Այսօր կխոսենք ամենաարժեքավոր չրերից մեկի՝ սալորի չրի մասին։ Այս մթերքի մեջ պարունակվող միկրոտարրերը մեր օրգանիզմը հագեցնում են իմունային համակարգը պահպանելու համար անհրաժեշտ մի շարք վիտամիններով՝ A, B, E և C։
Բացի այդ, սալորի չիրը հարուստ է կալցիումով, ֆոսֆորով, նատրիումով, կալիումով, մագնեզիումով և այլ օգտակար նյութերով։
Նույնիսկ մեկ տարվա ընթացքում, եթե կանոնավոր օգտագործեք թեկուզ փոքր քանակությամբ սալորի չիր, օրգանիզմում նկատելի փոփոխություններ են լինում։ Կարգավորվում է սրտանոթային համակարգի աշխատանքը և մարսողությունը, բարելավվում է տեսողությունը, ինչպես նաև մաշկի, եղունգների, մազերի ու ատամների վիճակը։ Սակայն բժիշկների խոսքով՝ սալորի չրի ամենակարևոր օգտակարությունը կապված է հատկապես ոսկրերի հետ։
Ինչու է սալորի չիրը օգտակար ոսկրերի համար
Բժիշկների խոսքով՝ բավական է օրական ընդամենը մի քանի հատ օգտագործել՝ մոտ 50–100 գրամ։ Մեկ տարվա ընթացքում ձեր ոսկորները զգալիորեն կուժեղանան։ Այս մթերքը բարձրացնում է ոսկրային հյուսվածքի հանքային խտությունը՝ հատկապես նախաբազկի և ողնաշարի ստորին հատվածում։ Արդյունքում նվազում է կոտրվածքների վտանգը և դանդաղում է ոսկրային զանգվածի կորուստը։
Ինչպե՞ս է դա աշխատում։ Ամեն ինչ բավական պարզ է․ սալորի չրի օգտագործումը բարելավում է աղիքների միկրոֆլորան։ Դրա հետևանքով ամբողջ օրգանիզմում թուլանում են բորբոքային գործընթացները և նվազում է օքսիդատիվ սթրեսը, որն էլ անմիջական ազդեցություն ունի ոսկրերի խտության վրա։
Հատկապես կարևոր կանանց համար
Ամերիկացի գիտնականները նշում են, որ սալորի չիրը պարտադիր պետք է ընդգրկվի մենոպաուզայից հետո կանանց սննդակարգում։ Պատճառն այն է, որ այդ շրջանում օրգանիզմում կտրուկ նվազում է էստրոգեն հորմոնի մակարդակը, ինչը թուլացնում է ոսկորները և մի քանի անգամ բարձրացնում կոտրվածքների ռիսկը։
Օգտակար նաև առօրյայում
Սննդաբանները խորհուրդ են տալիս սովորական միջանկյալ խորտիկները փոխարինել սալորի չրով։ Այն արագ հագեցնում է և ապահովում է էներգիա մոտ 4–6 ժամ։ Բացի այդ, այն կարող է լավ ընտրություն լինել նրանց համար, ովքեր ցանկանում են նիհարել։
Դու ինչպես ես սիրում ուտել սալորի չիրը՝ առանձի՞ն, թե՞ ուտեստների մեջ։ 😄
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
