Երբ կնոջ կյանքում ուժեղ տղամարդ է հայտնվում

Երբեմն կնոջ կյանքում հայտնվում է շատ ուժեղ տղամարդ` հզոր արևային էներգետիկայով: Եվ նրան հեշտ է զգալ անգամ թիկունքով: Նրան ամբողջովին արձագանքում է կնոջ մարմինը, նրա մտքերը հանգստանում են:

Այդպիսի տղամարդու կողքին նույնիսկ կտրուկ բնավորություն ունեցող ամենաակտիվ կինը փոքրիկ թռչնակ է դառնում: Նրա մեջ հանկարծ արթնանում է կանացի որակների մի փունջ, նա հանկարծ ուզում է կերակուր պատրաստել այդ տղամարդու համար, տունը հավաքել, սպասել նրան աշխատանքից, և միգուցե առաջին անգամ նրա մարմինը հստակ ազդանշան է տալիս, որ ինքը երեխա է ուզում այդ տղամարդուց:

Սովորաբար հենց այդ տղամարդու հետ է նա սկսում հասկանալ իսկական սեքսուալ մերձեցման վայելքը: Նա ամեն ինչ առանձնահատուկ կերպով վառ ու ուժեղ է զգում, կանացիությունը նրա մեջ արթնանում է հորմոնալ մակարդակում: Նրա դուր են գալիս իր տղամարդու բույրը, մարմինը, նրա հայացքն ու ձայնը:

Նրա կողքին կինն իրեն կարող է հիմարիկ ու թույլ զգալ, բայց դա նրան բոլորովին չի շփոթեցնում, այլ, ընդհակառակը, ստիպում է ժպտալ ու գիտակցել, թե ինչ հրաշալի բան է երբեմն թույլ լինելը:

Նրա կողքին այդ կինը չի ուզում վիճել, ապացուցել, նրա հետ մրցել ինտելեկտով, նա կյանքում առաջին անգամ ուզում է ենթարկվել:

Կինն այդ հարաբերություններում սկսում է ծաղկել` գիտակցելով այդ տղամարդու ուժը: Նա սկսում է նրան սիրել ոչ թե գլխով, այլ իր կանացի ողջ էությամբ: Ընդ որում, արտաքինից նա բոլորովին էլ այդ կնոջ տիպաժը կարող է չլինել, լրիվ ուրիշ լինել, քան իր պատկերացումներն են հոգևոր զարգացման, ինտելեկտի մակարդակի մասին: Միգուցե նա գեղեցիկ չլինի, բայց առնական, ուժեղ ու վճռական, որի կողքին նրա սիրտը սեր է տենչում:

Իսկ հետո կանանց մեծ մասը միևնույն սխալն է գործում: Նրանք սկսում են հարմարվել այդ տղամարդուն, փորձել գոհացնել նրան: Նրանք սիրահարվում են մինչև ականջների ծայրը:

Կինն ամեն ինչի է ունակ, միայն թե պահի նրան: Նա զգում է, որ ներքուստ պատրաստ չէ այդպիսի հարաբերությունների, և նա սկսում է այդ բացը լրացնել արտաքին ինքնակատարելագործմամբ, քանի որ կորցնելը սարսափելի է:

Եվ այստեղ սկսում են գերջանքեր գործադրել լավագույնը լինելու, այսինքն` նրան արժանի լինելու համար, ինչը տղամարդուն ավելի ու ավելի է հեռացնում, և ի վերջո, նա հեռանում է:

Շատ դեպքերում այդպիսի տղամարդիկ հայտնվում են կնոջ կյանքում ու հեռանում, որ նրան ցույց տան, թե նա դեռ որքան անպատրաստ է ուժեղ ու հասուն հարաբերությունների համար: Նրան ստրկուհի կամ աղախին չէ պետք, այլ կին, ով իր սիրով կլցնի, և ում նա կլցնի իր սիրով:

Նրա հեռանալուց հետո մնում է այլ իրականություն վերադառնալու անտանելի ցավը, ուր դու քեզ այլևս 100 տոկոսով կին չես զգում, ուր այլևս չկան այդ ուժեղ ձեռքերն ու վստահ հայացքը:

Այժմ կինն ամեն ինչ անում է, որ հեռանա այդ ցավից: Բայց ավելի լավ է ողջ կյանքում ապրել քեզ առաջ մղող ցավով, քան առանց ցավի, բայց և առանց սիրո:

Հենց այդպիսի տղամարդն է կնոջ կյանքում լինում սիրո ու զարգացման ամենահզոր դասը տվողը:

Այդպիսի տղամարդը գալիս ու կնոջը ցույց է տալիս, թե որքան կանացի նա կարող է լինել, որքան սեր կա նրա մեջ:

Չէ՞ որ հենց նրան է կինը սկսում սիրել իրենց շփման առաջին իսկ օրվանից: Հենց նրա նկատմամբ կինը կիրք է զգում, այլ սիրահարվածություն, իսկ սերը նա զգում է իր ողջ էությամբ:

Ահա թե ինչու է այդքան ցավոտ, երբ նա հեռանում է:

Եթե ձեր կյանքում եղել է կամ կա այդպիսի տղամարդ, ապա ձեր բախտը և բերել է,  և չի բերել միաժամանակ:

Ձեր բախտը բերել է, քանի որ քիչ մարդիկ են կյանքում բախվում իսկական սիրո հետ, իսկ ձեզ տրված է եղել սիրել իսկապես, խորը, ողջ սրտով, կանացի ողջ էությամբ, մարմնի յուրաքանչյուր բջիջով: Իսկ երբ կինը սիրում է, նրա համար անհնարին ոչինչ չկա: Այդ սերը նրա կյանքն իմաստով է լցնում: Եվ այդ սերը նա զգում է իր ողջ կյանքում:

Մյուս կողմից, ձեր բախտը չի բերել, քանի որ այդ տղամարդու հետ ձեզ կուղեկցեն ամենաուժեղ սթրեսները:

Իսկ յուրաքանչյուր նոր էներգետիկ անցում միշտ ցավ է, ճգնաժամ ու դեպրեսիա:

Ամեն անգամ դուք կկապվեք նրան, բայց նրան կխլեն ձեզնից:

Ձեզ անդադար կսովորեցնեն ապրել երջանիկ ու ազատ, առանց կապվելու:

Ձեզ կսովորեցնեն էմոցիոնալ հասունության ու առանց պայմանականությունների սիրո:

Բայց այդ հարաբերությունների մեջ ունեցած երջանկությունը չի համեմատվի կյանքում ունեցած որևէ զգացողության ու ապրումի հետ, այն սերը, որը կլցնի ձեր սիրտը, ձեր կյանքը կդարձնի իմաստով լի:

Այդ տղամարդը ձեզ սովորեցնում է կին լինել:

Եթե դուք ուզում եք նրա հետ լինել, դուք չպետք է ձեզ զոհեք նրա համար: Պետք է ինքներդ ձեր մեջ բացահայտեք սերը ու դրայվի զգացողությունը կյանքից, ներքին երջանկությունը:

Դուք պետք է կին դառնաք այդ բառի ամենալիարժեք իմաստով, իսկական, զգացող, զգացմունքային ու բաց թողնել իմացող կին:

Եթե ձեր կյանքում այդպիսի տղամարդ է եղել`

  • Սովորեք շնորհակալ լինել նրան: Նա ձեզ շատ բան է սովորեցրել, թող որ ցավի միջով, բայց նա ձեզ հասուն կին է դարձրել:
  • Մի մտածեք նրա մասին ու մի աշխատեք մոռանալ: Երբ դուք սովորեք երջանիկ լինել, ցավն ինքն իրեն կանցնի, իսկ նրա հետ հարաբերությունները կանցնեն բոլորովին այլ մակարդակ կամ կդադարեն ձեզ անհանգստացնել։
  • Բաց թողեք ցավը ու թույլ տվեք, որ սերը կրկին լցնի ձեր էությունը:

Մենք հարաբերությունների մեջ ենք մտնում ոչ թե մարդկանց պատճառով, այլ էներգետիկայի ու այն վիճակների համար, որ մենք ապրում ենք նրանց կողքին:

Ապրեք սիրո ու շնորհակալ լինելու զգացողությամբ, մնացածը կարգի կընկնի:

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

Ինչու են շատերը օրգազմի իմիտացիա անում, բացատրում է գիտնականը
180-ից բարձր․ ինչու են ցածրահասակ կանայք նախընտրում բարձրահասակ տղամարդկանց
Սխալներ, որոնք թույլ են տալիս շատ ծնողներ երեխաների դաստիարակության հարցում
Ինչի համար են մարդիկ ամենաշատն ափսոսում կյանքի վերջում
Հեշտ խնդիր, որում համացանցի օգտատերերը բազմաթիվ սխալներ են թույլ տվել
Ինչպիսի կանանց են տղամարդիկ համարում իդեալական

ԱՄԵՆԱԸՆԹԵՐՑՎԱԾ

Ո՞ր դիրքում է ամենից ավելի հեշտ բեղմնավորել կնոջը
Ո՞ր տարիքում են մարդիկ առավել հաճույք ստանում ինտիմ մերձեցումից
Ինչու՞ են կանայք դավաճանում
Հայտնի են կնոջ ամենասեքսուալ հասակը և քաշը
Նշաններ, որոնք բնորոշ են «էժանագին» կանանց․ Էվելինա Խրոմչենկո
6 առողջական խնդիրներ, որոնք առաջանում են սեռական հարաբերության բացակայության արդյունքում
Կնոջ 4 վիճակ, որոնք ընդմիշտ գրավում են տղամարդկանց
Կնոջ սեռական կողմնորոշման մասին կպատմի նրա ձեռքերը
Ինչն է գրգռում կանանց և տղամարդկանց

ԲԱՑ ՄԻ ԹՈՂԵՔ

Ինչու են շատերը օրգազմի իմիտացիա անում, բացատրում է գիտնականը
Իմաստուն ԱՌԱԿ․ Մխիթար Գոշ՝ «Մորենին և վազը»
180-ից բարձր․ ինչու են ցածրահասակ կանայք նախընտրում բարձրահասակ տղամարդկանց
Քանի՞ քառակուսի կա նկարում․ Ճիշտ պատասխանը տալիս են միայն ամենախելացիները
Մեռացեք փորափքանքի մասին. արդյունավետ բնական բաղադրատոմսեր
Թեստ. Կճանաչե՞ք մեր հայ դերասաններին
Սխալներ, որոնք թույլ են տալիս շատ ծնողներ երեխաների դաստիարակության հարցում
Ինչի համար են մարդիկ ամենաշատն ափսոսում կյանքի վերջում
Հեշտ խնդիր, որում համացանցի օգտատերերը բազմաթիվ սխալներ են թույլ տվել