zNews-ը ի մի է բերել հանրահայտ ու գեղեցիկ կանանց՝ թևավոր խոսքեր դարձած մեջբերումները:
Մեջբերվածների թվում են ոչ միայն լրագրող ու գրողներ, այլև՝ դերասանուհիներ, որոնք հայտնի են նախևառաջ՝ իրենց գեղեցկությամբ:
Ընտրանին ունի հետևյալ տեսքը`
«Աստվածուհու տեսք ունենալու համար քսան րոպե է հարկավոր: Սակայն բնական տեսք ունենալու համար հարկավոր է 3 ժամ»:
Յանինա Իպոխարսկայա, լեհ նկարչուհի, լրագրող
«Տղամարդուն որևէ բան անել տալու լավագույն եղանակը ակնարկելն է, թե նա արդեն ծեր է նման գործերի համար»:
Շիրլի Մաքլեյն, ամերիկացի կինոդերասանուհի
«Ես մեծ փառք եմ տեսել, տարել մեծագույն անփառունակություն և համոզվել, որ դրանք ըստ էության՝ միևնույն բանն են»:
Աննա Ախմատովա, ռուսաստանցի բանաստեղծուհի
«Կնոջ գեղեցկությունը խնդիր է դառնում միայն 2 դեպքում, երբ գեղեցկությունը չկա և երբ չկա ոչինչ՝ գեղեցկությունից բացի»:
Մոնիկա Բելուչի, իտալացի դերասանուհի
«Կինը, որը սիրելի է, միշտ էլ հաջողության է հասնում»:
Վիքի Բաում, ավստրիացի գրող
«Մենք` կանայքս, միշտ սիրահարված ենք միևնույն տիպի տղամարդկանց: Դա մոնոգամիայի մեր տարբերակն է»:
Լորեն Բեյքոլ, ամերիկացի կինոդերասանուհի
«Երջանկույթունը լավ առողջությունն ու վատ հիշողությունն է»:
Ինգրիդ Բերգման, շվեդ կինոդերասանուհի
«Վեպերն ու կատակերգությունները սովորաբար ավարտվում են ամուսնությամբ. ենթադրվում է, որ դրանից հետո արդեն ասելու բան չկա»:
Մարգարիտ դե Բլեսինգթոն, անգլիացի գրող
«Ոնց է թռնում ժամանակը… Արդեն տասը տարի է, ինչ ես 25 տարեկան եմ»:
Վանդա Բլոնսկայա, լեհ լրագրող
«Չկա ավելի ծանր աշխատանք, քան փորձել գեղեցիկ տեսք ունենալ առավոտյան ութից մինչև կեսգիշեր»:
«Էթիկետը փակ բերանով հորանջելու կարողությունն է»:
Բրիջիտ Բարդո, ֆրանսիացի կինոդերասանուհի
«Տղամարդու սերը պահպանելու լավագույն միջոցը նրա հետ չամուսնանալն է»:
Կատրին Դընյով, ֆրանսիացի կինոդերասանուհի
«Այս գիշեր ինձ հետ սարսափելի բան է կատարվել` ոչինչ չի կատարվել»:
«Իմ լուսանկարները անարդարացի են իմ հանդեպ: Դրանք ճիշտ այնպիսին են, ինչպիսին ես կամ»:
Ֆիլիս Դիլեր, ամերիկացի գրող
«Աստված ստեղծել է տղամարդուն, հետո որոշել, որ ընդունակ է ավելիին և ստեղծել է կնոջը»:
Ադելա Սենթ – Ջոնս, ամերիկացի լրագրող
«Իր գեղեցկության մեջ հաստատ համոզված կինը կարող է ի վերջո մնացած բոլորին ևս համոզել դրանում»:
Սոֆի Լորեն, իտալացի կինոդերասանուհի
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
