Աչքերի ձևն ու մարդու բնավորությունը

Խոշոր աչքեր

Այդպիսի աչքեր ունեցողները տղամարդկային են, խելացի, շփվող եւ արտիստիկ: Նրանք իրենց բնույթով առաջնորդներ են: Նրանց հատուկ է իշխանության ձգտումը, նրանք միշտ գիտեն՝ ինչի են ուզում հասնել, նրանք առանձնանում են զարմանալի աշխատունակությամբ: Որպես կանոն՝ խոշոր աչքերով մարդիկ առանց դժվարությունների հաջողության են հասնում քաղաքականության մեջ եւ արվեստում:
Միաժամամանակ՝ նրանք զգայուն են, անկեղծ եւ բնական՝ իրենց զգացմունքներն արտահայտելիս: Իսկ եթե աչքերն անհամաչափ են խոշոր, հոնքերը հաստ են, իսկ դիմագծերը՝ կտրուկ, ապա դա վկայում է բոլորին իշխելու ձգտման ու ագրեսիվության մասին:

Խոշոր եւ ցայտուն աչքեր

Այդպիսի աչքերը վկայում են լավ զարգացած լիդերական հատկանիշների եւ ողջամտության մասին: Այդպիսի աչքերով տղամարդիկ եռանդուն են ու հավակնոտ: Գեղեցիկ սեռի ներկայացուցիչներն ավելի իմպուլսիվ են, շփվող եւ իշխող: Միաժամանակ՝ նրանք հակված են թեթեւամտության, անմիտ արարքների եւ ռիսկի:

Խոշոր աչքեր՝ ոչ մեծ ծիածանաթաղանթով

Ոչ մեծ ծիածանաթաղանթով խոշոր աչքերը, երբ սպիտակ հատվածը երեւում է ոչ միայն կողքերից, այլեւ ներքեւից, վկայում է այն մասին, որ մարդը ունի բուռն խառնվածք եւ ատում է երկարաժամկետ պարտավրությունները՝ եւ աշխատանքային, եւ անձնական կյանքում: Սակայն նրանք նաեւ առավելություններ ունեն՝ խորաթափանց են եւ շռայլ:

Փոքր աչքեր

Փոքր աչքերը վկայում են մարդու ինքնաբավության, վերլուծական մտքի, ներքին հանգստության մասին: Այդպիսի մարդկանց բնորոշ են ամուր կենսական համոզմունքներն ու համառությունը: Եթե նրանք ինչ-որ բան ցանկանում են՝ անպայման ստանում են: Թեեւ նրանք շատ լավ հարաբերություններ են ունենում շրջապատի հետ, բայց աշխատում են ուշադրության կենտրոնում չլինել: Նրանք աչքի են ընկնում նվիրվածությամբ եւ կյանքի հավատարիմ ուղեկից կարող են լինել: Իսկ կանայք, չնայած հավատարմությանը, նաեւ շատ խանդոտ են:

Կլոր աչքեր

Այդպիսի աչքերը ճանաչման եւ հաջողության ձգտման մասին են խոսում: Պատասխանատվություն չվերցնելու ցանկությունը նրանց հաճախ է խանգարում փառքի բարձրունքներին հասնել: Նման մարդիկ բռնկուն են, բայց, չնայած դրան, վրեժխնդրությունը նրանց բնորոշ չէ, քանի որ արագ էլ հանդարտվում են: Կլոր եւ լայն բացված աչքերը վկայում են անսովոր անկեղծության եւ բռնկուն բնավորության մասին:

Նշաձեւ աչքեր

Աչքերի նման ձեւը վկայում է նուրբ կերտվածքի մասին: Նման մարդիկ պաշտում են արվեստը եւ գնահատում են ընկերությունը: Եթե աչքերի արտաքին անկյունները մի փոքր վեր են՝ նշանակում է, նրանք նվիրված եւ զգայուն են: Եթե անկյունները մի փոքր ներքեւ են, ապա մարդը հակված է մելանխոլիայի եւ սիրում է վիճել: Իսկ եթե վերին եւ ներքին անկյունները մեկ գծի վրա են, նշանակում է, նա ինքնավստահ է, ինքնաբավ, սիրում է լռություն եւ հոգեկան հավասարակշռություն:

Եռանկյունաձեւ աչքեր

Եռանկյունաձեւ աչքեր ունեցողները թեթեւամիտ են, անփույթ, սիրում են խոսել, բայց այդ ամենը նրանց չի խանգարում լինել տաղանդավոր եւ իմաստուն: Միայն առաջին հայացքից են նրանք անկայուն: Ավելի մոտ ծանոթության ժամանակ անփութության շղարշի տակից ի հայտ են գալիս մրցակցության ձգտումը, նախանձը, ինչ- որ բանով մյուսներին գերազանցելու ցանկությունը:

Խորն ընկած աչքեր

Աչքերի այսպիսի ձեւ ունեցող մարդիկ նեղացկոտ են, հավասարակշռված, նրանց հատուկ է երազկոտությունը: Նրանք չեն ձգտում ռիսկի դիմել, պահպանողական են եւ կարողոնում են հրաշալի վարվել փողի հետ: Նրանք ամեն ինչ վերլուծում են, իրենց խնդիրների մասին չեն սիրում պատմել, ցույց չեն տալիս իրենց ապրումները: Ու թեեւ շրջապատում նրանց զգուշությամբ են վերաբերվում, նրանք միշտ պատրաստ են օգնության հասնել:

Շեղ աչքեր

Աչքերի նման ձեւ ունենում են բարի, համբերատար ու զգացմունքային մարդիկ: Լավատեսություն, համարձակություն, ինքնավստահություն. այս որականերն են դառնում նրանց հաջողության ուղեկիցը: Շեղ աչքերով մարդիկ հակված են ռիսկի եւ արկածախնդրության, ինչը հաճախ է նրանց ստիպում դիմել չմտածված քայլերի:

Վեր բարձրացած արտաքին անկյուններով աչքեր

Այսպիսի աչքեր ունեցողներին հատուկ է մեծահոգությունը, համառությունը, սոցիալական լավ հարաբերությունների ստեղծումը, երեխաներին լավ դաստիարակելը: Նրանք հիմնականում հաջող կարիերա են ունենում, հակված են դեպի ստեղծագործական աշխատանքը, բայց, միաժամանակ, նրանք կարող են նաեւ ագահ լինել:

Ներքեւ իջած արտաքին անկյուններով աչքեր

Աչքերի այս ձեւը տխրության տպավորություն է թողնում, բայց այդ մարդիկ աչքի են ընկնում լավատեսությամբ եւ անսահման բարությամբ: Նրանք ավելի շատ հակված են հոգ տանել մերձավորների, քան՝ իրենց մասին: Նրանց հատուկ են վճռականությունն ու հմայքը, բայց նրանք չեն կարողանում ճիշտ որոշել առաջնահերթությունները, ինչի արդյունքում երկար ժամանակ ուրիշի խնդիրներն են լուծում:

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

Կենդանակերպի նշանների կարմայական կապերը
Թեստ․ Զվարճալի, բայց հետաքրքիր տրամաբանական հարցեր
Ինչպե՞ս է ազգանվան փոփոխությունն ազդում կնոջ ճակատագրի վրա
ԹԵՍՏ. Գիտե՞ք արդյոք հայտնի դարձվածքները
Ձեր ծննդյան տարվա վերջին թվանշանը կբացահայտի ձեր կյանքի գաղտնիքը
Նշաններ, որոնք բնորոշ են «էժանագին» կանանց․ Էվելինա Խրոմչենկո

ԱՄԵՆԱԸՆԹԵՐՑՎԱԾ

Հարսս տանը կորցրել էր բջջայինը ու ինձ խնդրեց զանգել իր համարին․ Լսելով զանգի ձայնը՝ ուղղակի ցնցվեցի․․․ իսկ ես մտադրվել էի տունս նրանց նվիրել
Ինչու՞ են տղամարդիկ սիրուհի պահում
Պարզվել է՝ մարմնավաճառները պատվիրատուի դուստրերն են (Photo)
Ամենասարսափելի սխալները, որոնք վտանգավոր են կանանց ինտիմ առողջության համար
Հաստ աղիի քաղցկեղի ամենաարտասովոր ախտանշանը, որը ԵՐԲԵՔ չի կարելի անտեսել
Ուղղագրական թեստ․ «Մ, թե՞ Ն»
Թեստ. Հիշու՞մ եք 90-ականների երգիչ-երգչուհիներին
Թեստ. Կճանաչե՞ք հայտնի հայերին՝ նայելով միայն նրանց աչքերին
Կադրեր Գևորգ Մկրտչյանի և Քրիստինե Հովհաննիսյանի հարսանիքից (Video)

ԲԱՑ ՄԻ ԹՈՂԵՔ

Կադրեր Գևորգ Մկրտչյանի և Քրիստինե Հովհաննիսյանի հարսանիքից (Video)
Կենդանակերպի նշանների կարմայական կապերը
Բացառիկ լուսանկարներ Գևորգ Մկրտչյանի և Քրիստինե Հովհաննիսյանի հարսանիքից (Photo)
Թեստ․ Իսկ դուք վստահ եք, որ կճանաչեք նրանց
Գեղեցիկ ժպիտի գաղտնիքները. մոռացեք ատամների հետ կապված խնդիրների մասին
Թեստ․ Զվարճալի, բայց հետաքրքիր տրամաբանական հարցեր
«Սև ցուցակ»․ Ամենավտանգավոր մթերքները կանանց համար
ԹԵՍՏ․ Դեռ ոչ ոքի չի հաջողվել գտել ավելորդ թիվը, իսկ դուք կարո՞ղ եք
6 դիրք, որոնք կօգնեն ձեզ ակնթարթորեն քնել