Հարաբերությունների կառուցումն ամենօրյա աշխատանք է:

Խելամիտ բարությունը և փոխզիջման գնալու ընդունակությունը թույլ է տալիս զույգերին՝ չթունավորել միմյանց և սեփական կյանքը:

zNews-ը ներկայացնում է սիրո մի քանի հասարակ կանոն, որոնք կսովորեցնեն ճիշտ հարաբերություններ կառուցել:

1. Կոպիտ մի՛ եղեք

Ոչ մի ընտանիք անմասն չի մնում տեղի և անտեղի վեճերից, սակայն կան սահմաններ, որոնք պետք չէ անցնել:

2. Նույնիսկ եթե ճիշտ եք, անցյա՛լ համարեք եղածը

Նույնիսկ եթե դուք ճիշտ եք արդեն հազարերորդ անգամ, ժպտացե՛ք և անցյա՛լ համարեք եղածը: Ի վերջո՝ զույգերից մեկը միշտ առավել իմաստուն է լինում, իսկ ինչու՞ ոչ դուք:

3. Երբեք պետք չէ օգտագործել «ես ասում էի, չէ՞» արտահայտությունը

4. Պետք չէ խայթել նրա ընկերներին

Նրանք եղել են ձեզնից առաջ, և այնպես մի՛ արեք, որ շարունակեն մնալ ձեզնից հետո:

5. Մի՛ եղեք անտարբեր

Մշտական ինքնազոհաբերումների կարիք չկա, սակայն պետք է աջակցել և ուշադիր լինել սիրելիի նկատմամբ:

6. Մի՛ ծանրաբեռնեք ձեր կողակցին

Պետք չէ պարտականություններն ու խնդիրները միմյանց մեջ ընդունված սկզբունքների համաձայն բաժանել: Պետք է կարողանալ լրացնել միմյանց, աջակցել և հասկանալ:

7. …և’ դժբախտության, և’ երջանկության պահերին

Դիմանալ սիրելիի 12 ժամյա աշխատանքային ռեժիմին, չբողոքել, հասկանալ և միշտ նրա կողքին լինել՝ ծանր աշխատանքային օրվանից հետո, սթրեսային իրավիճակներում, պաշտոնանկության եզրին հայտնվելու ծանր պահին՝ հենց դա է սերը:

8. Համբուրե՛ք, շոյե՛ք, փաղաքշե՛ք ամեն օր

Ուշադրության պակասը միևնույն է՝ լրացում է, և եթե դուք չանեք դա, կանեն մյուսները:

9. Աջակցե՛ք և փորձեք հասկանալ, նույնիսկ՝ եթե այլևս ուժ չկա

Եթե տուն եք հասել սարսափելի հոգնած, որովհետև աշխատավայրում խնդիրներ կան, հաշվի առեք, որ սիրելիի մոտ էլ կարող են նման խնդիրներ առաջանալ: Այդ պարագայում անհրաժեշտ է խորը շունչ քաշել, սեղմել ատամները, ժպտալ, թեյ պատրաստել, գրկել սիրելիին և փորձել լիցքաթափվել:

10. Վերապրե՛ք զգացողությունները

Հարաբերությունների սկզբում երջանկություն էր պարգևում միայն այն, որ նա ձեր կողքին է, բռնում է ձեր ձեռքը: Այդ զգացողությունները պետք է ժամանակ առ ժամանակ կրկին վերապրել:

11. Խոսե՛ք

Խոսել է պետք ամեն ինչի՝ աշխատանքի, դարակները ներկելու, ապագա ծրագրերի, անցյալ հիշողությունների, սիրո և սուրճի տեսակների մասին: Ամեն ինչի մասին խոսում են ամենամտերիմ մարդկանց հետ:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ