Որոշումներ, որոնց համար հաստատ կզղջաք ծեր հասակում

Ամեն օր մենք բազմաթիվ ու տարատեսակ որոշումներ ենք ընդունում և հաճախ չենք էլ հասկանում, որ դրանք մեծ ազդեցություն կարող են ունենալ մեր հետագա կյանքի վրա:

Կամովին կամ պարտադրված որոշումներ կայացնելով՝ մենք բոլորս էլ ինչ-որ բանով առաջնորդվում ենք:

Մեկս՝ փորձով, գիտելիքներով, խորհուրդներով, կանխազգացմամբ կամ գոնե նրանով, որ այդ պահին այլ տարբերակ չկա:

Եվ միշտ մենք մտածում ենք, որ ճիշտ ենք վարվում՝ ելնելով մեր մտքերից, տրամաբանությունից և մտածելակերպից:

Որոշ որոշումներ մեզ հաջողություն և թեթևություն են բերում, ուրախություն և հեռանկարներ, ուրիշները կյանք են փրկում, օգնում զարգանալ և արարել: Սակայն կան որոշումներ, որոնք կայացնելուց հետո դադարում ենք քնել, կորցնում ախորժակը, հավասարակշռությունն ու հանգստությունը: Ու արդյունքում՝ չենք կարողանում հանգիստ ապրել:

Չէ՞ որ այդ սխալ ընդունված որոշումը, ինչպես պարզվեց, տարիներ անց հարուցում է միայն մեղքի և ափսոսանքի, ինքդ քեզ, հարազատներիդ, մտերիմներիդ ու գործընկերներիդ վրա զայրանալու ճնշող զգացողություն:

Մենք, իհարկե, դեռ շատ կփորձենք ինքներս մեզ համոզել, որ դա սարսափելի չէ, որ այդ ժամանակ այլ կերպ հնարավոր էլ չէր, բայց դրանից զղջալու ավելի խորը նստվածք է մնում ողջ կյանքի համար: Իսկ հետո՝ ծերության տարիներին, անկողնում պառկած, դեռ շատ ենք զղջալու, որ ինչ-որ ժամանակ սխալ ենք վարվել: Եվ ամենակարևորը, ոչինչ չենք փորձել փոխել՝ մասնավորապես այն պատճառով, որ երիտասարդ, հիմար ենք եղել և մտածել ենք, որ դեռ շատ պահեր կունենանք, իսկ նոր որոշումները կփակեն բոլոր սխալները: Բայց որքան էլ փորձենք, բոլոր սխալներից ապահովագրել մեզ չենք կարող, և, եթե արդեն իսկ մեր կյանքում ինչ-որ սխալներ թույլ ենք տվել, չմոռանանք, որ դրանք միշտ էլ կարելի է փորձել ուղղել: Կարևորը՝ ժամանակ չկորցնել ու չհետաձգել:

Անտեսեք Ձեզ, Ձեր հպարտությունն ու եսասիրությունը և փորձեք փոխել այն, ինչ գիշերները Ձեզ չի թողնում քնել: Եվ որպեսզի ձեզ մոտիվացնեք, կարդացեք ստորև բերվող ստանդարտ սխալների ցանկը, որոնք բոլորն են գործում, բայց քչերն են նկատում, թե ինչպես են դրանք քայքայում մեզ ու փչացնում մեր կյանքը:

1. Դուք կզղջաք այն բանի համար, որ չափազանց շատ ժամանակ եք անցկացրել հեռուստացույցի առաջ՝ դիտելով անվերջանալի սերիալներ, հաղորդումներ, ռեալիթի շոուներ:

2. Դուք կզղջաք այն բանի համար, որ ձեր կյանքում առաջնայնությունը տվել եք սոցիալական ցանցերի վիրտուալ աշխարհին՝ գլխովին խորասուզվելով Ձեր և Ձեր ծանոթների մասին սխալ պատկերացումների խաղի մեջ:

3. Դուք կզղջաք այն բանի համար, որ առողջ ապրելակերպ չեք վարել՝ թույլ տալով Ձեր սովորույթներին վերահսկել Ձեզ:

4. Դուք կզղջաք այն բանի համար, որ քիչ եք տեսել ու գնահատել այս աշխարհի իրական գեղեցկությունը՝ Ձեր կյանքը շտապելով և անհարկի սեթևեթելով:

5. Դուք կզղջաք այն բանի համար, որ քիչ եք հավատացել և չեք ձգտել ավելի շատ, մեծ ու գլոբալ բաներ իմանալ:

6. Դուք կզղջաք այն բանի համար, որ հազվադեպ եք դիմավորել արևածագն ու հետևել նրա մայր մտնելուն՝ Ձեզ արդարացնելով ամենատարբեր կարևոր ու անհետաձգելի գործերի ու խնդիրների առկայությամբ:

7. Դուք կզղջաք այն բանի համար, որ չափազանց վախեցած, կծկված, լուրջ եք եղել ու աշխատել եք համապատասխանել ճշտի, արժանիի ու հաջողակի մասին եղած վարքագծի համընդհանուր նորմերին:

8. Դուք կզղջաք այն բանի համար, որ չափազանց շուտ եք հասունացել ու արգելել եք ինքներդ ձեզ երբեմն երեխա լինել՝ թեկուզև 40 տարեկանում:

9. Դուք կզղջաք այն բանի համար, որ քիչ եք ընկերություն արել, չեք գնահատել ձեր ընկերներին և շատ ժամանակ միասին չեք անցկացրել:

10. Դուք կզղջաք այն բանի համար, որ չափից առավել նեղացկոտ, հիշաչար, չար ու կասկածամիտ եք եղել:

11. Դուք կզղջաք այն բանի համար, որ քիչ եք շփվել ձեր ընտանիքի, երեխաների, բարեկամների, հետ, շատ եք վիճել ու բարկացել նրանց վրա: Հազվադեպ եք նրանց սիրո խոսքեր ասել ու հիշեցրել, թե որքան թանկ են նրանք ձեզ համար:

12. Դուք կզղջաք այն բանի համար, որ քիչ եք ծիծաղել, ուրախացել ու զվարճացել:

13. Դուք կզղջաք այն բանի համար, որ չափազանց ցավագին եք ընդունել այլ մարդկանց արարքներն ու խոսքերը:

14. Դուք կզղջաք այն բանի համար, որ չեք զարգացրել ձեր տաղանդն ու մոռացել եք մանկական երազանքների ու հետաքրքրությունների մասին:

15. Դուք կզղջաք այն բանի համար, որ քիչ եք ճանապարհորդել ու ճանաչել աշխարհը:

16. Դուք կզղջաք այն բանի համար, որ շատ եք վախեցել:

17. Դուք կզղջաք այն բանի համար, որ կասկածել ու թերագնահատել եք ձեզ, շատ բաներ չեք համարձակվել անել:

18. Դուք կզղջաք այն բանի համար, որ խենթ արարքներ չեք արել, մարտահրավեր չեք նետել հանգամանքներին, աշխարհին, չեք պայքարել ու թևաթափ եք եղել: Ձեզ թույլ եք տվել հեռանալ ու լռել:

19. Դուք կզղջաք այն բանի համար, որ նյութապաշտ եք եղել, որ շատ ուժ, եռանդ ու առողջություն եք վատնել մոդայիկ պլանշետների ու բրենդերի ձեռքբերման համար:

20. Դուք կզղջաք այն բանի համար, որ չեք ասել գլխավորը:

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

Տեսահոլովակի պրեմիերա. Արկադի Դումիկյան – «Նոր տարվա գիշեր»
ԱՄՆ-ի ամենասարսափազդու կղզին (Video)
Միայն առավել ուշադիրները կկարողանան գտնել բոլոր 12 տարբերությունները․ Կարո՞ղ եք գլուխ հանել
Տեսահոլովակի պրեմիերա. Մարտին Մկրտչյան – «Հյուսիս – հարավ»
Երազում երբևէ ընկե՞լ եք կամ խայթող օձեր տեսել․ ահա այս և այլ տարածված երազների իրական նշանակությունները
Թեստ․ Նկարում երկու աղջիկ է թաքնված․ կկարողանա՞ք նկատել նրանց

ԱՄԵՆԱԸՆԹԵՐՑՎԱԾ

Թեստ․ Ստուգիր հայերենիդ իմացությունը մեզ հետ
Տեսահոլովակի պրեմիերա․ Լյանա Ուլիխանյան – «Չեմ կրնա»
Թևատակերի հատվածում ցավի 7 հիմնական պատճառները
Ուրեապլազմոզի առաջացման պատճառները, ախտանշաններն ու բուժման եղանակները
Անունների նշանակությունը. ի՞նչ նշանակություն ունի Ձեր անունը
Ե՞րբ կնշվի Սուրբ Զատիկը 2025 թվականին
Էսկիմոսների տները. ինչպե՞ս է դրանց ներսում մշտապես տաք լինում, եթե դուռը երբեք չի փակվում (Photo)
ԹԵՍՏ. Գիտեք՝ ինչպես են գրվում այս բառերը. «Խ, թե՞ Ղ»
Թեստ. Գիտե՞ք այս կենդանիների խմբերի անվանումները

ԲԱՑ ՄԻ ԹՈՂԵՔ

Տեսահոլովակի պրեմիերա․ Լյանա Ուլիխանյան – «Չեմ կրնա»
Տեսահոլովակի պրեմիերա. Արկադի Դումիկյան – «Նոր տարվա գիշեր»
ԱՄՆ-ի ամենասարսափազդու կղզին (Video)
ԹԵՍՏ․ Այս երկու դեռահասների մայրիկին կարող են գտնել միայն ամենաուշադիրները
Կապս խզեցի, ամենադաժան բանն է, երբ թիկունքից հարվածը ընդունում ես քո տնից. ինչու Արտյոմ Կարապետյանը չի շփվում 5 քույրերի հետ
Միայն առավել ուշադիրները կկարողանան գտնել բոլոր 12 տարբերությունները․ Կարո՞ղ եք գլուխ հանել
Տեսահոլովակի պրեմիերա. Մարտին Մկրտչյան – «Հյուսիս – հարավ»
Երազում երբևէ ընկե՞լ եք կամ խայթող օձեր տեսել․ ահա այս և այլ տարածված երազների իրական նշանակությունները
Թեստ․ Նկարում երկու աղջիկ է թաքնված․ կկարողանա՞ք նկատել նրանց