Աշխարհի պատմության մեջ ամենահայտնի բրիտանացին իմաստուն մարդ էր։

Նա եղել է զինվոր, գրող, նկարիչ, մարզիկ, պատմաբան ու քաղաքական գործիչ։

Նրա իմաստուն մտքերը շատերին են ոգեշնչել ու ոգեշնչում են մինչ օրս։

• Ոչնչով այնպես հեղինակություն ձեռք չես բերի, որքան հանգստությամբ։

• Ցանկացած ճգնաժամ նոր հնարավորություն է։

• Խելացի մարդն ինքը չի գործում բոլոր սխալները։ Նա հնարավորություն է տալիս նաև ուրիշներին։

• Դեմոկրատիայի դեմ լավագույն փաստարկը միջին վիճակագրական ընտրողի հետ հինգ րոպեանոց զրույցն է։

• Եթե դու թշնամիներ ունես, լավ է. նշանակում է՝ քո կյանքում դու երբևէ ինչ-որ բան ես պնդել։

• Եթե դուք անցնում եք դժոխքի միջով, գնացեք առանց կանգ առնելու։

• Հաջողությունը մի անհաջողությունից դեպի մյուսը գնալն է՝ առանց էնտուզիազմը կորցնելու։

• Բազեն բարձր է թռչում, երբ թռչում է ոչ թե քամու ուղղությամբ, այլ նրան հակառակ։

• Հիմար է այն մարդը, ով երբեք իր կարծիքը չի փոխում։

• Կապիտալիզմի բնածին արատը բարիքների անհավասար բաշխումն է, իսկ սոցիալիզմի բնածին արժանիքը՝ աղքատության հավասար բաժանումը։

• Իշխանությունը թմրանյութ է։ Ով այն գեթ մեկ անգամ փորձել է, նրանով թունավորվել է հավիտյան։

• Իր կյանքի ընթացքում յուրաքանչյուր մարդ ստիպված է լինում բախվել իր «մեծագույն հնարավորությանը»։ Դժբախտաբար, մեր մեծ մասը պարզապես վեր է կենում, թափ է տալիս շորերն ու առաջ է գնում, ասես ոչինչ էլ չի պատահել։

• Մի մաղթեք առողջություն ու հարստություն, այլ մաղթեք հաջողություն, քանզի «Տիտանիկի» վրա բոլորը հարուստ ու առողջ էին, իսկ հաջողակ գտնվեցին եզակիները։

• Սուտը հասցնում է աշխարհի կեսն անցնել, մինչ ճշմարտությունն իր տաբատն է հագնում։

• Քաղաքականությունը նույնքան կլանող ու վտանգավոր է, որքան պատերազմը։ Պատերազմի ժամանակ ձեզ կարող են սպանել միայն մեկ անգամ, իսկ քաղաքականության մեջ՝ շատ անգամ։

• Իմ ճաշակը շատ պարզ է։ Ես հեշտությամբ բավարարվում եմ լավագույնով։

• Ուզում եք, որ վեճի ժամանակ ձեր խոսքը վերջի՞նը լինի։ Ուրեմն ձեր հակառակորդին ասեք. «Թերևս, Դուք ճիշտ եք»։

• Մեծ առավելություն է ստանում նա, ով բավականին վաղ է սխալներ արել, որոնց վրա կարելի է սովորել։

• Մարդիկ հիանալի կերպով կարողանում են պահել այն գաղտնիքները, որոնցից տեղյակ չեն։

• Ես սիրում եմ խոզերին։ Շները մեզ վարից վեր են նայում, կատուները՝ վերից վար, և միայն խոզերն են մեզ նայում՝ որպես հավասարը հավասարին։

• Պատերազմն այն է, երբ ուրիշների շահերի համար զոհվում են բոլորովին անմեղ մարդիկ։

• Կյանքի մեծագույն դասերից մեկն այն է, որ նաև հիմարները կարող են ճիշտ լինել։

• Ավելի լավ է մարդուն կաշառել, քան սպանել։ Դե իսկ կաշառված լինելն էլ սպանված լինելուց է լավ։

• Ավելի հեշտ է ազգ կառավարել, քան 4 երեխա դաստիարակել։

• Մենք ապրում ենք մեծ իրադարձությունների ու փոքր մարդկանց դարաշրջանում։

• Ամերիկացիները միշտ գնում են միակ ճիշտ լուծումը…Այն բանից հետո, երբ փորձել են մնացած բոլորը։

• Երկրի համար ծանր ժամանակներում առասպելների նշանակությունը դժվար է գերագնահատել։

• Հարաբերությունները փչացնելու լավագույն եղանակը դրանք պարզել սկսելն է։

• Խորհրդարանի նպատակը ձեռնամարտը խոսքամարտով փոխարինելն է։

• Երբ կռվում են երկուսը, շահում է երրորդը։

• Եթե սպանես մարդասպանին, մարդասպանների քանակը չի փոխվի։

• Հոռետեսը դժվարություն է տեսնում յուրաքանչյուր հնարավորության մեջ։ Լավատեսը հնարավորություն է տեսնում յուրաքանչյուր դժվարության մեջ։

• Դուք երբեք չեք հասնի նշանակետին, եթե քար նետեք յուրաքանչյուր հաչող շան վրա։

• Իր անցյալը մոռացած ժողովուրդը կորցրել է իր ապագան։

• Երբ առյուծները լռում են, շաղակրատում են թութակները։

• Նույնիսկ ամենակուրացուցիչ լույսը ստվեր ունի։

• Ես լավատես եմ։ Ինչ-որ այլ բան լինելու օգուտն առանձնապես չեմ տեսնում։

• Ոչ մի աստղ չի փայլի, քանի դեռ չի գտնվել այն մարդը, ով հետևից կպահի սև կտավը։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ