«Խոստացել ես՝ կատարիր։ Ավելի լավ է՝ չխոստանալ, քան՝ խոստանալ ու չկատարել». Սողոմոն Իմաստունի իմաստուն մտքերն ու առածները

Պատմության մեջ կա մի մարդ, ում անունն ինքնին իմաստնության հոմանիշ է։

Դա հրեական երրորդ թագավորն է, լեգենդար տիրակալ Սողոմոնը, ով իր պետությումը հասցրեց բարձրագույն ծաղկման։

Ցանկացած հարց լուծելիս թագավորը վկաներին հարցաքննության կանչելու կարիք չուներ, քանի որ մի հայացք անգամ նետելով հակամարտող կողմերի վրա՝ հասկանում էր, թե ով է ճիշտ, ու ով՝ սխալ։

Աղբյուրների մեծ մասի համաձայն՝ Սողոմոնը թագավորել է շուրջ 37 տարի ու մահացել 52 տարեկանում։

Արքայի մտերիմները չշտապեցին թաղել նրան՝ հույս ունենալով, որ տիրակալը պարզապես լեթարգիական քնի մեջ է ընկել։

Բայց հենց որդերը սկսեցին վնասել արքայական գավազանը, Սողոմոնին վերջապես մեռած ճանաչեցին ու բոլոր պատիվներով թաղեցին։

Սողոմոն արքայի մտքերը հազարամյակների փորձն են կրում իրենց մեջ։

  • Երբ երկիրը հեռանա օրենքից, ուրեմն շատ կառավարիչներ ունի։
  • Այս երկնքի տակ ամեն բան իր ժամն ու ժամանակն ունի. ծնվելու ժամանակն ու մեռնելու ժամանակը, քանդելու ու կառուցելու ժամանակը, քարերը թափելու ու քարերը հավաքելու ժամանակը, լռելու և խոսելու ժամանակը։
  • Շան ականջներից բռնում է նա, ով կողքով անցնելով՝ խառնվում է ուրիշի վեճին:
  • Ամեն ինչ անցնում է, և սա նույնպես կանցնի։
  • Լռող հիմարը նույնպես կարող է իմաստուն թվալ։
  • Կատաղությունը նաև խելամիտներին է կործանում։
  • Խոստացել ես՝ կատարիր։ Ավելի լավ է՝ չխոստանալ, քան՝ խոստանալ ու չկատարել։
  • Հիմարը թափում է իր ողջ զայրույթը, իսկ խելոքը զսպում է այն։
  • Երկուսով լինելն ավելի լավ է, քան մենակ, քանի որ, եթե ընկնեն, միմյանց կբարձրացնեն, բայց վա՜յ նրան, ով միայնակ կընկնի ու բարձրացնող չի ունենա։ Բացի դրանից, երբ երկուսով ընկնեն, միասին տաք կլինի, միայնակ մարդն ինչպե՞ս կջերմանա։
  • Չկա հողագնդի վրա մի մարդ, ով բարի գործ անի ու չմեղանչի։ Դրա համար էլ ամեն ասված բառին ուշադրություն մի դարձրու… Քանի որ սիրտը շատ դեպքեր գիտի, երբ դու ինքդ էլ ես չարախոսել ուրիշներին։
  • Իմաստուն կինը սարքում է իր տունը, իսկ հիմարը՝ քանդում։
  • Որքա՜ն լավ է ժամանակին ասված խոսքը։
  • Հիմարին հիմարությամբ մի պատասխանիր, որ դու էլ նրա նման չդառնաս։
  • Փոս փորողն ինքը կընկնի դրա մեջ, և ով քար կնետի, հենց դեպի իրեն էլ այն կվերադառնա։
  • Չկա ավելի մեծ շնորհ, քան սեփական գործերից ուրախանալը, քանի որ դա է մարդու կոչումը, քանզի չի կարող տեսնել, թե ինչ է լինելու հետո։
  • Չկա մարդ, ով կիշխի քամուն, մահվան ժամի վրա էլ իշխանություն չկա, չկա նաև արձակուրդ պատերազմի ժամանակ, և չի փրկի անպատիվին անպատվությունը։
  • Ով խնայում է իր շուրթերը, նա իր հոգին է պաշտպանում, իսկ բերանը լայն բացողն անպայման ոչ մի լավ բանի չի հասնի։
  • Կյանքին որպես տոնի վերաբերվեք, քանի որ կյանքն ինքնին մեծ արժեք ունի։
  • Կյանքը բաղկացած է ներկայից, իսկ ներկայի իմաստը ներկայում լինելն է։
  • Աղքատին օգնողը չի աղքատանա։
  • Երկար համբերող մարդը խիզախից լավ է, և ինքնատիրապետում ունեցողն ավելի լավն է, քան քաղաքը նվաճողը։
  • Կատաղության պահին ձեզ չի օգնի ձեր հարստությունը, սակայն ճշմարտությունը կարող է մահից փրկել։
  • Փափուկ լեզուն ոսկորն էլ կջարդի։
  • Ինչ փղի քթին անցկացրած ոսկե օղը, ինչ գեղեցիկ և ցնորամիտ կինը։
  • Շատախոսելիս մեղքից չես խուսափի։
  • Խելամիտ մարդը աղետը տեսնում ու թաքնվում է, իսկ անփորձներն առաջ են գնում ու պատժվում։
  • Գլխավորն իմաստնությունն է։ Իմաստնություն ձեռք բեր ու քո ողջ կարողությամբ խելք ձեռք բեր։
  • Դաժան է կատաղությունը, անզուսպ՝ զայրույթը, բայց ո՞վ կկարողանա խանդին դիմադրել։
  • Ծիծաղելիս էլ է երբեմն սիրտը ցավում, և ուրախության վերջն էլ երբեմն տխրությունն է լինում։
  • Սնապարծության հետ անխուսափելիորեն ապականումն է գալիս, իսկ հնազանդներին իմաստնությունն է հյուր գալիս։
  • Վեճի սկիզբը նույնն է, ինչ ջրի ճեղքումը։ Հեռացիր, նախքան այն կլցվի ամենուր։
  • Կենդանի մարդկանց միջև գտնվողը դեռ հույս ունի։
  • Ատելությունը վեճեր է սադրում, բայց սերը ծածկում է բոլոր մեղքերը։
  • Բարի անունը մեծ հարստությունից լավ է։
  • Ավելի օգտակար է իմաստնությունը, քան հիմարությունը, ինչպես լույսն օգտակար է խավարից։ Բայց միևնույն ճակատագրին կարող են արժանանալ թե իմաստունը, և թե հիմարը։
  • Աղքատն ատելի է լինում անգամ իր մտերիմների համար, իսկ հարուստը շատ ընկերներ ունի։
  • Իմաստնությունը պաշտպանում է նույնպես, ինչպես և փողը, բայց նրա առավելությունն այն է, որ այն պահպանում է իր տիրոջ կյանքը։
  • Ինչպես որ սառը ջուրն է ծարավից տոչորված հոգու համար, այնպես էլ հեռավոր երկրից բարի լուրն է սպեղանի դառնում։

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

«Դու պետք է ուժեղ լինես, այլապես ի՞նչ իմաստ ունի քո լինելը». Վիկտոր Ցոյի լավագույն մտքերը
Ինչո՞ւ ամերիկյան տներում չկան լվացքի մեքենաներ
Կենդանակերպի այս նշանները կարող են գուշակել ապագան
12 ոգեշնչող խորհուրդ տատիկիցս, որ նա թողել է իր ժառանգներին նախքան մահանալը
Որոնք են հորոսկոպի ամենահզոր նշանները
10 զարմանալի փաստ խոզերի մասին

ԱՄԵՆԱԸՆԹԵՐՑՎԱԾ

Պարզվել է՝ մարմնավաճառները պատվիրատուի դուստրերն են (Photo)
Ինչու՞ են տղամարդիկ սիրուհի պահում
Հարսս տանը կորցրել էր բջջայինը ու ինձ խնդրեց զանգել իր համարին․ Լսելով զանգի ձայնը՝ ուղղակի ցնցվեցի․․․ իսկ ես մտադրվել էի տունս նրանց նվիրել
Թեստ. Կճանաչե՞ք հայտնի հայերին՝ նայելով միայն նրանց աչքերին
30 բան, որ նյարդայնացնում է տղամարդուն. մի՛ արեք, կանայք
Կլիմաքսի նախանշանները ճանաչելով՝ կարելի է հետաձգել այն․ ահա, թե ինչին պետք է ուշադրություն դարձնեք
Թեստ․ Հիշո՞ւմ եք «Հարսնացուն Հյուսիսից» ֆիլմի հայտնի ու սիրված մեջբերումները
Հաստ աղիի քաղցկեղի ամենաարտասովոր ախտանշանը, որը ԵՐԲԵՔ չի կարելի անտեսել
Ո՞ր վարորդը պետք է առաջինը անցնի կարգավորվող խաչմերուկը

ԲԱՑ ՄԻ ԹՈՂԵՔ

«Դու պետք է ուժեղ լինես, այլապես ի՞նչ իմաստ ունի քո լինելը». Վիկտոր Ցոյի լավագույն մտքերը
Կարիճը և Կրիան․ Սուֆիստական խորիմաստ առակ
Ինչպես խուսափել որովայնի ցավերից, փորկապությունից, գազերից․․․
Ինչո՞ւ ամերիկյան տներում չկան լվացքի մեքենաներ
Օպտիկական պատրանք. Միայն քչերն են կարողանում գտնել այս նկարների բոլոր տարբերությունները
Կենդանակերպի այս նշանները կարող են գուշակել ապագան
«Քեզ ո՞ւմ տեղն ես դրել, որ թույլ ես տալիս մարդու արժանապատվության հետ խաղալ». Կարեն Բաբաջանյանը՝ Արմուշի և «32 ատամ» ակումբի մասին (Video)
Ուղղագրական թեստ․ «Մ, թե՞ Ն»
Իրանը հարձակվել է Իսրայելի վրա