«Մի՛ մոռացիր, որ հավիտյան պատասխանատու ես նրա համար, ում ընտելացրել ես»․ 10 հանճարեղ արտահայտություն «Փոքրիկ իշխանը» գրքից

«Փոքրիկ իշխանը» ֆրանսիացի գրող Անտուան դը Սենտ-Էքզյուպերիի հանճարեղ ստեղծագործությունն է:

Մեծերի համար այս մանկական հեքիաթն առաջին անգամ հրատարակվել է 1943 թվականին, և այդ օրվանից աշխարհում չկա մեկը, ով չճանաչի գրքի գլխավոր հերոսին` ոսկեգույն մազերով տղային:

«Փոքրիկ իշխանը» թարգմանվել է ավելի քան 180 լեզուներով, դրա հիման վրա նկարահանվել են ֆիլմեր, գրվել է երաժշտություն:

Գիրքը դարձել է ժամանակակից մշակույթի մի մասը:

Բայց եթե դա մի որևէ մոլախոտ է, հենց որ ճանաչեցիր, պետք է անմիջապես արմատախիլ անես:

Մոլորակը մարդու հոգին է, նրա ներաշխարհը, իսկ մոլախոտը` վատ մտքերը, արարքներն ու սովորությունները, որոնցից պետք է ազատվել, քանի դեռ դրանք խորը չեն գցել իրենց արմատները և չեն կործանել մարդուն:

Պետք է մի երկու թրթուր հանդուրժեմ, եթե ուզում եմ թիթեռների հետ ծանոթանալ:

Որոշ մարդիկ տհաճ են մեզ` թրթուրների պես լպրծուն ու զզվելի: Բայց դա չի նշանակում, որ նրանց մեջ գեղեցիկ ոչինչ չկա: Գուցե նրանք պարզապես իրենց ճանապարհն են փնտրում և մի օր կվերածվեն գեղեցիկ թիթեռի:

Ես չգիտեի, թե ինչպես կանչեմ, որպեսզի նա լսի, ինչպես հասնեմ նրա հոգուն, որը սահում, հեռանում էր ինձանից… Չէ՞ որ շատ խորհրդավոր ու առեղծվածային է արցունքների աշխարհը:

Դժվար է անկեղծորեն կարեկցել մյուսներին: Նույնքան դժվար է նաև ներողություն խնդրել, երբ նեղացրել ես ինչ-որ մեկին: Բոլոր բառերն անկարևոր ու սխալ են թվում: Բայց շատ կարևոր է հետ չսովորել ցավել ու կարեկցել:

Չէ՞ որ բոլոր մեծահասակները առաջ երեխա են եղել, միայն թե նրանցից քչերն են այդ բանը հիշում:

Երեխաներն ապշեցուցիչ են: Մինչև իրենց չսովորեցնեն «ճիշտ» մտածել, նրանց գլխում հիանալի գաղափարներ են պտտվում: Նրանց երևակայությունն անսահման է և մաքուր: Ափսոս, որ մեծահասակները դա չեն հիշում:

Խոսքերը միայն խանգարում են իրար լավ հասկանալուն:

Մարդիկ միլիարդավոր բառեր են արտասանում, որոնց մեծ մասը դատարկ ու անպետք է: Իսկ որքան բառերի համար ենք ափսոսում: Բայց աշխարհն այդպես է կառուցված. առանց խոսքի հասարակությունը երևի գոյություն չէր ունենա: Պարզապես պետք չէ մոռանալ, թե ինչ ուժ ունի խոսքը, և գնահատել այն մարդկանց, ում հետ կարելի է լռել:

Քո վարդը քեզ համար այդքան թանկ է, որովհետև դու նրան տվել ես քո ամբողջ հոգին:

Մոլորակի վրա ավելի քան 7 միլիարդ մարդ կա, բայց մեզնից յուրաքանչյուրն ընդամենը մի քանի իսկապես մտերիմ մարդ ունի: Որքան էլ վատ հնչի, բայց մենք սիրում ենք ոչ թե մարդկանց, այլ այն ժամանակը, որ անց ենք կացնում նրանց հետ:

Երբ թողնում ես, որ քեզ ընտելացնեն, հետո դրա համար կարող է և լաս:

Միայնակ մարդկանց համար ավելի հեշտ է` քեզ չեն կարող խաբել, ուստի ցավոտ չի լինի: Դժվար է վստահել, ավելի ճիշտ վախենալի է: Եթե լինեին խանութներ, որտեղ ընկերներ վաճառեին, շատերը մշտական գնորդներ կլինեին, բայց, բարեբախտաբար, նման խանութներ չկան, և մարդիկ ստիպված «ընտելանում» են: Իսկ մենք գիտենք, որ գոյություն չունի այնպիսի ընկերություն, որ չի ստիպում արտասվել:

Այդ դեպքում ինքդ քեզ դատիր,- ասաց թագավորը: -Դա ամենադժվար բանն է: Իրեն դատելը ուրիշներին դատելուց դժվար է: Եթե դու կարողանաս ինքդ քեզ ճիշտ դատել, նշանակում է, հիրավի, իմաստուն ես:

Մարդիկ սիրում են միմյանց դատել ու պատիժներ սահմանել. չէ՞ որ դա այդքան հեշտ է: Ասեցիր մարդուն, որ ինքը սխալ է, և ավելին անելու անհրաժեշտություն չկա: Այլ բան է դատել ինքդ քեզ:

Միայն սիրտն է սրատես: Ամենագլխավորը աչքով չես տեսնի:

«Լսիր սրտիդ». այս արտահայտությունը շատ հաճախ կարելի է լսել երգերում և ֆիլմերում: Այն թերևս «Ես քեզ սիրում եմ»-ից հետո ամենատարածվածն է: Բայց մենք այն լուրջ չենք ընդունում:

Մի՛ մոռացիր, որ հավիտյան պատասխանատու ես նրա համար, ում ընտելացրել ես:

Այս բառերը մեկնաբանության կարիք չունեն: Ոչ մի վայրկյան չի կարելի մոռանալ մտերիմ մարդկանց մասին: Մենք պարտավոր ենք այնպես անել, որպեսզի նրանք չհայտնվեն արցունքների աշխարհում:

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

Ինչո՞ւ էին ԽՍՀՄ-ում տարիներ շարունակ հոգեբուժարանում պահում Չինաստանի հայտնի առաջնորդ Մաո Ցզեդունի կնոջը. պատմություն, որ քչերին է հայտնի
Ինչպե՞ս լեգենդար շախմատիստ Տիգրան Պետրոսյանն օգնեց Կուբայի նախագահ Ֆիդել Կաստրոյին հաղթել շախմատի աշխարհի չեմպիոնին. պատմություն, որ քչերին է հայտնի
5 գաղտնի կազմակերպություններ, որոնք իսկապես կառավարում են աշխարհը
Բնական միջոց, որը ձեզ կազատի բակտերիաներից, սնկից, հերպեսից, արթրիտից
Ինչպես գտնել երազանքի տղամարդուն
Հետաքրքիր պատմություն Ֆրունզիկ Մկրտչյանի մասին, որը քչերը գիտեն

ԱՄԵՆԱԸՆԹԵՐՑՎԱԾ

Դաստիարակության 10 ոսկե կանոններ՝ հոգեբան Յուլյա Հիպպենռեյթերից
Ինչու՞ են կանայք դավաճանում
Ինչի՞ հետ է կապված մշտապես սեքսով զբաղվելու անհագ ցանկություն ունենալը
Հայտնի են կնոջ ամենասեքսուալ հասակը և քաշը
«Մահանալը՝ ոչինչ, սարսափելին չապրելն է». Վիկտոր Հյուգոյի լավագույն 25 մտքերը
Արտահայտություններ, որ տղամարդիկ պաշտում են լսել
Ի՞նչ կարելի է անել, որ տղամարդը կարոտի ձեզ. 8 հիանալի խորհուրդներ
«Երբ դուք բաց եք թողնում, դեպի ձեզ է վերադառնում լավագույնը». Շրի Ռավի Շանկարի 7 անգին խորհուրդները
Ի՞նչ է տեղի ունենում մարմնի հետ, երբ սեքսով չեք զբաղվում

ԲԱՑ ՄԻ ԹՈՂԵՔ

Հետաքրքիր թեստ համաշխարհային պատմությունից․ քանի՞ հարցի ճիշտ կպատասխանեք
Ինչո՞ւ էին ԽՍՀՄ-ում տարիներ շարունակ հոգեբուժարանում պահում Չինաստանի հայտնի առաջնորդ Մաո Ցզեդունի կնոջը. պատմություն, որ քչերին է հայտնի
Որոնք են սրտամկանի «լուռ» ինֆարկտի մասին հուշող հիմնական դրսևորումները
Մարդկանց միայն 17%-ն է կարողանում հաղթահարել այս թեստը, իսկ դուք կկարողանա՞ք
Ինչպիսի տղամարդկանց ես դու գրավում` ըստ ձեր կենդանակերպի նշանի
ԹԵՍՏ՝ առած-ասացվածքներ, կկարողանա՞ք հաղթահարել
Ինչպե՞ս վերադարձնել սեքսը. 5 խորամանկություն, որոնք իսկապես կարելի է օգտագործել
Ինչպես մեծացնել շրթունքները տան պայմաններում
Ինչպե՞ս լեգենդար շախմատիստ Տիգրան Պետրոսյանն օգնեց Կուբայի նախագահ Ֆիդել Կաստրոյին հաղթել շախմատի աշխարհի չեմպիոնին. պատմություն, որ քչերին է հայտնի