10 նշան, որ տղամարդը քայքայում է քեզ

Ցանկացած կին, նույնիսկ ամենաուժեղ, խիզախ, ինքնավստահ ու հմայիչ կինը կարող է իր կյանքի որոշակի փուլում ենթարկվել հոգեբանական բռնության:

Իսկ ո՞ր փուլում կինը պետք է գիտակցի, որ տղամարդը սկսել է իրեն մանիպուլյացիայի ենթարկել:

Ինչպե՞ս կրկին ձեռք բերել ներքին ներդաշնակություն ու վստահություն ու սկսել վայելել կյանքը:

zNews-ը ստորև ներկայացնում է այն 10 նշանները, որոնք կնոջը թույլ կտան խուսափել հոգեբանական քայքայումից:

1. Տղամարդն արգելում է կնոջը հանդիպել ընկերների հետ

Այն զուգընկերը, ով իրեն այդ կերպ է պահում, հավանաբար ցանկանում է, որ կինն իր սեփականությունը լինի: Դրա համար նա անում է հնարավոր ամեն բան, որ կինը, որքան հնարավոր է՝ հազվադեպ շփվի իր ընկերների հետ: Տղամարդը չի ուզում հասկանալ, որ բացի սիրային հարաբերություններից՝ կնոջ կյանքում կան մարդիկ, որոնց հետ նա հաճույքով է շփվում:

2. Տղամարդը վիրավորում է կնոջը

Կնոջ համար կարևոր է հասկանալ, որ ցանկացած նվաստացուցիչ մականուն, որ տղամարդու կողմից տրվում է կնոջը՝ անգամ կատակի ձևով, իր մեջ կնոջը վիրավորելու նպատակ է կրում և միտում՝ վերջինիս ստիպել գիտակցել ու հասկանալ իր տեղը ու չանցնել սահմանից անդին: Եթե կնոջն այդ վարքը շփոթեցնի, ապա տղամարդը կփորձի արդարացնել իրեն:

Այդ դեպքում նա կսկսի մեղադրել կնոջն այն բանում, որ չափազանց սուր է ամեն բան ընկալում, վիրավորվում է, կբացատրի, որ շատ բաների ավելի թեթև է պետք նայել: Կինն ինտուիցիայի մակարդակում կհասկանա, որ ինքն այդպիսի վերաբերմունքի արժանի չէ:

Սովորաբար բռնապետ տղամարդիկ փորձում են կնոջը համոզել, որ նա պետք է նորմալ վերաբերվի վիրավորանքներին՝ վստահեցնելով, որ նա իրավիճակին ճիշտ չի մոտենում: Կինը չպետք է թույլ տա նման վերաբերմունք:

3. Իր անհաջողությունների համար տղամարդը մեղադրում է կնոջը

Կնոջը պետք է զգոնության մղի, եթե տղամարդը պարբերաբար նրան մեղադրում է սեփական խնդիրների մեջ: Հիստերիաներ սարքելը տղամարդու լավագույն վարքագիծը չէ: Բայց հենց այդպես է տղամարդը փորձում ապացուցել, որ ոչ մի բանում մեղավոր չէ, և պատասխանատվությունը դնում կնոջ վրա:

4. Տղամարդն օգտագործում է ալկոհոլային խմիչքներ կամ թմրամիջոցներ

Բռնապետ տղամարդկանց մեծ մասը չարաշահում է ալկոհոլը կամ կախվածություն ունի թմրամիջոցներից: Այդպիսի կախվածությունը սովորաբար հանգեցնում է չվերահսկվող վարքագծի:

5. Տղամարդը վախեցնում է

Եթե տղամարդը կնոջ մոտ հարուցում է վախի զգացում, ապա նրանց հարաբերությունները դժվար է նորմալ համարել: Եթե տղամարդը փորձում է նվաստացնել իր կնոջը կամ վախեցնել, ապա այդպիսի հարաբերություններին ավելի լավ է վերջ տալ:

Բաժանումն արագացնել պետք է այն դեպքում, եթե տղամարդը նպատակաուղղված կերպով փորձում է վտանգավոր իրավիճակներ ստեղծել:

6. Տղամարդը միշտ կնոջը պատժում է իր հետ չանցկացրած ժամանակի համար

Այսպիսի վարքագիծը հատուկ է այն տղամարդկանց, որոնք կնոջն արգելում են նաև հանդիպել այլ մարդկանց հետ: Եթե կինը մի քանի ժամով գնում է հանդիպման և դա անում է առանց զուգընկերոջ համաձայնության, հետևում է պատիժը:

Հավանական է, որ այդպիսի իրավիճակներում տղամարդը կգոռա կնոջ վրա ու կվիրավորի, կսպառնա նրան, որ ավելի գործուն միջոցներ կձեռնարկի, ներառյալ՝ ֆիզիկական ուժը:

7. Տղամարդը կնոջից հնազանդություն է սպասում

Հոգեբանական բռնության հակված տղամարդը վստահ է, որ ինքը բացառիկ անձնավորություն է: Ինքնասիրահարվածության այդպիսի դրսևորումները հանգեցնում են կնոջից հնազանդության պահանջի:

Նա ուզում է, որ կինն ինքնակամ հանդես գա ստրկուհու դերում: Տղամարդը ցանկանում է, որ կինն իրեն ամեն ինչում անվերապահորեն ենթարկվի ու համաձայն լինի յուրաքանչյուր որոշման հետ:

8. Տղամարդը ցավագին խանդ է դրսևորում

Սադիստ տղամարդիկ հաճախ չեն վերահսկում իրենց վարքագիծը և ցուցաբերում են անտանելի խանդ: Այդպիսի տղամարդկանց խանդն արտահայտվում է տառացիորեն բոլոր ծանոթների ու ընկերների, կնոջ երևակայության ու նպատակների նկատմամբ, քանի որ այդ ամենը կնոջը շեղում են նրանից: Այդպիսի տղամարդիկ ցանկանում են վերահսկել կնոջ կյանքի բոլոր բաղկացուցիչները:

9. Տղամարդն աշխատում է կնոջը վերահսկել սեփական էմոցիաների օգնությամբ
Հոգեբանական բռնարարները շատ լավ մանիպուլյատորներ են:

Այդպիսի տղամարդը, եթե կինն ինչ-որ բանում իր հետ համաձայն չէ, ցուցադրաբար նեղանում է և սպառնում վերջ տալ հարաբերություններին: Նա ձգտում է շարունակ կնոջ մոտ մեղքի զգացում առաջացնել, եթե նա փորձի պնդել իր դիրքորոշումը:

10. Տղամարդը ձեռք է բարձրացնում կնոջ վրա

Ֆիզիկական բռնությունը սարսափելի բան է: Եթե տղամարդն ագրեսիա է դրսևորում, ապա ժամանակի հետ դա վերածվում է շատ ավելի դաժան վերաբերմունքի: Այդ դեպքում արդեն տղամարդը ոչ միայն կվախեցնի ու կսպառնա, այլև կսկսի ֆիզիկական ուժ կիրառել:

Եթե տղամարդը բռնկուն բնավորություն ունի, իսկ նախկինում արդեն իսկ էմոցիոնալ վիճակում շուրջն ամեն ինչ ջարդուփշուր արել է, ապա ժամանակի հետ նա ֆիզիկական բռնության կենթարկի նաև կնոջը: Այս իրավիճակում կինը հարաբերությունները խզելու վերջնական որոշում պետք է կայացնի՝ առանց մտածելու: Կնոջ վրա ձեռք բարձրացնող տղամարդուն դժվար է տղամարդ անվանել:

Եվ հիշեք, որ յուրաքանչյուր կին արժանի է լինել ոչ միայն՝ ազատ, այլև՝ երջանիկ, ցանկալի և սիրված:

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

Հիվանդություններ, որոնք անցնում են դաշտանադադարից հետո
Ի՞նչ բուժիչ և օգտակար հատկություններ ունի «փողի ծառը»
Դաժան ճշմարտություններ իրական հարաբերությունների մասին
Թեստ հանելուկ․ Կարո՞ղ եք ասել՝ ինչն է․․․
7 նշան, որ դու հանդիպում ես իսկական տղամարդու հետ
Թեստ․ Իսկ դու կարո՞ղ ես կռահել, թե որ հայ հայտնիներն են մինչ պլաստիկ վիրահատությունները

ԱՄԵՆԱԸՆԹԵՐՑՎԱԾ

Պարզվել է՝ մարմնավաճառները պատվիրատուի դուստրերն են (Photo)
Թեստ․ Հիշո՞ւմ եք «Հարսնացուն Հյուսիսից» ֆիլմի հայտնի ու սիրված մեջբերումները
Թեստ. Կճանաչե՞ք հայտնի հայերին՝ նայելով միայն նրանց աչքերին
ԹԵՍՏ. Կգտնե՞ք արդյոք այս բառերի հայերեն տարբերակը
Այս լուսանկարում կոպիտ սխալ կա, բայց ոչ ոք չի կարողանում այն նկատել
Արգանդի վզիկի քաղցկեղի 5 ախտանշաններ, որոնք կանայք չպետք է արհամարհեն
Քաղցկեղ առաջացնող 8 մթերք. Ուռուցքաբանները կոչ են անում դրանք չօգտագործել
ԹԵՍՏ. Կկարողանա՞ք գտնել այս բառերի հոմանիշը
Ինչպես հասկանալ, որ տղամարդը մտածում է Ձեր մասին. 5 ապացուցված ժողովրդական նշան

ԲԱՑ ՄԻ ԹՈՂԵՔ

Ի՞նչ կպատահի, եթե ամեն օր կիվի ուտեք
Հիվանդություններ, որոնք անցնում են դաշտանադադարից հետո
ԹԵՍՏ. Կկարողանա՞ք գտնել կրիային ընդամենը 5 վայրկյանում
Թեստ․ Հասկանո՞ւմ ես գյումրվա բարբառը
Որոնք են կենդանակերպի ամենագեղեցիկ կանայք
Ո՞ր վարորդը պետք է առաջինը անցնի կարգավորվող խաչմերուկը
Սերկևիլի բուժիչ հատկությունները, որի մասին քչերը գիտեն
Թեստ. Կկարողանա՞ք անցնել գիտելիքներ պահանջող այս թեստը
Իմաստուն առակ Մխիթար Գոշից․ «Քահանան և ավազակը»