Ինչպես արձագանքել վիրավորանքներին. իմաստուն առակ

Like on FB:

Շատ հաճախ, երբ մեզ վիրավորում են, մենք սկսում ենք պատասխան չարությամբ պատասխանել կամ նույն վիրավորական բառերով՝ մտածելով, թե այդպիսով պաշտպանվում ենք ուրիշներից:

Բայց փորձը ցույց է տալիս, որ որքան շատ ես ուշադրություն դարձնում նեգատիվին, այնքան շատ է այն քո կյանքում լինում:

Այս իմաստուն առակը կպատմի այն մասին, թե ինչպես ճիշտ արձագանքել ձեզ հասցած վիրավորանքներին:

Մի անգամ Բուդդան իր աշակերտների հետ անցնում էր մի գյուղի մոտով, ուր ապրում էին բուդդայականների հակառակորդները:

Գյուղի բնակիչները դուրս թռան տներից, շրջապատեցին Բուդդային ու նրա աշակերտներին ու սկսեցին վիրավորել նրանց:

Աշակերտները նույնպես բորբոքվեցին և պատրաստվում էին արժանի հակահարված տալ, սակայն Բուդդայի ներկայությունը խաղաղեցրեց նրանց: Այդ պահին Բուդդան խոսեց, ու նրա բառերը խառնեցին թե՛ գյուղի բնակիչների, թե՛ Բուդդայի աշակերտների մտքերը: Նա շրջվեց դեպի իր աշակերտներն ու ասաց.

– Դուք հիասթափեցրիք ինձ: Այդ մարդիկ իրենց գործն են անում: Նրանք զայրացած են: Նրանց թվում է, թե ես իրենց թշնամին եմ, իրենց կրոնի, իրենց բարոյական արժեքների թշնամին: Այդ մարդիկ վիրավորում են ինձ, և դա բնական է: Իսկ ինչո՞ւ եք դուք բարկանում: Ինչո՞ւ դուք այդ մարդկանց թույլ տվեցիք մանիպուլյացիայի ենթարկել ձեզ: Դուք այժմ նրանցից եք կախված: Բայց մի՞թե դուք ազատ չեք:

Ակնհայտորեն գյուղի բնակիչներն այդպիսի արձագանքի չէին սպասում: Նրանք մտահոգ տեսք ունեին ու սսկվեցին: Ու այդ լռության մեջ Բուդդան շրջվեց դեպի նրանց կողմը.

– Դուք ամեն բա՞ն ասացիք: Եթե դեռ ամեն ինչ չեք ասել, ապա դուք դեռ հնարավորություն կունենաք ասել ինձ այն ամենը, ինչ մտածում եք իմ մասին, երբ մենք վերադառնանք:

Գյուղացիները չէին հասկանում՝ ինչ է կատարվում, ու ասացին.

– Բայց չէ՞ որ մենք վիրավորել ենք քեզ, դու ինչո՞ւ չես բարկանում մեզ վրա:

Բուդդան պատասխանեց.

– Դուք ազատ մարդիկ եք, ու այն, ինչ դուք եք արել, ձեր իրավունքն է: Ես դրան չեմ արձագանքում: Ես էլ եմ ազատ մարդ, և ոչինչ չի կարող ինձ ստիպել արձագանքել, և ոչ ոք չի կարող ինձ վրա ազդել ու մանիպուլյացիայի ենթարկել ինձ: Ես իմ դրսևորումների տերն եմ: Իմ արարքներն իմ ներքին հոգեվիճակի արտացոլանքն ու դրսևորումներն են: Իսկ հիմա ես կուզեի մի հարց տալ, որը ձեզ է վերաբերում: Ձեր կողքի գյուղի բնակիչները ողջունեցին ինձ, նրանք ծաղիկներ, մրգեր ու քաղցրեղեն էին բերել: Ես նրանց ասացի. ‹‹Շնորհակալ եմ, սակայն մենք արդեն նախաճաշել ենք: Վերցրեք ձեզ այս մրգերը, որոնց մեջ արդեն նաև իմ օրհնանքը կա: Մենք չենք կարող դրանք մեզ հետ տանել, քանի որ մենք մեզ հետ սնունդ չենք տեղափոխում››: Հիմա ես ձեզ եմ հարցնում՝ ի՞նչ պիտի անեին նրանք բոլոր այն բաների հետ, որը ես չընդունեցի ու վերադարձրեցի նրանց:

Ամբոխից մեկը պատասխանեց.

– Հավանաբար դրանք նրանք իրենց հետ տուն են տարել, իսկ արդեն տանն այդ մրգերն ու քաղցրեղենը բաժանել են իրենց ընտանիքներին, երեխաներին:

Բուդդան ժպտաց.

– Դե հիմա ասեք ինձ՝ ի՞նչ եք դուք անելու ձեր վիրավորական բառերի ու անեծքների հետ, որոնք ինձ եք ուղղել: Ես դրանք չեմ ընդունում: Եթե ես հրաժարվում եմ այդ մրգերից ու քաղցրեղենից, նրանք դրանք պետք է հետ վերցնեն: Իսկ դուք ի՞նչ կարող եք անել: Ես մերժում եմ ձեր վիրավորանքները, այնպես որ, դուք էլ ձեր այդ անտանելի բեռը ձեզ հետ տուն տարեք ու արեք նրա հետ՝ ինչ ուզում եք:

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

ԹԵՍՏ․ Ո՞վ է ամենահարուստ կինը, 99% սխալ պատասխան է տալիս
9 գաղտնիք, որ կանայք երբեք չեն ասում տղամարդկանց
Տղան ծնվում է այն ժամանակ, երբ կինն ավելի ուժեղ է ամուսնուց
Արդյունավետորեն նիհարելու 3 մատչելի եղանակ. էնդոկրինոլոգի խորհուրդները
Ֆոտոշոփի վարպետը վերադարձել է էլ ավելի զվարճալի խմբագրումներով (20 Photo)
Մեր օրգանիզմում կա մի օրգան, որի մասին ոչ բոլորը գիտեն…
Թեստ. Կճանաչե՞ք հայտնի հայերին՝ նայելով միայն նրանց աչքերին
Կնոջ 6 թերություն, որոնք վանում են տղամարդկանց
ԹԵՍՏ․ Այս նկարում կա մեկ ԿՈՊԻՏ սխալ, որքա՞ն արագ կգտնեք այն

Latest

Քսենիա Սոբչակը ռեպորտաժ է նկարահանել ՀՀ-ում տիրող իրավիճակի մասին (Video)
5 գործոն, որոնք բարձրացնում են գլխուղեղի կաթվածի հավանականությունը
Թեստ հանելուկ․ Գուշակեցի՞ք, թե որ համեմունքն էր
Ի՞նչ է հաստ աղիքի պոլիպն ու որ դեպքերում է այն վտանգավոր
Սուպեր Սաքոն նշանվել է. Ո՞վ է ռեփերի սիրելին (Photo, Video)
Ինչի՞ց են վախենում կանայք…
Ի՞նչ է տեղի ունենում օրգանիզմի հետ համբույրի ժամանակ
Փորի ճարպից ազատվելու էֆեկտիվ եղանակ` ընդամենը 1 օրում. 100% աշխատող միջոց
Ինչպես գայթակղել և պահել տղամարդուն