Նա պետք է կայուն աշխատանք ու աշխատանքի փորձ ունենա
Պատանեկան տարիքում մեզ համար բավարար է, որ տղան ռոք խմբում է նվագում: Բայց հասուն կնոջ համար դա բավարար է, եթե դա U2 կամ Rolling Stones խումբն է: Գուցե տղամարդուց միլիոնների եկամուտ ակնկալելը չափազանց է, բայց նա պետք է կայուն աշխատանք ու ինչ-որ կարիերա ունենա: Դա ուղղակիորեն արտացոլում է նրա բնավորությունը: Եթե նա արդեն ինչ-որ բանի հասել է, նշանակում է՝ կարող է ինչ-որ պարտավորություններ ստանձնել, ծույլ չէ, պատասխանատու է, զարգանում է: Բացի այդ՝ դա մեծ կապ ունի նրա ինքնագնահատականի առումով: Նա պետք է հոգ տանի իր, ընտանիքի մասին, ինչ-որ նպատակ ունենա:
Նա պետք է ճաշ պատրաստել եւ տունը հավաքել կարողանա
Պարտադիր չէ շեֆ խոհարար եւ Միստեր Պրոպեր լինի: Բայց յուրաքանչյուր հասուն մարդ պետք է ի վիճակի լինի տարրական ինչ-որ բան պատրաստել եւ իր հետեւից լվանալ ափսեն: Դա ոչ միայն մատնանշում է, որ մարդն ինքնաբավ է, այլեւ այն, որ ինչ-որ բան անելու ցանկություն ունի: Նա չպետք է ակնկալի, որ միշտ դուք եք ճաշ պատրաստելու եւ հավաքելու տունը:
Նա չպետք է ծնողների հետ ապրի
Շատ լավ է, երբ տղամարդը լավ հարաբերություններ ունի մոր հետ, բայց ոչ այնքան, որ մայրը 24 ժամ իմանա, թե որտեղ է իր տղան, եւ չմիանա ձեզ երեկոյան ֆիլմ դիտելիս: Մի բան է ընտանիքը սիրելն ու հարգելը, այլ բան՝ միայն ընտանիքի վրա կենտրոնանալը: Տղամարդը պետք է հասկանա, թե որտեղ է ավարտվում մանկությունն ու սկսվում հասուն կյանքը: Դուք պետք է մենակ մնալու ժամանակ ունենաք:
Նա պետք է իր կյանքն ունենա
Երբեմն տղամարդիկ նույնպես իրենց կանանց նման են պահում՝ ցանկանալով անընդհատ միասին ժամանակ անցկացնել: Բայց յուրաքանչյուրը պետք է իր համար, իր ընկերների ու հետաքրքրությունների համար ժամանակ ունենա: Եթե, իհարկե, տնակյաց չեք: Բայց այդ դեպքում նա պետք է նորմալ վերաբերվի ձեր ազատ ժամանակին եւ կախված չլինի ձեր սիրուց:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
