Անձնական հիգիենայի պահպանման 10 կանոն

Like on FB:

Ի՞նչն է հանգեցնում դիսբիոզի (դիսբակտերիոզ): Ինչո՞ւ է օճառը վնասակար ինտիմ հատվածների համար:

Ինչպե՞ս պահպանել մաքրությունն օրվա ամբողջ ընթացքում:

Աձնական հիգիենան նուրբ թեմա է, որը հաճախ նախընտրում են չշոշափել, սակայն լռելն էլ կարող է հանգեցնել լրջագույն խնդիրների:

Կնոջ վերարտադրողական համակարգի կենտրոնն արգանդն է, և մանրէների ներթափանցումն այնտեղ կարող է նպաստել բարդությունների առաջացմանը:

Հեշտոցի նորմալ միկրոֆլորան 90%-ով բաղկացած է լակտոբակտերիաներից, որոնք կաթնաթթու են արտազատում: Հեշտոցի թթվային միջավայրը ոչնչացնում է հիվանդածին մանրէների մեծ մասին: Եթե ինչ-ինչ պատճառներով հեշտոցի միջավայրը թթվայինի փոխարեն դառնում է հիմնային, ապա լակտոբակտերիաների քանակն էապես նվազում է՝ տեղ ազատելով այլ մանրէների համար: Այդ վիճակը կոչվում է դիսբիոզ:

Հեշտոցի թթվահիմնային հավասարակշռության խախտման ամենից հաճախ հանդիպող պատճառը լոգանքի ժամանակ հիմնային օճառների փրփուրի թափանցումն է հեշտոց: Անհանգստանալու կարիք չկա, եթե դա պատահել է մեկ անգամ, սակայն պարբերաբար կրկնվելու դեպքում միկրոֆլորայի լուրջ խախտումներն անխուսափելի են: Այդպիսի դեպքերում առաջին հիմնական ախտանշանը տհաճ հոտն է: Հեշտոցի թթվային միջավայրի խանգարմանը կարող է նպաստել ոչ միայն օճառը, այլև որոշ ֆիզիոլոգիական պրոցեսներ, ինչպիսիք են հղիությունը և դաշտանը:

Վարակներից և բորբոքումներից խուսափելու նպատակով պետք է հետևել որոշակի կանոնների

1. Խորհուրդ է տրվում լոգանք ընդունել օրվա մեջ երկու անգամ: Ձեռքերի և ջրի շիթը պետք է ուղղված լինեն առջևից հետ, որպեսզի բացառվի հետանցքից հեշտոց մանրէների կամ վարակի ներթափանցումը (ուղղությունը պետք է լինի առջևից դեպի հետ նաև զուգարանի թղթից օգտվելիս): Դաշտանի օրերին ավելի հաճախ է պետք լվացվել: Մանրէների տարածումը կանխելու նպատակով ինտիմ հատվածները պետք է սրբել հատուկ դրա համար առանձնացրած սրբիչով: Ի դեպ, թաց հատվածները պետք է ոչ թե սրբել, այլ չորացնել սրբիչի հպումներով, որպեսզի պատահմամբ չքերծեք նուրբ հատվածները:

2. Պետք չէ ինտիմ հատվածները լվանալ օճառով. այն գրգռում է նուրբ լորձաթաղանթը: Օգտագործեք անձնական հիգիենայի համար նախատեսված գելեր և քսուքներ, որոնք рн-ի թթվային մակարդակ ունեն. դա օգնում է վերականգնել բնական միկրոֆլորան:

3. Վաննայում շատ երկար մի պառկեք, եթե ջրում ավելացրել եք հոտավետ օճառ կամ աղ, քանի որ դրանք նպաստում են բնական մանրէների ոչնչացմանը:

4. Մի օգտագործեք սպունգ, քանի որ դա նպաստավոր խոնավ միջավայր է միկրոօրգանիզմների արագ բազմացման համար:

5. Եթե հորմոնային բեղմնականխիչներից եք օգտվում կամ հակաբիոտիկներ եք ընդունում, մոմիկներ օգտագործեք, որոնց բաղադրության մեջ կաթնաթթու է մտնում (կոնկրետ տեսակի ընտրության նպատակով խորհրդակցեք բժշկի հետ):

6. Մի ցողեք հեշտոցի շրջանը (եթե չկա հատուկ բժշկական ցուցում), քանի որ այդպիսի միջամտությունները հանգեցնում են կաթնաթթվային մանրէների ոչնչացմանը:

7. Կրեք բնական գործվածքից սպիտակեղեն: Արհեստական գործվածքները թույլ չեն տալիս մաշկին շնչել և պահպանում են խոնավությունը, ինչն էլ դառնում է բորբոքման պատճառ:

8. Դաշտանի շրջանում հաճախ փոխեք տամպոնը կամ միջադիրը (2-3 ժամը մեկ): Չի կարելի տամպոն օգտագործել սեռական օրգանների բորբոքումների, էրոզիայի կամ ներարգանդային պարույրի առկայության պարագայում: Եթե միջադիրի կամ տամպոնի փոխելուց հետո լվացվելու հնարավորություն չկա, օգտվեք ինտիմ հիգիենայի համար նախատեսված հատուկ խոնավ անձեռոցիկներից:

9. Ամենօրյա միջադիրներն օգնում են, որ մաշկն ամբողջ օրվա ընթացքում պահպանի իր թարմությունը: Փոխեք այն յուրաքանչյուր 3-4 ժամը մեկ անգամ: Եթե մաշկն զգայուն է, մի գնեք հոտավետ միջադիրներ, քանի որ կարող են գրգռել լորձաթաղանթը:

10. Խուսափեք չափազանց նեղ ջինսերից և արհեստական կտորեղենից կարված տաբատներից: Քնելիս ավելի ճիշտ կլինի ընտրել որակյալ բամբակե կտորից գիշերանոց:

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

Ամենօրյա սեքսի 15 առավելությունները
Տղամարդկային 6 պահանջարկ, որոնց մասին պետք է իմանա յուրաքանչյուր կին
8 բան, որ տղամարդիկ անում են ՄԻԱՅՆ այն կնոջ հետ, ում սիրում են
Ինչն է գրգռում կանանց և տղամարդկանց
5 բան, որ տղամարդը անում է միայն սիրելի կնոջ համար
Մարմնի տարբեր մասերը համբուրելու իմաստը` ըստ հոգեբանության
Ինչ անհագ պահանջմունքներ ունի տղամարդը սիրային հարաբերություններում՝ ըստ նրա Կենդանակերպի նշանի
Ի՞նչ կարելի է անել, որ տղամարդը կարոտի ձեզ. 8 հիանալի խորհուրդներ
Այլևս նորաձև չէ. գեղեցկության 8 թրենդ, որ արդեն վաղուց դուրս են եկել նորաձևությունից

Latest

Ամուսնալուծված տղամարդու հետ երջանիկ ամուսնության կանոններ. Միխայիլ Լոբկովսկու կարծիքը
Տարիներ առաջ՝ նախքան սիլիկոնն ու Ֆոտոշոփը, կամ 90-ականների շքեղ կանանց 20 լուսանկար
Սիրով ավելի հաճախ զբաղվելու 5 պատճառ
Գիտնականները պատմել են կանացի գեղեցկության 10 թերագնահատված նշանների մասին, որոնք իրականում գրավում են տղամարդկանց
Ինձ միայն սիրեկան չի պետք… Ինձ պետք է նա, ով…
3 տիպի տղամարդ, որոնցից պետք է զգուշանալ. Կոնֆուցիոսի իմաստուն մտքերը կանանց համար
Երբ տղամարդը որոշում է, որ ցանկանում է քեզ հետ լինել
Աշխարհի տների տարօրինակությունները, որոնք ռացիոնալ բացատրություն ունեն
7 նշան, որ ձեր հարաբերությունների ապագան մեծ հարցականի տակ է