Այսօր zNews-ը կներկայացնի բնիկ ամերիկացիների իմաստուն խոսքերն ու ասույթները Collective Evolution հավաքածուից (փակագծում նշված է ցեղի անվանումը)։

1. Լավ է ձեռքումդ կայծակ ունենաս, քան բերանումդ որոտ։ (Ապաչի)

2. Բոլոր բույսերը մեր քույրերն ու եղբայրներն են։ Եթե ուշադիր լինենք, կլսենք, թե նրանք ինչ են ասում (Արապահո)։

3. Ի՞նչ է կյանքը։ Դա լուսատիտիկի լույսն է գիշերվա մեջ։ Դա բիզոնի շնչառությունն է ձմռանը։ Դա այն ստվերն է, որ հայտնվում է խոտի վրա և անհետանում մայրամուտի մեջ (Սևաոտքեր)։

4. Մենք չենք ժառանգում հողը մեր նախնիներից, մենք այն պարտքով ենք վերցնում մեր սերունդներից։ (Սուկվոմիշի)

5. Երբ դու ծնվեցիր, դու լաց էիր լինում, աշխարհն ուրախանում էր։ Կյանքդ այնպես ապրիր, որ մեռնելիս աշխարհը լաց լինի, իսկ դու ուրախանաս։ (Չերոկի)

6. Ասա ինձ և ես կմոռանամ, ցույց տուր՝ և ես չեմ հիշի, սովորեցրու ինձ և ես կհասկանամ։

7. Սիրտը մեր առաջին ուսուցիչն է։ (Շայեն)

8. Հիշիր, քո երեխաները քո սեփականությունը չեն, նրանց քեզ պարտքով տալիս է Արարիչը։ (Մոհիկաններ)

9. Մի ոտքով կանոեի մեջ, իսկ մյուսով մակույկում կանգնողը գետը կընկնի։ (Տուսկարորա)

10. Մարդկային օրենքը փոփոխվում է մարդու հասկացության հետ։ Միայն ոգու օրենքներն են անփոփոխ։ (Քրոու)։

11. Մահը լոկ աշխարհների փոփոխությունն է։ (Դուվամիշ)

12. Չի կարելի արթնացնել նրան, ով քնած է ձևանում։ (Նավահո)

13. Բոլոր երազները միևնույն սարդոստայնից են հյուսված։ (Հոպի)

14. Շների հետ քնես, ոջլոտ կզարթնես։

15. Երբ մարդը հեռանում է բնությունից, նրա սիրտը չորանում է։

16. Զգույշ քայլիր գարնան վրայով․ Մայր-Հողը հղի է։ (Կայովա)

17. Ձգտիր իմաստության և ոչ թե գիտելիքի։ Գիտելիքը անցյալից է, իմաստությունը՝ ապագայից։ (Լամբի)

18. Եթե դու երախտապարտ լինելու պատճառ չես տեսնում, դա քո մեղքն է։ (Դելավեր)

19. Երբ կենդանի արարածներին հարգանքով ես վերաբերվում, նրանք քեզ հարգանքով են պատասխանում։

20. Գորտը չի խմում այն առվի ջուրը, որտեղ ապրում է։ (Սիու)

Նյութը հրապարակման պատրաստեց zNews-ը

Կիսվե՛ք Ձեր ընկերների հետ