Առողջությունը պահպանելու համար կանայք պետք է անպայման իրենց սննդակարգի մեջ ներառեն այնպիսի մթերքներ, որոնք հարուստ են երկաթով, լեցիտինով, բջջանյութով և յոդով, ինչպես նաև ավելի շատ C և E վիտամիններ:

Այս մասին հաղորդում է RIA Novosti-ն՝ հղում անելով բժիշկներին, որոնք համագործակցում են մթերքների պատվերի և առողջության վերահսկման հայտնի ծառայությունների հետ:

Ինչպես նշել է բժիշկ Մարգարիտա Մակուխան, երկաթը կանխում է անեմիայի զարգացումը կանանց օրգանիզմում և աջակցում է սրտի ու արյունատար համակարգի աշխատանքին:

Երկաթով հարուստ են անյուղ տավարի միսը, լյարդը, կակաոն, կակղամորթները և ծովային կաղամբը, ոսպը, սպիրուլինան, քունջութը:

Ընդհանուր առողջության համար կանանց օրգանիզմին անհրաժեշտ են պոլիչհագեցած ճարպաթթուներ, որոնք նպաստում են հորմոնների նորմալ սինթեզին, պահպանում են մազերի ու մաշկի առողջությունը:

Դրանք կարելի է գտնել ծովային ձկների մեջ:

Այլ ծովամթերքները, ինչպես նաև ֆեյխոան բարելավում են նյութափոխանակության գործընթացները և օգնում քաղցկեղի կանխարգելմանը:

Ձուն և բուսական յուղը պարունակում են սեռական հորմոնների սինթեզին նպաստող լեցիտին:

Իսկ սպանախը, հնդկաձավարը և ցիտրուսային մրգերը, շնորհիվ վիտամին C-ի, ունեն հակաօքսիդիչ ազդեցություն և պարունակում են նաև հղիության ընթացքում կարևոր վիտամին E:

Ապագա մայրերին անհրաժեշտ է ֆոլաթթու. այն շատ է յուղոտ կաթնաշոռի, սպանախի, լյարդի, հունական ընկույզի և պնդուկի մեջ:

Փորձագետները նշում են, որ կանանց առողջության համար անհրաժեշտ մթերքի զամբյուղի միջին արժեքը ավելի քան երկու անգամ բարձր է, քան տղամարդկանց առողջության համար անհրաժեշտ ապրանքների գինը:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ