Ղեկավարները կարողանում են կանխատեսել իրավիճակն ու արագ կողմնորոշվել՝ համադրելով մարդամոտությունն ու պատասխանատվությունը։ Կանանց 13 տոկոսը, ըստ սոցհարցումների, ղեկավարներին համարում է ամենացանկալի սեռական զուգընկերները, իսկ նրանց խստաոճ կոստյումը, իշխանությունն ու լիքը դրամապանակը՝ լավագույն աֆրոդիզիակը։
Այս կապակցությամբ որոշ ղեկավարների մոտ զարգանում է ինտիմոֆոբիա՝ չափից մտերիմ հարաբերությունների հանդեպ վախի զգացում, քանի որ դիմացինի իսկական զգացմունքներն ու շահամոլությունը զանազանելը այդքան էլ հեշտ չէ։ Արդյունքում, նրանք կյանքի բոլոր դժվարություններին դիմանում են մենակ ու գոհանում են ոչինչ չպարտադրող հարաբերություններով։
Գիտնականները բավականին բարդ սեռական զուգընկեր են, քանի որ գիտությունը նրանց ավելի շատ է հետաքրքրում, քան մարդկային հարաբերությունները։ Նրանց համար ավելի հասկանալի են մաթեմատիկական խնդիրները, քան կանացի ցանկությունները, որոնք չեն ենթարկվում որեւէ տրամաբանության։
Սեքսի հանդեպ գիտնականների վերաբերմունքը բավականին տարբեր է լինում՝ զուտ ճանաչողականից սկսած, մինչեւ՝ սպառողական։
Քաղաքական, հասարակական գործիչները, մարզիչները, զբոսաշրջային խմբերի ղեկավարները կարող են սեքսում բավականին ակտիվ լինել ու նույնիսկ սիրում են զուգընկերուհիների «հավաքածու» պահել։ Նրանց դուր է գալիս արագ, հախուռն, նվազագույն նախաբանով սեքսը։
Փաստաբանները, հոգեբանները, բժիշկները սեքսի հարցում, ինչպես եւ կյանքում, շատ զգուշավոր են։ Նրանց մտահոգում է սեքսի անվտանգությունն ու հուսալիությունը։ Եթե կա փոքր հավանականություն, որ կինը կմերժի՝ նրանք երբեք սեքս չեն առաջարկի։
Հազվադեպ են նախաձեռնությունն իրենց ձեռքը վերցնում, չնայած քնքուշ են ու հոգ են տանում կնոջ բավականության մասին։
Դերասանները, լրագրողները, ուսուցիչները, վաճառականները ու մշտական շփում պահանջող մյուս մասնագիտությունների տեր մարդիկ նաեւ ինտիմ կյանքում են կարեւորում շփումը, գնահատանքն ու զգացմունքները։ Նրանք ատում են միապաղաղությունն ու չափավորությունը։ Միշտ փնտրում են նոր զգացողություններ։
Մարզիկները, ոստիկանները, զինվորականները, հրշեջ ծառայողները հեշտությամբ են կողմնորոշվում իրավիճակում ու արագ արձագանքում դրան, չխորանալով վերլուծության մեջ։ Նրանք սեքսն էլ չեն սիրում բարդացնել։
Նրանց համար անհասկանալի են սեքսի միօրինակության, չբավարարվելու կապակցությամբ դժգոհությունները։ Սեքսից բավականություն ստանալը նրանց համար բնական ու հասարակ երեւույթ է, ինչպես ձյունը ձմռանը։ Սիրախաղ հասկացությունը նրանց խորթ է ու անհասկանալի։
Տնտեսագետները, մեքենավարները, օդաչուները հարաբերություններում գնահատում են կայությունունը։ Հաճախ են սեքսին վերաբերվում առանց ավելորդ ռոմանտիզմի, ինչպես ֆիզիոլոգիական պահանջի։ Գուցե նրանց հետ հարաբերություններին պակասում են հախուռն ու անակնկալ պահերը, բայց փոխարենը դրանք հստակ ու որոշակի են։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
