Ճապոնական ասացվածքներ, որոնք դանակի սայրից էլ սուր են

Մնացյալ աշխարհից Ճապոնիայի բնական մեկուսացումը նրան դարձրել է իրապես անկրկնելի ու բացառիկ մի երկիր:

Եվ պատահական չէ, որ ծագող արևի երկրի մշակույթն էլ խիստ տարբերվում է մնացած երկրների մշակույթներից:

Ճապոնացիներն իմաստուն ժողովուրդ են։ Նրանք սովորել են ապրել բնության և շրջապատող աշխարհի հետ կատարյալ ներդաշնակության մեջ՝ վայելելով երկրի վրա անցկացրած յուրաքանչյուր պահը:

zNews-ը Ձեր ուշադրությանն է ներկայացնում շատ խորիմաստ ճապոնական ասացվածքներ, որոնք տիպիկ բնորոշում են վերջիններիս իմաստնությունը:

1. Պատճառն ու կպչուն լեյկոպլաստը կարելի է կպցնել որտեղ ուզես:

2. Հետդ քեֆ անելու գալիս են ուրիշները, իսկ վշտակցելու՝ հարազատ մարդիկ:

3. Ավելորդ իրն ավելորդ հոգս է:

4. Երբ սիրտդ հանգիստ է, հանգիստ է նաև քայլվածքդ:

5. Առանց սովորական մարդկանց՝ չեն լինում մեծագույնները:

6. Շնորհակալ լինելուդ մասին հիշիր նույնքան երկար, որքան վիրավորված լինելուդ մասին ես հիշում:

7. Չկա մի դեպք, երբ մերկն ինչ-որ բան կորցնի:

8. Այնտեղ, ուր ուժն է ճիշտը, անզոր է իրավունքը:

9. Արա, ինչ կարող ես, իսկ մնացած հարցերում հույսդ դիր ճակատագրի վրա:

10. Անարդար ճանապարհով վաստակածն իր նպատակին չի ծառայում:

11. Հարցնելն անհարմար է մեկ րոպեով, իսկ չիմանալը՝ ամբողջ կյանքում:

12. Ուղիղ մարդն ուղիղ բամբուկի պես՝ հազվադեպ է հանդիպում:

13. Քիչ է լինել այր և կին, պետք է նաև դառնալ ընկերներ և սիրեկաններ, որպեսզի հետո դրանք այլ տեղ չփնտրես:

14. Աղետի պահին հույսդ դիր միայն քեզ վրա:

15. Ամուսինն ու կինը պետք է նման լինեն ձեռքին ու աչքերին: Երբ ձեռքն է ցավում, աչքերը լալիս են, իսկ երբ աչքերն են լալիս, ձեռքերը սրբում են արցունքները:

16. Պատահում է այնպես, որ տերևը ջրի տակ է անցնում, իսկ քարը լողում է:

17. Ավելի հեշտ է գտնել 10.000 զինվոր, քան մեկ գեներալ:

18. Ցանկացած կին գեղեցիկ է թվում մթության մեջ, հեռվից կամ թղթե անձրևանոցի տակ:

19. Անգամ շատ երկար ձգվող ուղին սկսվում է մեկ քայլից:

20. Հաղթանակի հասնում է նա, ով հակառակորդից կես ժամ ավելի է դիմանում:

21. Մտածելով՝ որոշիր, իսկ եթե արդեն որոշել ես՝ մի մտածիր:

22. Ճանապարհ գնալիս ուղեկից է պետք, իսկ կյանքում՝ ընկեր:

23. Հիմարից ավելի վտանգավոր թշնամի չկա:

24. Մի պահիր գնացողին, մի հեռացրու եկողին:

25. Ծովն այն պատճառով է մեծ, որ չի անտեսում նաև մանր գետակներին:

26. Քո սրտի տաճարը ճանաչում ես դարպասներից:

27. Վիշտը, պատռված զգեստի պես, պետք է տանը թողնել:

28. Անկողնում պառկած՝ ոչ ոք չի սայթաքում:

29. Մի վախեցիր փոքր-ինչ ճկվելուց. հետո ավելի ուղիղ կկանգնես:

30. Յոթ անգամ ընկիր, ութ անգամ կանգնիր:

31. Արևը ճիշտ ու սխալ չի ճանաչում: Այն փայլում է՝ առանց ինչ-որ մեկին ջերմացնելու նպատակի: Ով գտնում է ինքն իրեն, նման է արևի:

32. Յոթ անգամ ստուգիր, մինչև մարդուն կկասկածես:

33. Ծիծաղող տանը երջանկությունն այցի է գալիս:

34. Ժպտացող դեմքին նետ չեն արձակում:

35. Ով ուրախ է ապրում, երկաթի միջով էլ կանցնի:

36. Աղեղի լավը լինելը կախված է այն քաշող ձեռքից:

37. Վատ վարպետի ձեռքի տակից երբեք կատարյալ անոթ դուրս չի գալիս:

38. Սառը թեյն ու սառը բրինձը մի կերպ կարող ես տանել, սակայն սառը հայացքն ու սառը խոսքն անտանելի են:

39. Եթե խնդիրը կարելի է լուծել, ուրեմն պետք չէ նրա համար անհանգստանալ, իսկ եթե այն արդեն լուծել հնարավոր չէ, ապա անիմաստ է դրա համար անհանգստանալը:

40. Վատ մարդն աշխատում է արդարացնել իր գործած սխալը, իսկ լավը՝ ուղղել այն:

41. Ինքդ եղիր քո սրտի ուսուցիչը և թույլ մի տուր, որ սիրտդ դառնա քո ուսուցիչը:

42. Երբ հասկը հասունանում է, հակում է գլուխը, իսկ երբ մարդն է հարստանում, գլուխը շատ վեր է բարձրանում:

43. Արագը նույն դանդաղն է, միայն թե՝ առանց ընդմիջումների:

44. Երբեմն մի ակնթարթը գանձից էլ թանկ է լինում:

45. Այսօրվա հիսունն ավելի լավ է, քան վաղվա հարյուրը:

46. Եթե կինն ուզենա, ժայռի միջով էլ կանցնի:

47. Լավ վաճառականը ողջ ապրանքը միանգամից չի ցուցադրում:

48. Զգոն եղիր նրա հետ, ով լռում է:

49. Մի շուն անիմաստ կհաչա, մյուսները դա լուրջ կընդունեն:

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

Թեստ․ Լրացրեք բաց թողնված բառերը
Ջրային դիետա. մինուս 6 կգ՝ 8 օրում
Խնձորի քացախը օգնում է ազատվել էկզեմայից, պիգմենտային բծերից, պեպեններից, ուգրիներից և կնճիռներից․ ահա, թե ինչպես կիրառել այն
Բնական միջոց, որը կարող է սպանել կրծքի քաղցկեղի բջիջների 97 տոկոսը
ԹԵՍՏ․ Կարnղ եք հպարտանալ Ձեր գիտելիքներով, եթե ճիշտ պատասխանեք մեր թեստի բոլոր հարցերին
Ի՞նչ հիվանդություններ են բնորոշ յուրաքանչյուր ամսում ծնված մարդկանց

ԱՄԵՆԱԸՆԹԵՐՑՎԱԾ

Պարզվել է՝ մարմնավաճառները պատվիրատուի դուստրերն են (Photo)
Թեստ. Կճանաչե՞ք հայտնի հայերին՝ նայելով միայն նրանց աչքերին
Թեստ․ Հիշո՞ւմ եք «Հարսնացուն Հյուսիսից» ֆիլմի հայտնի ու սիրված մեջբերումները
ԹԵՍՏ. Կգտնե՞ք արդյոք այս բառերի հայերեն տարբերակը
Այս լուսանկարում կոպիտ սխալ կա, բայց ոչ ոք չի կարողանում այն նկատել
Արգանդի վզիկի քաղցկեղի 5 ախտանշաններ, որոնք կանայք չպետք է արհամարհեն
Քաղցկեղ առաջացնող 8 մթերք. Ուռուցքաբանները կոչ են անում դրանք չօգտագործել
ԹԵՍՏ. Կկարողանա՞ք գտնել այս բառերի հոմանիշը
Ինչպես հասկանալ, որ տղամարդը մտածում է Ձեր մասին. 5 ապացուցված ժողովրդական նշան

ԲԱՑ ՄԻ ԹՈՂԵՔ

Թեստ․ Լրացրեք բաց թողնված բառերը
Կկարողանա՞ք անցնել այս ուղղագրական թեստը
Ջրային դիետա. մինուս 6 կգ՝ 8 օրում
Թեստ․ Կկարողանա՞ք գտնել թաքնված տառը
Խնձորի քացախը օգնում է ազատվել էկզեմայից, պիգմենտային բծերից, պեպեններից, ուգրիներից և կնճիռներից․ ահա, թե ինչպես կիրառել այն
Տրամաբանական հանելուկ․ Կարո՞ղ եք հասկանալ՝ ինչի մասին է խոսքը․․․
Բնական միջոց, որը կարող է սպանել կրծքի քաղցկեղի բջիջների 97 տոկոսը
ԹԵՍՏ․ Կարnղ եք հպարտանալ Ձեր գիտելիքներով, եթե ճիշտ պատասխանեք մեր թեստի բոլոր հարցերին
Ի՞նչ հիվանդություններ են բնորոշ յուրաքանչյուր ամսում ծնված մարդկանց