք նաեւ իրենց ավելի ազատ ու թուլացած են զգում, երբ այդպես են քնում, ինչը կարող է մեծ առավելություն լինել քնի որակի համար», ասում է Հարիսը։
Մերկ քնելու թերությունները
Հարիսի խոսքով, եթե դուք հակված եք գիշերը թեթեւակի քրտնարտադրություն ունենալուն, ապա բամբակե պիժաման կարող է օգնել ձեզ մնալ չոր եւ տաք քնի ժամանակ։
Մերկ քնելը նշանակում է, որ դուք նաեւ հրաժարվում եք պաշտպանիչ պատնեշից մաշկի եւ փշոտ եւ/կամ թեթեւակի կեղտոտ ծածկոցների միջեւ, որոնք կարող են լինել ավելի ճարպոտ, քան դուք կարծում եք, եթե ժամանակ չեք ունեցել լվանալ դրանք այս շաբաթ։ «Եթե ձեր սավանը թարմ չէ, ձեր մաշկը կարող է գրգռվել ալերգեններից կամ փոշուց, որոնք կուտակվում են դրանում»,- ասում է նա։ Եթե դուք պզուկներ ունեք, էկզեմա կամ այլ գրգռիչներ, գուցե արժե փորձել երկու տարբերակներն էլ, որպեսզի տեսնեք, թե դրանցից որը կօգնի ազատվել պզուկներից։
Եթե դուք հակված եք մրսելուն, ակնհայտ է, որ պիժաման կօգնի ձեզ տաքանալ գիշերը, անգամ եթե սիրում եք քնել սառը ննջարանում, ինչպես եւ խորհուրդ է տրվում։
Կարող է լինել նաեւ հոգեբանական պահ։ «Շատերի համար պիժաման ազդարարում է այն մասին, որ ժամանակն է թուլանալ, ինչը հեշտացնում է «քնի ռեժիմին» անցնելը»,- ասում է Հարիսը։
Ո՞ր տարբերակն է ավելի լավ
Ինչպես եւ դեպքերի մեծ մասում, առանց հագուստի քնելու առավելությունները եւ թերությունները վերջնարդյունքում հանգում են անձնական նախապատվություններին։ «Ոմանք սիրում են քնի ազատությունն առանց գիշերազգեստի, մինչդեռ մյուսները նախընտրում են պիժաման»,-ասում է Հարիսը։ «Այն, ինչն օգնում է ձեզ թուլանալ եւ խոր քնել, դա էլ լավագույն ընտրությունն է»։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
